Ebereei 11:16 - ꞌBuuk cĩ Thõõth cĩ Nyekuci

¹⁶ Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 11:16 ပူးပေါင်းရင်းမြစ်များ

ꞌThianaattõ 26:24

Ma baalin niccia, ũũk uppwaannak Makayyioohiti Nyekuci ĩnõõnnõ nẽ ĩĩnnĩk, “Hĩĩnĩ naa Nyekuc cĩ maaconu Abũrahaamõ. Ma hiteelli, haꞌthuunni hatĩ naa nganiit nẽ haggataniina nẽ haaꞌnyii lõhõlĩ ꞌcĩg mẽẽlĩg, hĩnĩngĩtĩ thõõth baa haduhaahi naa dticciannioohit caannĩ Abũrahaamõ.”

ꞌThianaattõ 28:13

Baa abĩllaa Makayyioohiti hẽẽtahujjieen nẽ õthõõthak ĩnõõnnõ ĩĩnnĩk, “Nganĩĩt Makayyioohit Nyekuc cĩ maaconu Abũrahaamõ hĩcĩ Iꞌthaako. Haaꞌnyii hatĩ naa nganiit hĩ lõhõlĩ cugunnig, looc ꞌcĩ ꞌyioko oongiyyii nii ho.

Luugithõõ 3:15

Baa aduhaak Nyekuci Mũũꞌtha anneek, “Duhaak eet cĩg Ĩꞌthĩraẽlĩ anneek, ‘Ĩꞌthõõannaa Makayyioohiti Nyekuci cĩ maajihu cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo, hikia hĩ ngagiita. Haĩ ꞌthaar cĩgannĩg, Makayyioohit, ꞌthaar cĩgannĩg cieeg ooo. ꞌThaar ꞌcĩg hatĩ ammuhaanna nganĩĩt eeta hĩ lõhõlĩ cĩg lõhõlĩ ꞌcĩg nga au horumwa.’

Luugithõõ 3:6

Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.

Luugithõõ 4:5

Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maarko 12:26

Agayyu niig thõõth ꞌcĩ arũgthaanĩ Nyekuci eet daahĩtha nẽ agayyu dtẽẽllẽn cĩg Mũũꞌtha hĩ thõõth baa atũũthẽnĩ tumuth nẽ ĩĩnnĩk Nyekuci ĩnõõnnõ, ‘Hĩĩnĩ naa Nyekuc cĩ Abũrahamĩ hĩ cĩ Iꞌthaako nẽ hĩĩna Nyekuc cĩ Yakobo.’

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

ꞌLuuka 12:32

“Niig nuyyiooha cĩgannĩg ꞌcĩg ngatũrĩg haaga ho, ma hiteelinnu, hĩnĩngĩtĩ accamanoothĩk Maaꞌnyu ngaatĩ aaꞌnyuung ngagiit habuccieet cĩnnĩ.

ꞌLuuka 20:37

Nẽẽthĩ, dtẽẽllẽnĩĩ baag atũũthẽnĩ tumutha, baa ẽtẽrꞌtha Mũũꞌtha ngaatĩ arũgnaanĩ eeta daahĩtha, hĩnĩngĩtĩ baa avvĩ nẽẽ Makayyioohit anneek, ‘Nyekuc cĩ Abũrahamĩ hĩ Nyekuc cĩ Iꞌthaako hĩ Nyekuc cĩ Yakobo.’

Yõaannẽ 14:2

Mẽẽlĩg ꞌcieethi õlõõ cĩ Baaba nẽ hõkõ hatĩ hakũmaneekuung naa ngagiit nĩngĩtĩ au aattiyyu. Má baa hiittiõõ hõllõngaa ĩĩn dĩdĩ, occa ꞌyioko hõllõngaa haduhaakuung thõõth icci.

Dtiicanĩ cĩg ꞌThooyyiahu 7:32

‘Nganĩĩt Nyekuc cĩ hĩbaangĩ cugunnig, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.’ Ikia abarrit Mũũꞌtha gẽrrẽẽt, nĩngĩtĩ abũrrĩ ngaatĩ acĩnĩ tumuth tĩho.

Pilippi 3:20

Nẽẽthĩ, hĩĩgĩn naag eet cĩg hẽẽtkujjieen ngaatĩ aayyi Yeesu Krĩstõ. Nẽ habũraneek naag ngaatĩ hẽrẽĩ ĩnõõnnõ hõbõda hĩĩ Ellioohit cĩnaac.

2 Timotteeo 4:18

Ẽẽlannaa ꞌthẽk hatĩ gõõng nganĩĩt Makayyioohiti thooꞌthiohĩĩ vẽlẽk, ĩcĩg abathĩ nẽ hatĩ ũũka nganĩĩt habuccieetaa cĩnnĩ hẽẽtahujjieen lõꞌngõõc. Haau bulẽẽnĩtĩ hĩ ĩnõõnnõ ooo! Aamẽn.

Ebereei 10:34

Baa ippiiriau niig hõdẽĩ hĩ eet baag aarĩhoothiku baabuuthatõõ. Ma baa ootti eeta ijjio cugguung vẽlẽk, baa ẽlẽmaaku taliitta. Baa agayyu niig ngaatĩ ereeyyuung ngagiit hẽlẽggĩ cugguung ꞌcĩg abũnnaa ꞌcĩg aalla ũdũt.

Ebereei 11:10

Baa adĩman Abũrahamĩ hoti, hĩnĩngĩtĩ baa ẽrẽ nẽẽ ꞌtaaũn cobbi ꞌcĩ aalla ooo, baa ammuha Nyekuci nẽ ẽtẽhẽnya.

Ebereei 11:14

Nẽ dĩdĩ, eeta ꞌcĩg õthõõth hoti, adiim nẽẽg ꞌgõõl ꞌcĩ ammũdaanĩ looc cĩnĩĩng dẽẽdẽ.

Ebereei 11:40

Baa aaĩ thõõth ciee hoti, hĩnĩngĩtĩ baa iyyiangtheekeet Nyekuci ngagĩĩt ꞌgii ꞌcĩ mẽẽn. Nẽ baa hõllõngaa adiim Nyekuci ĩhõõggõ hõdõlanit rũgẽt ꞌcĩ aalla ooo, nga haitiõõ naag tõõ.

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

Ebereei 13:14

Hĩnĩngĩtĩ aitiõõ lõõcĩ ciee hõllõngaa ĩĩn õlõ cĩnaac ꞌcĩ aalla ũdũt, nga hẽrẽ naag õlõ ꞌcĩ nga aayyiaa.

Ebereei 2:11

Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Terethiinit 21:2

Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.