Ebereei 1:2 - ꞌBuuk cĩ Thõõth cĩ Nyekuci

² Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.

Ebereei 1:2 ပူးပေါင်းရင်းမြစ်များ

ꞌThianaattõ 49:1

Ma urutaa cĩnnĩ, ũtũvva Yakobo buul cĩgĩnnĩg vẽlẽk nẽ ĩĩnnĩk, “Aauto daho loota huduhaahuung thooꞌthiok ꞌcĩg hatĩ au hĩ ngagiit horumwa.

Maatteeo 13:39

nẽ mirohiti ꞌcĩ athacĩ hinyomo ꞌcĩg abathĩ ho, ĩĩn habu cĩ loriẽẽt ꞌcĩg abathĩ. Ĩĩn janiiniti dtuurnanĩt cĩ lootu nẽ janniook aajĩlẽẽta.

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maatteeo 21:38

“Ma baa acĩn nẽẽg buulenit cĩ baattĩ manu ho, iita utuhattõõ nyaagwaana ĩĩtõ, ‘Ngeerĩnĩ niccieeni, aku hatĩ arigith mana, huruhit ĩnõõnnõ! Nẽ hootti mana icci hĩĩ cĩnaac.’

Maatteeo 26:63

Baa aalla Yeesu ĩjjaaki kim. Nĩngĩtĩ annẽẽkĩ paadĩrĩ cobbi ho ĩnõõnnõ, “Hajinnii naa nganiit ꞌthaarĩĩ cĩg Makayyioohit Nyekuc ꞌcĩ aalla arũgĩ ũdũt hanneekii, duhaaheet da hatĩ ĩĩnĩ nii Krĩstõ Ngeertĩ Nyekuci dĩdĩ.”

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Maarko 1:1

Ĩĩn ciee ꞌthianaanĩt cĩ nyeemuut ꞌcĩ abũnnaa cĩ Ngeertĩ Nyekuci Yeesu Krĩstõ.

Maarko 12:6

“Baa nga aꞌnyak baattĩ manu ngeerĩnĩ hõdẽẽthõng ꞌcĩ ammĩnan nẽẽ gẽrrẽẽt. Ma baa urutaa cĩ thooꞌthiok iccig vẽlẽk, ikia aattĩ ĩꞌthõ nẽẽ ngeerĩnĩ dẽẽdẽ. Baa ammuk hinnia nẽẽ aĩ, ‘Õõ hatĩ iꞌngolli nẽẽg loholeec caannĩ.’

Maarko 12:7

“Au hinnia õthõõth bekiooha niccieeg aĩ, ‘Loholeec aattĩ cĩnnĩ dẽẽdẽ niccieeni, hiita huruhit ĩnõõnnõ, hátĩ hirigithit mana cĩnĩĩng ko hĩĩ cĩnaac.’

Yõaannẽ 1:10

Baa aaĩ Thõõth loota nĩnga, tananga baa ẽhẽnyta nẽẽ looc, baa hinnia aitiõõ ẽẽtĩ ꞌcĩ aga ĩnõõnnõ tõõ.

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:3

Baa ẽhẽnytaa hẽlẽggĩ vẽlẽk Thõõthaa nĩĩcĩ. Má baa hiittiõõ nẽẽ tõõ, aitiõõ baa ꞌgii ꞌcĩ ẽhẽnytaa tõõ.

Yõaannẽ 13:3

Baa aga Yeesu ngaatĩ akuuni nẽẽ hĩ Nyekuc Maaꞌnyĩ nẽ obodoothi hatĩ hĩ ĩnõõnnõ. Aga tarĩ aĩ, baa aaꞌnyĩk Maaꞌnyia ĩnõõnnõ makaaꞌthĩt vẽlẽk.

Yõaannẽ 13:32

Má ubuluthi Nyekuci, hĩnĩngĩtĩ ĩnõõnnõ, abuluth hatĩ Nyekuci Ngeerĩnĩ ẽmmẽn nẽ abuluth hatĩ ĩnõõnnõ hĩdĩĩkoothong.

