Ebereei 10:33 - ꞌBuuk cĩ Thõõth cĩ Nyekuci

³³ Baa gõõng odoommuung eeta ngagiit lothippita waathinnioohĩĩ ũgẽẽgĩ nẽ uuktuung thõng buúk. Nẽ tarĩ, baa eelliou nyaagwaana waathinnioohĩ ũgẽẽgĩ ĩcĩg pĩĩrnattiaak.

Ebereei 10:33 ပူးပေါင်းရင်းမြစ်များ

1 Korinthia 4:9

Aaĩ hĩ nganĩĩt hĩcĩ aarĩkeet ngagĩĩt Nyekuci ꞌthooyyiak ngaatĩ abathĩ gẽrrẽẽt. Haattiyyia naag hĩ baabuuthnya ꞌcĩg õõt adaahito thõng. Aranneet aajĩlẽẽta hĩ eet cĩg looc nicci ngagĩĩta.

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 4:14

Nẽ baa abũnnayyu niig ngaatĩ ẽẽllaangu nganĩĩt baa haaĩ pĩĩrnatta.

1 Tẽꞌthaloonika 2:14

Nẽẽthĩ hoti ho, ꞌgotoonoga hĩ ngoonoga, baa accanattuung ngagiit eeta cĩg looc cunuung ẽmmẽn. ꞌGõõlaa cĩ, ĩyahiꞌthu niig lothippiꞌnya cĩg lemmiook cĩg Nyekuci looccaa cĩ ꞌJudeea, baag accanan ꞌJudeei cĩggĩĩng ẽmmẽn, hĩnĩngĩtĩ ẽlẽmĩ nẽẽg Yeesu Krĩstõ.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

Ebereei 11:26

Baa ammuk Mũũꞌtha aĩ, mẽẽn ngaatĩ appĩĩrnanĩ nẽẽ hĩnĩngĩtĩ Krĩstõ, hĩllõõan ngaatĩ ammũdaanĩ baliinit cĩ Ijjibi, hĩnĩngĩtĩ ẽrẽ nẽẽ dũman cĩnnĩ cobbi ꞌcĩ hatĩ aku horumwa.

Ebereei 11:36

Baa arannĩ eeta ũgĩ nẽ ommogit ũgĩ thõng nẽ ecebit ũgĩ nyerikooꞌnyanĩ baabuuthatõõ.

Ebereei 12:4

Nẽẽthĩ, ꞌgõõlaa ꞌcĩ oꞌngonyoonnu niig kĩ ꞌthẽccanẽẽta, nga adaahit niiga.

Ebereei 13:13

Ĩnõõ ꞌcĩ adiim hõõĩ naag buúk battaalaa cĩ ꞌtaaũnõõ hõõt hummuddioothĩk Yeesu, hátĩ hotholit pĩĩrnanĩt cĩnnĩ.