Ebereei 11:13 - ꞌBuuk cĩ Thõõth cĩ Nyekuci

¹³ Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

Ebereei 11:13 ပူးပေါင်းရင်းမြစ်များ

ꞌThianaattõ 21:34

Nĩngĩtĩ õkõ aayyi Abũrahamĩ looccaa cĩ Viliꞌthia irkiꞌnyia ꞌcĩg mẽẽlĩg ꞌrĩng.

ꞌThianaattõ 23:4

“Hõlõ, hĩĩnĩ naa eet cĩ looc ꞌcĩ ꞌrĩĩng ngaati haaga, aanytaangu looc umwa hũtũ, hátĩ hadaĩ ngaa caannĩ.”

ꞌThianaattõ 25:8

Baa adaahĩ nẽẽ baa atahaany ĩĩ hõrõdtõr,

ꞌThianaattõ 47:9

Ẽdẽcĩ Yakobo habu anneek, “Ẽlẽ maac ciee ĩĩn irkiꞌnyia cĩgannĩg ꞌcĩg hõvvõõyyĩ ꞌjieena ꞌmiia hõdẽĩ hĩ hẽẽn iyyio. Hĩdĩcĩg irkiꞌnyia cĩgannĩg ꞌcĩg happĩĩrnanĩĩ hõvvõõyyĩ ꞌjieena ho haaga. Hõllõngaa occa aduhõõ hĩ baag hĩbaangĩ baagannĩg õvvõ ꞌjieena hĩ ꞌyioko naa ho.”

ꞌThianaattõ 48:21

Nẽ kõr tĩho, ĩĩnnĩk nẽẽ ngeerĩnĩ Yothebo, “Hĩcĩ ꞌyioko ĩcĩttaangu hõbõhĩ hadaaha ho, aggameekuung hatĩ Nyekuci aꞌthiit ĩꞌthõng hobodduung ligaa baa hĩbaangĩ cĩgannĩg.

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

ꞌThianaattõ 49:18

Hẽrẽ naa elliaanĩt cunni Makayyioohit.

ꞌThianaattõ 49:28

Thooꞌthiok ꞌcĩg baag aduhaak Yakobo lõhõlĩ cĩgĩnnĩg ko cieegi, baa aggatan nẽẽ ĩhõõggõ kõr niccia hõdẽĩ hõdẽĩ. Au hattũũgẽta cĩg Ĩꞌthĩraẽlĩ ho lõhõlẽẽnĩĩ cĩg ĩĩn õmmõtõ hĩ ꞌramma ho.

ꞌThianaattõ 49:33

Ma baa ẽdẽcaak Yakobo ngaatĩ aggatanĩ buul cĩgĩnnĩg nĩngaata ho, obodoothĩk looc ꞌrõõha, nĩngĩtĩ adaaknĩ.

ꞌThianaattõ 50:24

Ma baa ĩcĩnõõthĩ Yothebo õbõhĩ daahĩthĩ, ũtũvva ꞌgõtõõnõgĩ nẽ ĩĩnnĩk, “Hõlõ lõggõõ cieegi, nganĩĩt mĩĩ ciee ĩcĩttaangu hõbõhĩ hadaaha ho. Nẽ ma hammuku ainnu eelluung occa hatĩ nganĩ. Aꞌthuunnuung hatĩ Nyekuci ĩꞌthõng hobodduung looccaa ĩbaa ippotaneek nẽẽ Abũrahaamõ hĩ Iꞌthaako hĩ Yakobo.”

Luugithõõ 2:22

Ma ho, ũtũhũa ꞌThippõra loholeec ꞌcĩ maacĩ, nĩngĩtĩ akannẽẽkĩ Mũũꞌtha ngeerĩnĩ ꞌthaar ꞌcĩg kaĩ Gerthom, nẽ ĩĩ, “Hĩĩna tahanit looccaa cĩrrĩĩng.”

Maatteeo 13:17

Haduhaakuung thõõth dĩdĩ, baa mẽẽlĩg põrõvẽtaaꞌnya hĩ eet ꞌcĩg abũnnaa ꞌcĩg baag adiim acĩn thooꞌthiok ꞌcĩg acinnu niig ko nẽ nga hĩcĩnĩt nẽ adiim thõõth ꞌcĩ athiknu niig ko nẽ hõllõngaa athĩhĩ buúk.”

Yõaannẽ 12:41

Baa aduha põrõvẽtaacĩ Iꞌthaia thõõth icci, hĩnĩngĩtĩ baa ĩcĩn nẽẽ thõõth cĩ bulẽẽnĩt cĩ Yeesu horumwa nẽ õthõõth bulẽẽnĩt cĩ Elliookto.

