Ebereei 10:27 - ꞌBuuk cĩ Thõõth cĩ Nyekuci

²⁷ Hitingolli naag thõõth ꞌcĩ etteedini thooꞌthioha dioo, hĩ ꞌgwoo ꞌcĩ hatĩ atũũth mĩrõk ꞌcĩg aharrieek Nyekuc.

Ebereei 10:27 ပူးပေါင်းရင်းမြစ်များ

Maatteeo 13:42

Nẽ hatĩ udhuheek ĩhõõggõ ꞌgwoyyiaa ꞌcĩ ĩĩn ꞌgelemit ĩcĩ aaburii padtahac, ngaatĩ hatĩ õõ arruuẽnĩ eeta nẽ adahit nyĩgĩt huciitha cobbi.

Maatteeo 13:50

nẽ udhukteek ꞌcĩg abathĩ ꞌgwoyyiatõõ ꞌcĩ ĩĩn ꞌgelemit ĩcĩ aaburii padtahac, ngaatĩ hatĩ arruuẽnĩ nẽ adahit nyĩgĩt ꞌcannaniittaa cobbi.”

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 3:10

Nẽẽthĩ ꞌyioko, ataadoothĩk mẽlẽẽhĩ correettaa cĩ heenu ẽlẽk. Eꞌngeddoothĩk hatĩ hẽẽt ꞌcĩ hõllõngaa õddõngta ꞌgẽẽn ꞌcĩ abũnnaa tuu nẽ udhuhoothĩk ꞌgwoyyiatõõ.

Maatteeo 3:12

Aꞌnyak nẽẽ hẽddẽm cĩ anyiitto attiaa cĩnnĩ. Aany hatĩ nẽẽ haal hilongana nẽ aarĩk ĩragawatõõ nẽ udduutik ngarrimo ꞌgwoyyiaa ꞌcĩ hõllõngaa adĩĩtĩ.”

Maatteeo 8:29

Ma ho, eggerenyit ĩĩtõ, “Adiimi nii hĩ ngagĩĩt neegi Ngeertĩ Nyekuci? Ikia nii uukeet ngagĩĩt nga hũttũbanoothĩk kõrra baa eberriaa ꞌcĩ hatĩ ukẽẽttõ?”

ꞌLuuka 16:24

Nĩngĩtĩ avvõõꞌthĩ nẽẽ Abũrahaamõ annẽẽkĩ, ‘Baaba Abũrahaamõ! Tamaatĩhaa baaĩ nuun! ꞌThõõahaa Laaꞌtharõ hikia hokoleek aꞌthiit maamĩtõõ nẽ ĩdtĩlaneeka ahaat maam halalĩĩthanĩ, hĩnĩngĩtĩ aaburii ꞌgwaa ngaati padtahac.’

ꞌLuuka 19:27

Aꞌnyakta thĩ mĩrõk cĩgannĩg ꞌcĩg hõllõngaa adiimma hĩĩ habu haggam ĩhõõggõ ho ngaati nẽ uruktu hẽbẽrẽẽnnĩĩ cĩgannĩg.’ ”

ꞌLuuka 21:26

Awaalĩth hatĩ eeta, hĩnĩngĩtĩ tẽẽlꞌthĩt hĩ ngaatĩ iꞌngoliini ꞌgii ꞌcĩ hatĩ aku edeeꞌnyiak looc hũtũrũũr, hĩnĩngĩtĩ õmmõõtĩ hatĩ ꞌgii vẽlẽk ꞌcĩ aaĩ hẽẽtahujjieen.

ꞌLuuka 23:30

Aduhaak hatĩ nẽẽg muurriok ꞌcĩg obbitig anneek, “ ‘Irribatteetu!’ Nẽ tarĩ ĩĩttĩk muurriok ꞌcĩg hidicig buúk, ‘Utugunyteetu baaĩ nuun!’

Yõaannẽ 5:29

nẽ hatĩ ũrũgta nẽẽg daahĩtha. Arũgna hatĩ eeta ꞌcĩg baag adtican thooꞌthiok ꞌcĩg abũnnaa nẽ õõt rũgẽta nẽ hatĩ ũrũgta eeta ꞌcĩg baag adtican thooꞌthiok ꞌcĩg abathĩ nẽ uukti.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 12:29

Hĩnĩngĩtĩ, “Ĩĩn Nyekuci ꞌgwoo ꞌcĩ adũhan looc hĩĩ ꞌthĩĩ.”

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 9:27

Hĩgõõng adaahĩ ẽẽtĩ tabattĩ hõdẽẽthõng nẽ ẽttẽẽd Nyekuci thõõth cĩnnĩ,

ꞌJeemith 5:3

Ohonooꞌthi ngagiit maccĩrẽẽna cugguung hĩ ꞌdaab. Adticaniini hatĩ Nyekuci honoothi cĩ ꞌdaabõ hĩ cĩ maccĩrẽẽnu ho, hĩĩ terethiinit ꞌcĩ hatĩ ukẽẽnĩt cunuung, ꞌcĩ atũũthẽnĩ eleeti cugguung ꞌgwoyyia. Baliiniti ciee athaddu niig ko, ĩĩn hatĩ ukẽẽnĩt cunuung kõr ꞌcĩ ẽttẽẽdĩkĩ Nyekuci eet thooꞌthiok.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.