Ebereei 10:24 - ꞌBuuk cĩ Thõõth cĩ Nyekuci

²⁴ Huꞌthuutti ngaatĩ hakũtanĩ eleeti ꞌgõõlaa ꞌcĩ hammĩnanõõnĩ nẽ hĩdĩmanit thooꞌthiok ꞌcĩg abũnnaa.

Ebereei 10:24 ပူးပေါင်းရင်းမြစ်များ

Dtiicanĩ cĩg ꞌThooyyiahu 11:29

Ma ho, ummuhit nuyyiooha ꞌcĩg aattĩg Antioha ngaatĩ ĩꞌthõõĩkĩ ꞌbaaninit cĩnĩĩng ꞌgõõnõgĩ ꞌJudeea.

ꞌRooma 11:4

Baa hinnia aduhaak Makayyioohiti Eliijja anneek, “Nga haꞌnyahi naa nuyyiook aalibꞌnya tũkĩramma ꞌcĩg hõllõngaa ala ꞌBaal.”

ꞌRooma 12:15

Accamattoothĩk hĩ eet ꞌcĩg accamanoothĩhĩ nẽ utuluuyyu hĩ eet ꞌcĩg alu.

1 Korinthia 10:33

tananga hĩcĩ hattĩmani naa haaꞌnyĩk eet haccamattoothĩk ꞌgoolliohĩ vẽlẽk. Hĩnĩngĩtĩ hõllõngaa hadiimi naa bũnnai caannĩ dioo, hadiimi bũnnai cĩ eet ꞌcĩg mẽẽlĩg, hátĩ heellia nẽẽgĩ.

1 Korinthia 9:22

Hĩ eet ꞌcĩg hõllõngaa õkõmĩ ꞌthinneeti, hikia haau naa buúk hĩ ẽẽtĩ ꞌcĩ hõllõngaa õkõmĩ ꞌthĩnĩt, hátĩ hũlũllũũman ĩhõõggõ hiita hĩĩtõ lemmiook. Hikia hĩĩna naa ꞌgii vẽlẽk hĩ eet vẽlẽk, hátĩ hẽẽla ũgĩ.

2 Korinthia 8:8

Hõllõngaa hattĩnganeekuung naa ngagiit ngaatĩ haĩ idticanit hoti, hadiimi hattĩmannuung naa ngagiit thõng, hatĩ ꞌthẽk ĩĩn mĩnnanĩ cunuung dĩdĩ, ngaatĩ ĩthakꞌtheeku mĩnnan cunuung hĩ bũraneehinit ꞌcĩ ẽtẽrꞌtha eeta ũgẽẽgĩ.

2 Korinthia 9:2

Haga naa ngaatĩ adiimmu niig aaꞌnyiku ꞌbaaninit cunuung lemmiook ꞌcĩg aattĩg ꞌJeruꞌthalẽma nẽ hirrianĩ naa ꞌbaaninit icci ngaatĩ haduhaaki lemmiook cĩg looc cĩ Maccedoonia, nganĩngĩtĩ irkit baa gõlla, hanneehi akũmanoothiku niig looccaa cĩ Acaia, ngaatĩ attihaannu ꞌbaaninit nẽ deciiniti cunuung ꞌcĩ attihaannu ꞌbaaninit ko, akũtan ĩhõõggõ buúk hitikta ꞌbaaninit.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

ꞌGalaaꞌthia 6:1

ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 5:11

Nẽẽthĩ hoti ho, ũkũtanit ꞌgoonogu ngaatĩ eelonnu nyaagwaana, irrioottĩk, hátĩ hokomit ĩhõõggõ ꞌthinneeti, haau hĩcĩ ꞌthẽk adĩmannu ꞌyioko ho.

2 Tẽꞌthaloonika 3:9

Baa nẽẽꞌthẽk hõllõngaa haĩnna naag occa habũrra eliinit cunuung, nẽẽthĩ hinnianĩ, hiita hidticattooa, hĩnĩngĩtĩ hadiimma hetereꞌthuung ngagiit, hátĩ ĩcĩtta niig ꞌgõõl ꞌcĩ adticaniinnu hĩ ngagĩĩt hatĩ unuyyieetu.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Tiito 2:4

Occa alliman nẽẽg ngaaĩ ꞌcĩg ĩĩn carama hĩmmĩnanit maaccwa hĩ lõhõlĩ cĩggĩĩng,

Tiito 3:8

Thõõth ꞌcĩ ĩĩn dĩdĩ cieeni, thooꞌthiok ꞌcĩg abũnnaa cieeg hĩ eet vẽlẽk. ꞌRĩccana ꞌlimmaneek eet hũnnẽẽcõ thooꞌthiok iccig, hátĩ hidticanit eeta ꞌcĩg ẽlẽmĩ thõõth cĩ Nyekuci, thooꞌthiok ꞌcĩ abũnnaa.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.

Ebereei 3:13

Eellio nyaagwaana hõdõõkõthĩ hĩcĩ ꞌyioko adukiaakeet kõr nicci ho, hátĩ hiittiõõ ẽẽtĩ ꞌcĩ hatĩ ĩggõõl ꞌthẽccanĩ nẽ õkõm ngaatĩ athĩknĩ thõõth cĩ Nyekuci tõõ.

1 Yõaannẽ 3:18

Niig lohollia, hõllõngaa occa hammĩnan naag eleeti cĩggaac thõõthaa ꞌcĩ hõthõõth ũtũũga haaga, hĩmmĩnattõ dtiicanẽẽnnĩ hĩ thõõthaa ꞌcĩ ĩĩn dĩdĩ.