Ebereei 10:22 - ꞌBuuk cĩ Thõõth cĩ Nyekuci

²² hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 10:22 ပူးပေါင်းရင်းမြစ်များ

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

ꞌLuuka 1:1

Mẽẽlĩg eeta ꞌcĩg ĩttĩmanit gẽrrẽẽt ngaatĩ ẽhẽẽdĩ thooꞌthiok baag adĩman Nyekuci hõrggẽẽnaa cĩnaac.

Yõaannẽ 3:5

Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Yõaannẽ 8:9

Ma ho, iita ĩnĩhĩt eeta ꞌcĩg baag athĩhĩ thõõth icci ho hõdẽĩ hõdẽĩ, iꞌthianaanĩ eetinii ꞌcĩg obbitig ĩꞌthõng hidionganit Yeesu hĩ ngaa nicci dioo.

Dtiicanĩ cĩg ꞌThooyyiahu 22:16

Nẽẽthĩ, ne ꞌyioko ꞌcĩ nga ẽrẽ nii ho? Tĩnga ꞌgaam baattithimo nẽ utuunyu ꞌthẽccanẽẽt cugunnig nẽ alau Makayyioohit.’

Dtiicanĩ cĩg ꞌThooyyiahu 8:21

Occa hõllõngaa hõthõl naag hĩ nganiit dtiic icci, hĩnĩngĩtĩ hõllõngaa aũlan ꞌthĩnĩt cunni muumaa cĩ Nyekuci.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

Eevvetho 6:5

Niig appahacaaꞌnya, ĩthĩhĩt makayyiook cugguung cĩg looc nicci. Itingolli nẽ ĩthĩktu ĩhõõggõ, haau hĩcĩ occa athiknu Krĩstõ.

1 Timotteeo 4:2

Ĩggõõl hatĩ ĩhõõggõ oloꞌngiaaha ꞌcĩg ũtũbũrĩt thõõth cĩ Nyekuci nẽ iittiõõ ꞌthinneeti cĩggĩĩng hõllõngaa athĩhĩ thõõth cĩ Nyekuci.

Tiito 3:5

ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ,

Ebereei 10:1

Aaĩ nyattalĩ cĩ Mũũꞌtha hĩ lorii cĩ hẽlẽggĩ ꞌcĩg abũnnaa ꞌcĩg hatĩ nga au horumwa. Nẽ nyattalĩ ꞌcĩ aaĩ hĩ lorii ho, hõllõngaa ĩĩn hẽlẽggĩ ꞌcĩg abũnnaa eleetinii cĩggĩĩng ẽmmẽn, hĩnĩngĩtĩ hõllõngaa ũũny eet ꞌthẽccanẽẽtĩĩ cĩggĩĩng, hĩnĩngĩtĩ ꞌgarriẽẽn ꞌcĩg ibboorri hiriiri irkiꞌnyia hĩ irkiꞌnyia.

Ebereei 10:19

ꞌGotoonoga hĩ ngoonoga, akũtanneet biyyieeta cĩg Yeesu ngagĩĩt ngaatĩ hadukni Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

Ebereei 11:28

Baa aaꞌnyĩk lemiiniti Mũũꞌtha hadak Karrama cĩ Kõr ꞌcĩ Haangittõõ. Baa urwacaneek nẽẽ biyyi cĩg heleggeennu hẽẽnĩĩ cĩg hattũũgetu, hátĩ hiittiõõ hõllõngaa aruk Nyekuci lõhõlĩ ꞌcĩg maacĩg ꞌcĩg oou cĩg Ĩꞌthĩraẽlĩ.

Ebereei 12:24

Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.

Ebereei 9:19

Urutaa baa itigiilihi Mũũꞌtha nyattalliook cĩg Nyekuci eet vẽlẽk, ikia ittiha nẽẽ biyyi cĩg maala hĩ cĩg ẽẽthak hĩ maam urwacanĩ ꞌbuuk cĩ nyattal cĩ Nyekuci hĩ eet buúk. Baa urwacaniini Mũũꞌtha cẽrẽm ꞌcĩ õlõõ hĩ bõllõõk.

ꞌJeemith 1:6

Nẽẽthĩ, má alayyu niig Nyekuc ꞌgiimwa, adiim elemmu aĩ, aaꞌnyuung hatĩ nẽẽ ꞌgii tĩho dĩdĩ. Ma hĩccaaddu thõõth umwa, hĩnĩngĩtĩ ẽẽtĩ ꞌcĩ ĩccaad thõõth, aaĩ nẽẽ hĩ maama cĩg bũlũcaak ꞌcĩg uuhan ngõõtĩ.

ꞌJeemith 4:8

Iita õbõktõ hĩ Nyekuc, hátĩ hikia nẽẽ buúk õbõktõ hĩ ngagiita. Niig ꞌthẽccanniooha, ũtũũnyĩt authet cunuung ꞌcĩ aattiyyu. Ĩtĩllahit ꞌthĩnneeti cugguung, hĩnĩngĩtĩ eꞌngerri ꞌthinneeti cugguung ngaatĩ athiknu Nyekuc hĩ looc nicci.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.