Ebereei 10:20 - ꞌBuuk cĩ Thõõth cĩ Nyekuci

²⁰ Ubbuuhĩheet Yeesu daahĩthaa cĩnnĩ ngagĩĩt ꞌgõõl ꞌcĩ ĩĩn ngeju ꞌcĩ aaꞌnyeet rũgẽt. Nẽ aaꞌnyeet huduhunit Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt, ngaatĩ ẽrrẽẽcĩ cẽrẽm ꞌcĩ ẽꞌngẽr ꞌCieeth cĩ Nyekuci ho hõrggẽẽna.

Ebereei 10:20 ပူးပေါင်းရင်းမြစ်များ

Maatteeo 27:51

Ma nĩngaata noho, appahĩ cẽrẽm ꞌcĩ ẽꞌngẽr ꞌCieeth cĩ Nyekuci hĩĩ ꞌramma, iꞌthianaanĩ hẽẽtahujjieen hõdõlan looc. Baa õmmõõtĩ lõõcĩ nẽ ilibti lõbarabĩta buúk.

Maarko 15:38

Ma ho, appahĩ cẽrẽm ꞌcĩ ẽꞌngẽr ꞌCieeth cĩ Nyekuci hĩĩ ꞌramma iꞌthianaanĩ lokora hõdõlan looc.

ꞌLuuka 23:45

hĩnĩngĩtĩ baa ikia adaak kõrra. Nĩngĩtĩ appahiini cẽrẽm ꞌcĩ ẽꞌngẽr ꞌCieeth cĩ Nyekuci ĩĩttõõ hõrggẽẽna hĩĩ ꞌramma.

Yõaannẽ 10:7

Ma ho, uduhaak Yeesu eet tarĩ ĩĩnnĩk, “Haduhaakuung dĩdĩ, hĩĩnĩ naa hattũũg cobbi cĩ aꞌthaannu.

Yõaannẽ 10:9

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Eevvetho 2:15

Daahĩthaa cĩnnĩ, ĩbĩlĩ nẽẽ ꞌgõõl ꞌcĩ adticaniini nyattalĩ cĩ Mũũꞌtha hĩ tilooinit cĩnnĩ vẽlẽk. Ikia ĩdĩman nẽẽ ganõn hõrggẽẽnaa cĩ eet cĩg ꞌJudeei hĩ ꞌcĩg hõllõngaa ĩĩn ꞌJudeei, ngaatĩ arũmĩ ĩhõõggõ hĩĩtõ hõdẽẽthõng.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 6:19

Haꞌnyak naag muhẽẽnĩt cĩnaac ꞌcĩ abũnnaa dĩdĩ ꞌcĩ aggammeet ngagĩĩta. Aduhun muhẽẽnĩtĩ cĩnaac ꞌcĩ abũnnaa ho cẽrẽm ꞌcĩ ẽꞌngẽr ꞌCieeth cĩ Nyekuci hõdõlan Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

Ebereei 9:3

Nẽ ꞌCieetõõ ĩĩcĩ gõlla, baa aaĩ cẽrẽm ꞌcĩ ẽꞌngẽr ꞌcieeth hõrggẽẽna nẽ cẽrẽmaa ĩĩcĩ gõlla, aaĩ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

Ebereei 9:8

Nẽ ꞌgõõlaa cĩ, ẽtẽrꞌtha Lorii ꞌcĩ Ẽllẽẽmĩth aĩ, aitiõõ ẽẽtĩ ꞌcĩ occa aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, nga abĩlĩ ꞌCieeth cĩ Nyekuci tõõ.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Yõaannẽ 4:2

ꞌGõõl ꞌcĩ occa agayyu niig Lori cĩ Nyekuci ho cieeni. Má aduha ẽẽtĩ ꞌcĩ ẽlẽmĩ aĩ, aku Yeesu Krĩstõ loota nĩnga hĩ ẽẽtĩ ꞌcĩ holli õõ, aꞌnyak ẽẽtĩ tĩho Lori ꞌcĩ aku hĩ Nyekuc.

2 Yõaannẽ 1:7

Haduhaakuung naa ngagiit thõõth icci, hĩnĩngĩtĩ ĩĩ mẽẽlĩg oloꞌngiaaha ꞌcĩg aauto looccaa nĩĩcĩ gẽrrẽẽt. Ẽppẽhan nẽẽg aĩ, baa hõllõngaa aꞌnyak Yeesu Krĩstõ ẽlẽ cĩ eet ꞌcĩ holli õõ. Ĩĩn eeta ꞌcĩg aattĩg noho, oloꞌngiaak nẽ ĩĩn mĩrõk cĩg Krĩstõ.