Ebereei 10:11 - ꞌBuuk cĩ Thõõth cĩ Nyekuci

¹¹ Nyattaalaa baa ꞌrẽẽnĩ, abĩlĩ paadĩrĩ hõdõõkõthĩ ngaatĩ ĩbboorini ꞌgaarrieeniti, hĩbbõõr ꞌgaarriẽẽn ꞌcĩg aduhõõ thõng tabattĩ hiriiri, ꞌcĩg hõllõngaa attik ꞌthẽccanẽẽt cĩg eetuk battaala.

Ebereei 10:11 ပူးပေါင်းရင်းမြစ်များ

Ebereei 10:1

Aaĩ nyattalĩ cĩ Mũũꞌtha hĩ lorii cĩ hẽlẽggĩ ꞌcĩg abũnnaa ꞌcĩg hatĩ nga au horumwa. Nẽ nyattalĩ ꞌcĩ aaĩ hĩ lorii ho, hõllõngaa ĩĩn hẽlẽggĩ ꞌcĩg abũnnaa eleetinii cĩggĩĩng ẽmmẽn, hĩnĩngĩtĩ hõllõngaa ũũny eet ꞌthẽccanẽẽtĩĩ cĩggĩĩng, hĩnĩngĩtĩ ꞌgarriẽẽn ꞌcĩg ibboorri hiriiri irkiꞌnyia hĩ irkiꞌnyia.

Ebereei 10:4

Hĩnĩngĩtĩ hõllõngaa occa ũũny biyyieeta cĩg olĩꞌnyaannu hĩ cĩg ẽẽthak ꞌthẽccanẽẽt cĩg eetuk.

Ebereei 5:1

Eberriaa paadĩrĩ cobbi lothippitaa cĩ eetu hĩĩ dticciannioohit cĩ Nyekuci, haaꞌnyĩk Nyekuc ꞌbaaninit hĩ ꞌgaarriẽẽn ꞌcĩg ũũny ꞌthẽccanẽẽt cĩg eetuk.

Ebereei 7:27

Aitiõõ Yeesu hõllõngaa occa ĩbbõõr ꞌgarrieenit hõdõõkõthĩ hĩ gõõng ĩbbõõr paadĩrĩ umwaa cobbiẽẽnĩ. Ĩbbõõr paadĩrĩ cobbi ꞌgaarriẽẽn, hĩnĩngĩtĩ ꞌthẽccanẽẽt cĩgĩnnĩg ĩĩcĩ oou nẽ ikia ĩbbõõr, hĩnĩngĩtĩ ꞌthẽccanẽẽt cĩg eetuk uruta. Nẽẽthĩ ꞌyioko, ẽlẽmana Yeesu ẽlẽ cĩnnĩ tabattĩ hõdẽẽthõng hĩĩ ꞌgaarrieenit, hĩnĩngĩtĩ ꞌthẽccanẽẽt cĩg eetuk.

Ebereei 8:2

Adticanni nẽẽ hĩ paadĩrĩ cobbi ꞌCieethaa cĩ Nyekuci ĩcĩ ĩĩn dĩdĩ, ꞌCieeth ꞌcĩ baa ẽhẽnyta Nyekuci nẽ hõllõngaa ẽhẽnyta ẽẽtĩ ꞌcĩ holli õõ haaga.

Ebereei 8:4

Má baa haau nẽẽ loota nĩnga, occa baa hõllõngaa ĩĩn paadĩr, hĩnĩngĩtĩ baa aauto paadĩrꞌnya loota nĩnga ꞌcĩg aaꞌnyĩk Nyekuc ꞌbaaninit hĩ ꞌgaarriẽẽn, hĩ baa aduha nyattalĩ cĩ Mũũꞌtha.