Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebereei 10:39 - ꞌBuuk cĩ Thõõth cĩ Nyekuci

39 Hõllõngaa haattĩg naag hĩ eeta baag ũtũbũrĩt ĩnõõnnõ ho, haꞌnyak naag lemiinit cĩ daahĩth cĩ Yeesu baa aku ẽẽlanneet ngagĩĩta.

အခန်းကိုကြည့်ပါ။ ကော်ပီ




Ebereei 10:39
28 ပူးပေါင်းရင်းမြစ်များ  

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.


õkõ hatĩ aꞌnyaha ꞌgõõnõgĩ tũkĩramma ꞌcĩg abathĩ hĩllõõanit ĩnõõnnõ nẽ õõt õlõmanit nĩngaata. Nĩngĩtĩ hatĩ aku abathõõꞌthĩ ẽẽtĩ gẽrrẽẽt hĩllõõan ꞌgõõl baa aayyi ĩĩcĩ oou.”


Baa nga harũmeenna naag hĩ ĩhõõggõ, baa haꞌthũũnnĩ ĩhõõggõ jurrung ꞌthaarĩĩ baag aaꞌnyaa nii nganĩĩta. Nga hudhuheek umwa tuu, hõdẽẽthõng diooni baa aduhoothĩk daahĩtha, hátĩ hikia hĩĩ thõõth cĩ ꞌBuuk cĩ Nyekuci dĩdĩ.


Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.


Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.


Hĩnĩngĩtĩ tabiiniti cĩ Baaba, adiim eet vẽlẽk ꞌcĩg acĩn Ngeerĩnĩ nẽ elemit ĩnõõnnõ, humuddia rũgẽt ꞌcĩ aalla ooo nẽ hũrũgũthaa ĩhõõggõ kõr cĩ decciaanĩt cĩ lootu.”


Baa hõllõngaa ẽbẽranneet ngagĩĩt Nyekuci hatĩ huukeet lĩĩlĩẽẽttaa cĩnnĩ, baa adiim nẽẽ hiita hummuddia naag eliinit hĩ Makayyioohit cĩnaac Yeesu Krĩstõ.


Ma haaꞌnyiku eet umwa higgooluung ũdũt, hĩnĩngĩtĩ hõllõngaa hatĩ aku kõrra niccia nga hedeeꞌnyia jõrẽẽĩ. Nẽ tarĩ hõllõngaa aku kõrra niccia nga hedeeꞌnyia ẽẽtĩ ꞌcĩ abũrĩ thõõth cĩ Nyekuci, nẽẽthĩ, eet ꞌcĩ hatĩ aruk Nyekuci ho niccia.


Eeta ꞌcĩg adiim baliinit, adhuhoothĩk nẽẽg ꞌtĩmman, ꞌgõõlaa ꞌcĩ ẽdẽtĩ ĩhõõggõ thooꞌthioha ꞌcĩg abathĩ ꞌcĩg abũraneek nẽẽg, ꞌcĩg aaꞌnyĩk ĩhõõggõ hẽꞌthẽcattĩ.


Hõlõ, má hara harĩnyaneek naag ꞌthẽccan noho baa hĩthĩhĩt ꞌgẽẽnyĩth ꞌcĩ thõõth ꞌcĩ ĩĩn dĩdĩ, iittiõõ ꞌgaarrieeniti ꞌcĩ hatĩ attik ꞌthẽccanẽẽt ꞌcĩg nga idiongan tõõ.


Nẽẽthĩ, arũgĩ hatĩ ẽẽtĩ caannĩ ꞌcĩ abũnnaa, hĩnĩngĩtĩ lemiinit. Nẽ aitiõõ hatĩ naa hõllõngaa haccamanoothihi, hatĩ aaĩ ẽẽtĩ umwaa ꞌcĩ abũrra nganĩĩta.”


Aaꞌnyeet lemiiniti hagaac muhẽẽnĩt ꞌcĩ abũnnaa ꞌcĩ haꞌnyak naaga nẽ etereꞌtheet ꞌgii ꞌcĩ hõllõngaa hacĩnĩ.


Nẽ hĩnĩngĩtĩ lemiinit cunuung ko, aꞌthuunnuung hatĩ ngagiit Nyekuci ꞌtirriaanaa cĩnnĩ, ĩꞌthõng ummuddia elliaanĩt icci, ꞌcĩ ereeyyi, hátĩ hetereꞌthiaa kõr cĩ decciaanĩt cĩ lootu, hátĩ hĩcĩnĩt eeta vẽlẽk.


Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.


Má acĩn lemmioohiti umwaa ꞌgõtõnĩ hode ngõõnĩ adĩman ꞌthẽccan ꞌcĩ occa hõllõngaa aꞌnyaha daahĩth, alayyiõõĩ ĩnõõnnõ, hátĩ haaꞌnyĩk Nyekuci eet tĩho rũgẽt ꞌcĩ aalla ooo. Nẽẽthĩ, aaĩ ꞌthẽccanĩ ꞌcĩ aꞌnyaha daahĩth nẽ hõllõngaa haini naa alayyiõõĩ eet ꞌcĩg adĩman ꞌthẽccan tĩho ho.


Hõllõngaa occa ĩllõõan eet umwaa looc cĩ ꞌthẽccaanõ ho, hatĩ hõllõngaa ẽlẽmĩ aĩ, ĩĩn Yeesu Ngeertĩ Nyekuci.


Nẽ nyaharahaahĩ baa adtuuha nii arũgĩ nẽ ꞌyioko iꞌnginõõthĩ ho, ĩĩn habu ꞌcĩ ĩĩn turkiyyio, urutaa cĩ habuẽẽt ꞌcĩg ĩĩn tũkĩramma ho, aruhi hatĩ nẽẽ buúk, hiꞌnginõõthĩ haaga.


Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