Yõaannẽ 15:15

Iittiõõ naa hõllõngaa hauyyuung ngagiit hanneekuung dticcianniook, hĩnĩngĩtĩ aitiõõ dticciannioohiti hõllõngaa aga dtiic cĩ makayyioohit cĩnnĩ. Nẽẽthĩ ꞌyioko, hutuvvuung naa ngagiit hiinnihuung ꞌgoonoga, hĩnĩngĩtĩ heteretheehuung naa ngagiit hẽlẽggĩ vẽlẽk baag aduhaaka nganĩĩt Baaba.

Yõaannẽ 16:15

Ĩĩn hẽlẽggĩ vẽlẽk cĩ Baaba caannĩ. Ĩnõõ ꞌcĩ haĩnnĩ naa, aku hatĩ aduhaakuung Lorii nyeemuut ꞌcĩ athĩkna nẽẽ hĩ nganĩĩt ko.”

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Yõaannẽ 3:25

Ma nĩngaata, ẽppẽhattõõ nuyyiooha cĩg Yõaannẽ hĩ ꞌJudeeinit umwa, hĩnĩngĩtĩ nyattal ꞌcĩ tũũnyẽttõõ.

Yõaannẽ 5:26

Hĩcĩ aꞌnyak Baaba rũgẽt ẽllaa cĩnnĩ, ikia aaꞌnyĩk nẽẽ Ngeerĩnĩ buúk haꞌnyak rũgẽt ẽllaa cĩnnĩ.

Yõaannẽ 5:27

Nẽ aaꞌnyĩk Maaꞌnyia ĩnõõnnõ makaaꞌthĩt ꞌcĩ ẽttẽẽdĩ thooꞌthiok cĩg eet vẽlẽk, hĩnĩngĩtĩ ĩĩn nẽẽ Ngeertĩ Eeto.

Yõaannẽ 9:29

Hagayya naag baa othoothĩk Nyekuci Mũũꞌtha nẽ erekeet ngagĩĩt aku Yeesu ĩĩna?”

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

Dtiicanĩ cĩg ꞌThooyyiahu 2:17

“ ‘Kõr ꞌcĩ decciaanĩt cĩ lootu aĩ Nyekuci, haaꞌnyihi hatĩ naa Lori caannĩ eet vẽlẽk. Irrioon hatĩ lohollia cugguung vẽlẽk thõõth caannĩ. Nẽ acĩn hatĩ nyahaappanĩta cugguung hẽlẽggĩ ꞌcĩg occa hõllõngaa agayyu niiga nẽ aꞌnyak hatĩ eeta cugguung ꞌcĩg atahaanyito honooꞌthiak ꞌcĩg mẽẽlĩg.

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Korinthia 2:7

Aitiõõ tõõ, hõthõõꞌtha naag ꞌgẽẽnyĩth cĩ Nyekuci ꞌcĩ ĩllõõan ꞌgẽẽnyĩth cĩ eetu, baa ẽbẽra Nyekuci hidticanõõĩ hĩĩ bulẽẽnĩt cĩnaac, baa nga heteheꞌnyiaa hẽẽtkujjieen hĩ looc.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

ꞌGalaaꞌthia 4:4

Ma baa õdõlan kõrra niccia dẽẽdẽ, ikia ĩꞌthõõa Nyekuci Ngeerĩnĩ, ꞌcĩ baa ũũkca ngaa baa aꞌthũũnnĩ nyattal cĩ Mũũꞌtha,

Eevvetho 1:10

Nẽẽthĩ, muhẽẽnĩt tĩho cieeni. Ma ũttũbanoothĩk kõrra, aaꞌnyĩk hatĩ Nyekuci Krĩstõ haggam hẽlẽggĩ vẽlẽk cĩg hẽẽtkujjieen hĩ cĩg lootu.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Ebereei 1:5

Baa nga hĩĩnnĩk Nyekuci aajĩlõ umwa, “Iini nii Loholeec caannĩ, nẽ ꞌyioko kõr nicci, hĩĩna naa Maaꞌnyu.” Hode anneek, “Hĩĩnĩ hatĩ naa Maaꞌnyĩ nẽ ĩĩn hatĩ nẽẽ Loholeec caannĩ.”