Yõaannẽ 8:56

Baa accamanoothĩk nyakangaan cunuung Abũrahamĩ gẽrrẽẽt ngaatĩ acĩnna nganĩĩta.”

ꞌRooma 4:21

Baa aga Abũrahamĩ ngaatĩ aꞌnyahĩ Nyekuci makaaꞌthĩt dĩdĩ, ꞌcĩ occa adĩmanĩ thõõth baa aduha nẽẽnĩ.

ꞌRooma 8:24

Hĩnĩngĩtĩ muhẽẽttaa ꞌcĩ abũnnaa ho, hiita heellia naaga. Nẽẽthĩ, ma edeeꞌnyia muhẽẽnĩtĩ ꞌcĩ abũnnaa ho, iittiõõ hõllõngaa ĩĩn muhẽẽnĩt ꞌcĩ abũnnaa dĩdĩ. Nganĩ ꞌcĩ aꞌnyak muhẽẽnĩt ꞌcĩ abũnnaa ꞌgiiaa ꞌcĩ aꞌnyak nẽẽ ẽlẽk?

2 Korinthia 4:18

Hẽlẽggĩ ꞌcĩg hacĩn naag thõng ko, ĩĩn hẽlẽggĩ ꞌcĩg hõllõngaa aalla ooo nẽ hẽlẽggĩ ꞌcĩg hõllõngaa hacĩn naaga, ĩĩn hẽlẽggĩ ꞌcĩg aalla ooo. Nẽ ꞌyioko hubbuuhit hẽbẽrĩ cĩggaac, hátĩ hĩcĩnĩt hẽlẽggĩ ꞌcĩg hõllõngaa edeeꞌnyia ho, hĩnĩngĩtĩ aalla hatĩ nẽẽg ooo.

2 Korinthia 5:6

Nẽẽthĩ, haanytĩk ꞌthinneeti cĩggaac hokomit. Ma nga harũgĩ naag loota nĩnga, nga ꞌthẽk hĩĩgĩn ꞌrẽẽttĩg hĩ Makayyioohit.

Eevvetho 2:19

Hĩnĩngĩtĩ thõõth icci, iittiõõ niig hõllõngaa iiginnu eet cĩg looc cĩrrĩĩng, iittu niig eet cĩg halang cĩ Nyekuci,

Ebereei 11:14

Nẽ dĩdĩ, eeta ꞌcĩg õthõõth hoti, adiim nẽẽg ꞌgõõl ꞌcĩ ammũdaanĩ looc cĩnĩĩng dẽẽdẽ.

Ebereei 11:17

Baa lemiinit ꞌcĩ aaꞌnyĩk Abũrahaamõ hittiha Iꞌthaako hĩĩ ꞌgaarrieenit, baa attĩman Nyekuci ĩnõõnnõ. Abũrahaamõ baa ũmmũda thõõth baa aduha Nyekuci ho, ikia ẽlẽm ngaatĩ ĩbbõõrĩkĩ ngeerĩnĩ ꞌcĩ odoyyii Iꞌthaako Nyekuc hĩĩ ꞌgaarrieenit,

Ebereei 11:27

Hĩnĩngĩtĩ lemiinit cĩnnĩ, ikia ũtũngeek Mũũꞌtha Ijjib. Baa adtuuha Mũũꞌtha Nyekuc ꞌcĩ hõllõngaa edeeꞌnyia nẽ hõllõngaa iꞌngolli liilii cĩ habuuo.

Ebereei 11:39

Nẽ baa aaꞌnyĩk nẽẽg vẽlẽk Nyekuc hatal, hĩnĩngĩtĩ lemiinit cĩnĩĩng! Baa adaahito nẽẽg nga hummuddia thõõth baa aduha Nyekuci.

1 Pẽẽtũrũ 1:1

Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

1 Pẽẽtũrũ 1:17

Ummuhutooth ngaatĩ hõllõngaa ahalĩ Nyekuci baangẽẽtĩ cunuung cĩ hẽẽtkujjieen ꞌcĩ alayyu niig ko eeta. Etteedĩk hatĩ nẽẽ eet hõdẽĩ hõdẽĩ thõõth nẽ ũdũman ꞌgõõlaa ꞌcĩ baa thooꞌthiok ꞌcĩg adĩman ẽẽtĩ loota nĩnga. Nẽẽthĩ hoti ho, adiim iꞌngollinnu Nyekuc nga aattiyyu looccaa ꞌcĩ aattiyyu hĩcĩ iiginnu tahan ko.

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.

1 Yõaannẽ 3:19

Má hammĩnan naag ꞌgotoonogeet hĩ ngoonogeet, haga naag haĩ hĩĩgĩn eet cĩg thõõth ꞌcĩ ĩĩn dĩdĩ nẽ haattĩg lõꞌngõõc muumaa cĩ Nyekuci.