Ebereei 11:12 - ꞌBuuk cĩ Thõõth cĩ Nyekuci

¹² Baa õbõhĩ adaak maac cĩnnĩ Abũrahaamõ, nẽẽthĩ, baa ikia ĩĩ nẽẽ maaꞌnyĩ eet ꞌcĩg mẽẽlĩg ꞌrĩng. Nẽẽthĩ hoti ho, iita ittirria lohollia ꞌcĩg mẽẽlĩg gẽrrẽẽt ꞌcĩg aduhõõ hĩ mũnyũny cĩg hẽẽtkujjieen hode ꞌcĩg aduhõõ hĩ hathaac cĩ dẽmẽt cĩ bũlũcõ.

Ebereei 11:12 ပူးပေါင်းရင်းမြစ်များ

ꞌThianaattõ 15:5

Ma nĩngaata, ũũhĩ Nyekuci Abũraamõ battaala nẽ ĩĩnnĩk, “Deenyoth da nõõ hẽẽtkujjieen nẽ má ũũlũ ngaatĩ occa agiili mũnyũny, occa thĩ hatĩ agiili lõhõlĩ ꞌcĩg hõkõ haaꞌnyii naa nganiit ko buúk.”

ꞌThianaattõ 22:17

Haduhaakii ꞌyioko hanneekii nẽẽ, haaꞌnyii hatĩ naa lõhõlĩ ꞌcĩg mẽẽlĩg gẽrrẽẽt ꞌcĩg hatĩ ĩĩkĩ mũnyũny cĩg hẽẽtkujjieen ko, hode ꞌcĩg mẽẽlĩg ĩĩkĩ hathaac ꞌcĩ aaĩ dẽmẽtaa cĩ bũlũcõ. Ĩllõõan hatĩ lohollia cugunnig mĩrõk nẽ aggamta ĩhõõggõ ꞌtaaũnniook cĩggĩĩng.

ꞌThianaattõ 26:4

Haaꞌnyihi hatĩ naa lõhõlĩ cugunnig hiita hĩĩtõ mẽẽlĩg gẽrrẽẽt, haauto hĩ mũnyũnya nẽ haaꞌnyĩha ĩhõõggõ looc icci vẽlẽk. Haari hatĩ naa lõhõlĩ cugunnig hĩĩ ꞌcĩg haggatanĩĩ loonyin vẽlẽk loota nĩnga.

ꞌThianaattõ 32:12

Baa aduhaakaa nii nganĩĩt anneekaa, ‘Aaĩ hatĩ nii lõꞌngõõc. Haaꞌnyii hatĩ naa nganiit lõhõlĩ ꞌcĩg mẽẽlĩg ꞌcĩg ĩĩkĩ hathaac cĩ dẽmẽt cĩ bũlũcõ, ꞌcĩg hõllõngaa occa agiili.’ ”

ꞌRooma 9:27

Baa ẽggẽrẽny põrõvẽtaacĩ Iꞌthaia, hĩnĩngĩtĩ eet cĩg Ĩꞌthĩraẽlĩ aĩ, “Tananga hĩĩtõ mẽẽlĩg lohollia cĩg Ĩꞌthĩraẽlĩ haauto hĩ hathaac ꞌcĩ aaĩ dẽmẽtaa cĩ bũlũcõ, eelliaa hatĩ ꞌcĩg idiongan ꞌcĩg abadtẽc diooni.

Terethiinit 20:8

Õkõ hatĩ ĩggõõl nẽẽ eet cĩg loonyin cĩg ꞌGoogĩ hĩ cĩg Magõgĩ ꞌcĩg aattĩg dtuurnattaa cĩ lootu nẽ ũlũta ĩhõõggõ ũũhĩ jora. Mẽẽlĩg hatĩ eeta niccieeg gẽrrẽẽt, haauto hĩ hathaac cĩ dẽmẽt cĩ bũlũcõ.