Ebereei 11:25 - ꞌBuuk cĩ Thõõth cĩ Nyekuci

²⁵ Baa ẽlẽmĩ nẽẽ ngaatĩ appĩĩrnanĩ hĩ eet cĩg Nyekuci hõdẽĩ, hĩllõõan ngaatĩ accamanõõthĩkĩ ꞌthẽccaana hĩdĩhĩdĩĩc.

Ebereei 11:25 ပူးပေါင်းရင်းမြစ်များ

Maatteeo 13:21

Nẽ hĩnĩngĩtĩ hõllõngaa aꞌnyak nẽẽg cõrrẽẽn ꞌcĩg uuthihi, hõllõngaa aalla lemiiniti cĩnĩĩng ĩꞌthõng. Má õkõmĩ rũgẽtĩ ho, hode aaꞌnyĩk nyeemuut ĩhõõggõ ꞌcannan, iita aharrieek nẽẽg thõõth cĩ Nyekuci.

ꞌLuuka 16:25

“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

Dtiicanĩ cĩg ꞌThooyyiahu 7:34

Hĩcĩna naa pĩĩrnanĩt ꞌcĩ accananiini eeta cĩgannĩg Ijjiba. Hĩthĩha ulwa cĩnĩĩng nẽ ꞌyioko hikia loota hikia hõõga ĩhõõggõ. Nẽẽthĩ ꞌyioko, ijjia hĩꞌthooii bodooth Ijjiba.’

ꞌRooma 5:3

Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc,

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

Ebereei 10:32

Ma hataarroꞌthu waathinniook baag oou, baag athiknu niig thõõth cĩ Yeesu, ummukta tarĩ ꞌgõõl baa elemmu niig thõõth cĩnnĩ, tananga baa hĩĩ maka pĩĩrnanĩtĩ cunuung gẽrrẽẽt.

Ebereei 11:37

Nẽ baa aalla ohoddiaa ũgẽẽgĩ biyyiẽẽnĩ hadaahito, hode appaki ũgẽẽgĩ hĩĩtõ ꞌramma hode aruhi nyetubooꞌnyanĩ. Baa hiꞌthihi ũgĩ ceremwa nẽẽthĩ, baa ahimit nẽẽg ceremwa cĩg aꞌthaannu hĩ cĩg ẽẽthak. Baa ĩĩn nẽẽg hullaha nẽ accanattĩ, nẽ uukti thõng buúk.

Ebereei 4:9

Nẽẽthĩ, baa uduhaaheet Nyekuci ngagĩĩt ĩĩnnĩheet haaꞌnyuung hatĩ Kõr cĩ ꞌYiommaanõ, ꞌcĩ hatĩ hiyyiomanĩ naaga, tananga nga hikia kõrra tĩho.

ꞌJeemith 1:20

Hĩnĩngĩtĩ hõllõngaa aꞌnyaha liilii cĩ eeto rũgẽt ꞌcĩ aũlan ꞌcĩ accamana Nyekuci.

ꞌJeemith 5:5

Baa nga aattiyyu niig loota nĩnga, baa ammuku heengti cugguung diooni nẽ accamattoothihu. Nẽẽthĩ ꞌyioko, ĩdĩktu aauttu hĩ merukwaaꞌnya ꞌcĩg õõt etteeddi thõng.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

Terethiinit 18:7

Aꞌnyĩĩk ĩnõõnnõ ukẽẽnĩt hĩ huciith ꞌcĩ ĩllõõanĩ, hĩ baa abuluth nẽẽ ẽlẽ cĩnnĩ nẽ abalõ. Aĩ nẽẽ ꞌthĩnĩtaa cĩnnĩ nẽẽ, ‘Haayyi naa dtaaba nẽ hĩĩnĩ habu ꞌcĩ ngayyi, hõllõngaa hĩĩnĩ ngaatĩbõyyĩ nẽ hõllõngaa hatĩ homoꞌthi ũdũt.’