Ebereei 1:8

Nẽ uduha Nyekuci thõõth cĩ Ngeerĩnĩ ĩĩ, “Iini nii Nyekuc nẽ aggami hatĩ looc ĩĩ habu ooo nẽ tarĩ, aꞌnyahaak hatĩ makaaꞌthĩt cunni eet bũnnai loota nĩnga.

Ebereei 11:3

Hĩnĩngĩtĩ lemiinit, haga naag haĩ, baa ẽhẽnytaa lõõcĩ thõõthaa ꞌcĩ aduha Nyekuci. Nẽ tarĩ haga naag haĩ, baa ẽhẽnytaa ꞌgii ꞌcĩ hacĩn naag ꞌyioko ho, ꞌgiiaa ꞌcĩ hõllõngaa edeeꞌnyia.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 5:8

Tananga baa ĩĩn Yeesu Ngeertĩ Nyekuci, ikia illiman ꞌcannanĩ cĩnnĩ ĩnõõnnõ hĩthĩk Nyekuc.

Ebereei 7:28

Nẽẽthĩ, baa ẽbẽra nyattalĩ paadĩrꞌnya ꞌcĩg ĩĩn eet haaga ꞌcĩg hõllõngaa attiranĩ. Ma baa aaꞌnyĩhoothĩk eet nyattalĩ, ikia ẽbẽra Nyekuci Ngeerĩnĩ lõbũtĩĩa nẽ ikia ĩĩ Ngeerĩnĩ paadĩr cobbi ꞌcĩ ĩllõõan paadĩrꞌnya vẽlẽk ũdũt.

Ebereei 7:3

Baa aitiõõ hõllõngaa agayyi maaꞌnyĩ Melkithẽdẽhĩ hode ngaannia hode maajiha cĩg baarkit hode ꞌtirriaanĩtĩ hĩ daahĩth cĩnnĩ. Ikia aala nẽẽ ĩĩ paadĩr ũdũt haau hĩ Ngeertĩ Nyekuci.

Ebereei 9:26

Má baa hẽlẽmana Yeesu ẽlẽ cĩnnĩ irkiꞌnyia vẽlẽk, occa baa appĩĩrna nẽẽ tabattĩ mẽẽlĩg nganĩngĩtĩ ẽhẽnytaanĩ lõõcĩ. Nẽẽthĩ, baa ẽlẽmana nẽẽ ẽlẽ cĩnnĩ tabattĩ hõdẽẽthõng diooni dtuurnattaa cĩ kõr tĩho, hátĩ hĩĩ nẽẽ ꞌgaarrieenit ꞌcĩ ũũny ꞌthẽccanẽẽta.

1 Pẽẽtũrũ 1:20

Baa ẽbẽra Nyekuci ĩnõõnnõ hĩĩ ellioohit cunuung, baa nga heteheꞌnyiaa lõõcĩ. Nẽẽthĩ ꞌyioko, ikia eteretheehuung Nyekuci ĩnõõnnõ ngagiit waathinnioohĩĩ ꞌcĩg adtuurna ho, hĩnĩngĩtĩ ngagiita.

2 Pẽẽtũrũ 3:3

Ĩĩcĩ oou, abũnnaa agayyu ainnu, kõr cĩ decciaanĩt cĩ lootu, au hatĩ eeta ꞌcĩg arannuung ngagiit nẽ ũnnẽẽcõ thooꞌthiok ꞌcĩg abũraneek nẽẽgĩ.

ꞌJuud 1:18

Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng.