Ebereei 1:14 - ꞌBuuk cĩ Thõõth cĩ Nyekuci

¹⁴ Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 1:14 ပူးပေါင်းရင်းမြစ်များ

ꞌThianaattõ 32:24

Ma baa idiongan Yakobo ẽmmẽn, ikia eet umwaa nẽ iita ammacuuccio hĩ ĩnõõnnõ ĩꞌthõng haal lõõcĩ.

Maatteeo 1:20

Ma baa nga ammuk nẽẽ thõõth icci, ikia uduhaak ĩnõõnnõ aajĩlõ cĩ Makayyiookto honoothittatõõ ĩĩnnĩk, “Ẽlẽ Yothebo ngeertĩ Daavide, ma hiteelli ngaatĩ aꞌthũwanĩĩ Maria hĩĩ ngaa cunni, hĩnĩngĩtĩ ĩĩn loholeec cĩ aꞌnyak Maria ho, loholeec ꞌcĩ aku hĩ Lori ꞌcĩ Ẽllẽẽmĩthĩ.

Maatteeo 13:41

Ĩꞌthõ hatĩ Ngeertĩ Eeto aajĩlẽẽt cĩgĩnnĩg hõõt huluttia eet vẽlẽk habuccieetaa cĩnnĩ ꞌcĩg adĩman thooꞌthiok ꞌcĩg abathĩ, hĩ ꞌcĩg aaꞌnyĩk ꞌgõõnõgĩ hẽꞌthẽcattõõ.

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 2:13

Ma baa oboddioothĩ ꞌgeeꞌnyiaha niccieegi, ikia uppwaannak aajĩlõ cĩ Makayyiookto Yothebo honoothittatõõ nẽ ĩĩnnĩk, “Tĩnga hataman! Viri loholeec hĩ aattĩnnĩ bĩtĩ Ijjiba! Bĩĩt awwuaaĩ ĩĩca ĩꞌthõng, huduhaahi naa kõr ꞌcĩ hatĩ õbõdaanĩ, hĩnĩngĩtĩ adiim Ẽrõõdẽ aruk loholeec.”

Maatteeo 24:31

Ĩꞌthõ hatĩ nẽẽ aajĩlẽẽt cĩgĩnnĩg hadtahit illieeri cobbi gẽrrẽẽt, huluttia eeta ꞌcĩg ẽbẽra Nyekuci ꞌgoolliohĩĩ ꞌcĩg ꞌrẽẽttĩg loota nĩnga hĩ hẽẽtahujjieen vẽlẽk.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maatteeo 4:11

Nĩngĩtĩ ũũnnĩkĩ habuui cĩ loriẽẽt ꞌcĩg abathĩ ho, Yeesu nẽ iita eelito aajĩlẽẽta ĩnõõnnõ haanytĩk ꞌgii ꞌcĩ adiim nẽẽnĩ.

Maarko 10:17

Ma baa iꞌthianaaĩ Yeesu weet, avvira hinnia ẽẽtĩ umwaa hikia hakat huruꞌnyia muumaa cĩnnĩ nẽ ĩĩnnĩk, “ꞌLimmannioohit ꞌcĩ abũnnaa, hadĩmani occa naa hutuno, hátĩ hũmmũda rũgẽt ꞌcĩ aalla ooo?”

ꞌLuuka 1:19

Ma ho, ẽdẽc aajĩlõ nicciee ĩnõõnnõ ĩĩnnĩk, “Haĩnna nganĩĩt ꞌGaburẽẽlẽ, dticciannioohit cĩ Nyekuci. Hĩꞌthooyyia naa hikia huduhaahii nganiit nyeemuut ꞌcĩ abũnnaa ho.

ꞌLuuka 1:23

Ma baa edeccia kõrra cĩ dtiic cĩnnĩ ho, ikia õbõdõõthĩ ĩĩcĩ olu.

ꞌLuuka 16:22

“Ma baa ho, ikia adaak Laaꞌtharõ nẽ iita ootti aajĩlẽẽta ĩnõõnnõ ngaatĩ aayyi Abũrahamĩ. Ma urutaa cĩnnĩ, ikia adaak ballioohiti tĩho buúk nĩngĩtĩ adaiini.

ꞌLuuka 2:13

Ma hĩdĩĩkoothong, uppwaanna lothippiti cobbi gẽrrẽẽt cĩ aajĩleetu ummuddiaak aa oou nẽ ĩdĩhĩthĩt Nyekuc nĩngaata hõdẽĩ ĩĩtõ,

ꞌLuuka 2:9

Ma baalin niccia, uppwaannak aajĩlõ cĩ Makayyiookto ĩhõõggõ nẽ aara bulẽẽnĩtĩ cĩ Makayyiookto hũttũhũl ĩhõõggõ, nĩngĩtĩ itieelini nẽẽg gẽrrẽẽt.

Dtiicanĩ cĩg ꞌThooyyiahu 11:22

Ma ho, õdõlan nyeemuut cĩ thõõth icci lothippit cĩ lemmioohu ꞌJeruꞌthalẽma, nĩngĩtĩ ĩꞌthõõanĩ nẽẽg Baarnaba hikia Antioha.

Dtiicanĩ cĩg ꞌThooyyiahu 12:23

Ma hĩdĩĩkoothong, hĩnĩngĩtĩ baa hõllõngaa abuluth Ẽrõõdẽ Nyekuc, uuk aajĩlõ cĩ Makayyiookto ĩnõõnnõ noho puth hẽttẽẽd looc. Ma uruta, iita adahit Ẽrõõdẽ huluta rũgẽtẽẽt, nĩngĩtĩ adaaknĩ noho ꞌthẽl.

Dtiicanĩ cĩg ꞌThooyyiahu 12:7

Ma hĩdĩĩkoothong, uppwaanna aajĩlõ cĩ Makayyiookto nẽ ũttũhũl lanyit baabuuth. Ma ho, õtõmõõĩ aajĩlõ Pẽẽtũrũ ꞌgaaũꞌnya, nĩngĩtĩ attiranĩ ĩnõõnnõ nẽ ĩĩnnĩk, “Tĩnga hĩdĩĩkoothong!” Ma ho, etteeddi nyerikona athĩnĩĩ cĩgĩnnĩg noho dtum.

Dtiicanĩ cĩg ꞌThooyyiahu 13:2

Ma baa nga abuluth nẽẽg Makayyioohit nẽ edettia eleeti ꞌgẽẽna, ikia ĩĩnnĩk Lorii ꞌcĩ Ẽllẽẽmĩth ĩhõõggõ, “Eberriahaangu Baarnaba hĩ ꞌThaaulo, hátĩ hidticanit dtiic ꞌcĩ havveehi naa ĩhõõggõ ho.”

Dtiicanĩ cĩg ꞌThooyyiahu 16:26

Ma hĩdĩĩkoothong, uluba hirihidtihi umwaa ꞌcĩ attiran gẽrrẽẽt hõtõmõõĩ ꞌcieeth cĩ baabuutho ĩꞌthõng ꞌgoolliok cĩg adayyiaanĩ ꞌcieeth buúk. Ma ho, ubbuukti hattũũgẽta vẽlẽk noho valahaꞌnyak, hetteedi nyerikona ꞌcĩg ecebiini baabuuthnya vẽlẽk noho dtum.

Dtiicanĩ cĩg ꞌThooyyiahu 27:23

Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal,

Dtiicanĩ cĩg ꞌThooyyiahu 5:19

Ma baa baal, ikia aajĩlõ cĩ Makayyiookto ubbuuk hattũũgẽt cĩg baabuuthak nẽ õõga ĩhõõggõ.

ꞌRooma 11:14

haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ.

ꞌRooma 13:6

Ĩnõõ thõõth ꞌcĩ adũmannu niig occoro buúk ko, hĩnĩngĩtĩ ĩĩn makayyiooha dticcianniook cĩg Nyekuci, ꞌcĩg ũũha eet hõdõõkõthĩ.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

ꞌRooma 15:27

Baa thõõth ꞌcĩ adiim adĩman nẽẽg cieeni. Nẽẽthĩ, ꞌgõõl ꞌcĩ baa õthõlĩ nẽẽg ꞌrabbẽẽt hĩ eet cĩg ꞌJudeei, aaĩ hinnia hĩcĩ adũmaneek nẽẽg ĩhõõggõ ngabolo, hĩnĩngĩtĩ baa otholit eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei, ꞌgattan cĩ Loriio.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Korinthia 1:21

Baa ẽggẽẽnyĩth Nyekuci ngaatĩ hõllõngaa aaꞌnyĩkĩ eet cĩg looc nicci hidticattõõĩ ꞌgẽẽnyĩth cĩnĩĩng hagayyi ĩnõõnnõ. Nẽẽthĩ hinnianĩ, baa ẽbẽra Nyekuci ngaatĩ ẽẽlĩ eet ꞌcĩg ẽlẽmĩ nyeemuut ꞌcĩ aggiithi ꞌcĩ hallimanna naag ko diooni.

2 Korinthia 9:12

Nẽ dtiici ꞌcĩ adticannu niig ko, hõllõngaa ĩĩn ꞌbaaninit ꞌcĩ haaꞌnyĩk eet cĩg Nyekuci diooni, ĩĩn ꞌbaaniniti ꞌgii ꞌcĩ aaꞌnyĩk eet ꞌcĩg mẽẽlĩg haccamattoothĩk gẽrrẽẽt ngaatĩ atallĩ Nyekuc.

ꞌGalaaꞌthia 3:29

Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.

ꞌGalaaꞌthia 3:7

Nẽ agaac ĩĩtõ, eeta ꞌcĩg ẽlẽmĩ Nyekuc, ĩĩn nẽẽg lõhõlĩ cĩg Abũrahamĩ.

ꞌGalaaꞌthia 3:9

Nẽẽthĩ, aggatan hatĩ Nyekuci eet ꞌcĩg ẽlẽmĩ ĩnõõnnõ, hĩ baa aggatan nẽẽ Abũrahaamõ, eet baa ẽlẽmĩ ĩnõõnnõ.

Eevvetho 3:6

Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 2:25

Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

Tiito 3:7

hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.

Ebereei 10:11

Nyattaalaa baa ꞌrẽẽnĩ, abĩlĩ paadĩrĩ hõdõõkõthĩ ngaatĩ ĩbboorini ꞌgaarrieeniti, hĩbbõõr ꞌgaarriẽẽn ꞌcĩg aduhõõ thõng tabattĩ hiriiri, ꞌcĩg hõllõngaa attik ꞌthẽccanẽẽt cĩg eetuk battaala.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

Ebereei 6:12

Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

Ebereei 6:17

Nẽ tarĩ, aꞌthũũnnĩ Nyekuci ẽllaa cĩnnĩ ẽmmẽn lõbũtĩ, hátĩ hagaacõ eeta baag aduhaak nẽẽ lõbũtĩ ngaatĩ ĩĩnnĩ thõõth cĩ Nyekuci dĩdĩ.

Ebereei 8:6

Nẽẽthĩ ꞌyioko, eberria Yeesu paadĩrĩ cĩnaac cobbi nẽ aaꞌnyĩhoothĩk dtiici ꞌcĩ ĩllõõan dtiic cĩ paadĩrꞌnya baag oou, hĩnĩngĩtĩ ĩĩ nẽẽ jayyio ꞌcĩ othooꞌtheet ngagĩĩt hĩ Nyekuc jurrung, thõõthaa cĩ lõhõt ꞌcĩ ĩĩn ngeju baa aduha Nyekuci.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

1 Pẽẽtũrũ 1:4

Aꞌnyak Nyekuci ꞌgiimwa ꞌcĩ iyyiangtheekuung ngagiit hẽẽtahujjieen, ngaatĩ hõllõngaa occa õꞌngõllĩ hode ẽꞌthẽcanniini hode aꞌnginõõꞌthĩ.

1 Pẽẽtũrũ 3:7

Nẽ niig maaccwaana ꞌgõõlaa ꞌcĩ aduhõõ thõng, ũrũmtĩ hĩ ngaaĩ cugguung jurrung, itingolli ĩhõõggõ hĩ ꞌgoonogu ꞌcĩg hõllõngaa attiran haauto hĩ niiga, hĩcĩ othollu ꞌbaaninit cĩ rũgẽt ꞌcĩ ĩĩn ngeju, ĩdĩmanit ĩhõõggõ jurrung, hátĩ hiittiõõ ꞌgii ꞌcĩ occa alaam laiinit cunuung tõõ.

ꞌJuud 1:14

Baa ĩĩn Ẽẽnõhĩ eet ꞌcĩ ĩĩn tũkĩramma ngaatĩ anũõõꞌthĩ Aadam, nẽ baa õthõõth nẽẽ thõõth cĩ eet iccig aĩ, “Ĩcĩnĩt nõõ! Aku hatĩ Makayyioohiti õõkõra hĩ aalibꞌnya cĩg aajĩlẽẽt ꞌcĩg ẽllẽẽmĩth ꞌcĩg occa hõllõngaa agiili,

Terethiinit 5:6

Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.