Ebereei 10:10 - ꞌBuuk cĩ Thõõth cĩ Nyekuci

¹⁰ Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.

Ebereei 10:10 ပူးပေါင်းရင်းမြစ်များ

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Yõaannẽ 19:34

Baa hinnia acuhan ũũrũtaacĩ umwaa Yeesu dĩlaawa habanyit hetterria biyyieeta nẽ irikta maama nĩĩcĩ noho.

Yõaannẽ 6:51

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

Ebereei 10:12

Nẽẽthĩ, baa ẽlẽmanaak Krĩstõ paadĩrĩ cĩnaac ẽlẽ cĩnnĩ Nyekuc, hĩĩ ꞌgaarrieenit hõdẽẽthõng ꞌcĩ attik ꞌthẽccanẽẽta. Ma ho, ũũk iccioloongan nẽẽ ngaatĩ bulẽẽttõ ĩĩcĩ aꞌthiit cobbi cĩ Nyekuci.

Ebereei 10:14

Hĩnĩngĩtĩ ꞌgaarrieenit cĩnnĩ ꞌcĩ odoyyii ho, ikia õõga Krĩstõ eet ꞌcĩg aꞌnyahaak nẽẽ Nyekuc ꞌthẽccaana.

Ebereei 10:20

Ubbuuhĩheet Yeesu daahĩthaa cĩnnĩ ngagĩĩt ꞌgõõl ꞌcĩ ĩĩn ngeju ꞌcĩ aaꞌnyeet rũgẽt. Nẽ aaꞌnyeet huduhunit Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt, ngaatĩ ẽrrẽẽcĩ cẽrẽm ꞌcĩ ẽꞌngẽr ꞌCieeth cĩ Nyekuci ho hõrggẽẽna.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

Ebereei 10:5

Ĩnõõ baa akuuni Krĩstõ loota nĩnga, hikia hĩĩnnĩk Nyekuc, “Baa hõllõngaa adiimi nii ꞌgaarriẽẽn cĩg idiꞌngwaanu hode atabi ꞌbaaninit ꞌcĩ ũũny ꞌthẽccanẽẽt. Nẽẽthĩ, baa aaꞌnyaa nii nganĩĩt ẽlẽ caannĩ hẽlẽmana hĩĩ ꞌbaaninit.

Ebereei 13:12

Baa accananni Yeesu nẽẽ buúk battaalaa cĩ ꞌtaaũn cobbi, hátĩ haanytĩk biyyieeta cĩgĩnnĩg eet helleemito.

Ebereei 2:11

Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.

Ebereei 7:27

Aitiõõ Yeesu hõllõngaa occa ĩbbõõr ꞌgarrieenit hõdõõkõthĩ hĩ gõõng ĩbbõõr paadĩrĩ umwaa cobbiẽẽnĩ. Ĩbbõõr paadĩrĩ cobbi ꞌgaarriẽẽn, hĩnĩngĩtĩ ꞌthẽccanẽẽt cĩgĩnnĩg ĩĩcĩ oou nẽ ikia ĩbbõõr, hĩnĩngĩtĩ ꞌthẽccanẽẽt cĩg eetuk uruta. Nẽẽthĩ ꞌyioko, ẽlẽmana Yeesu ẽlẽ cĩnnĩ tabattĩ hõdẽẽthõng hĩĩ ꞌgaarrieenit, hĩnĩngĩtĩ ꞌthẽccanẽẽt cĩg eetuk.

Ebereei 9:12

Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

Ebereei 9:26

Má baa hẽlẽmana Yeesu ẽlẽ cĩnnĩ irkiꞌnyia vẽlẽk, occa baa appĩĩrna nẽẽ tabattĩ mẽẽlĩg nganĩngĩtĩ ẽhẽnytaanĩ lõõcĩ. Nẽẽthĩ, baa ẽlẽmana nẽẽ ẽlẽ cĩnnĩ tabattĩ hõdẽẽthõng diooni dtuurnattaa cĩ kõr tĩho, hátĩ hĩĩ nẽẽ ꞌgaarrieenit ꞌcĩ ũũny ꞌthẽccanẽẽta.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Yõaannẽ 5:6

Baa ẽrrẽnna maama hĩ biyyi habanytaa cĩ Yeesu Krĩstõ. Hõllõngaa maam diooni baa biyyi tõõ. Lori ꞌcĩ Ẽllẽẽmĩth ꞌcĩ aduha thõõth icci ho, hĩnĩngĩtĩ aduha nẽẽ thõõth ꞌcĩ ĩĩn dĩdĩ.