Ebereei 1:11 - ꞌBuuk cĩ Thõõth cĩ Nyekuci

¹¹ Aꞌnginoothi hatĩ hẽẽtkujjieen kĩ looc vẽlẽk nẽ uduktoothĩk hĩ ceremwaana ꞌcĩg ũnũũhĩtõ nẽ aalla hatĩ nii ooo.

Ebereei 1:11 ပူးပေါင်းရင်းမြစ်များ

Maatteeo 24:35

Edecciaa hatĩ hẽẽtkujjieen hĩ looc nẽ thõõth caannĩ ho, aitiõõ hatĩ hõllõngaa edecciaa ũdũt.

Maarko 13:31

Ammanyanni hatĩ hẽẽtkujjieen hĩ looc nẽ aalla hatĩ thõõth caannĩ ho ooo.

ꞌLuuka 21:33

Aitiõõ hatĩ hẽẽtkujjieen hĩ looc hõllõngaa aalla ũdũt, nẽẽthĩ, aalla hatĩ thõõth caannĩ ũdũt.

Ebereei 12:27

Aĩ thõõth ciee nẽẽ, õmmõõnnĩ hatĩ Nyekuci hẽlẽggĩ vẽlẽk baag ẽhẽnytaa hiꞌngittõõthĩ, hátĩ hidionganit hẽlẽggĩ ꞌcĩg hõllõngaa õmmõõtĩ diooni.

Ebereei 8:13

Ma õthõõth Makayyioohiti thõõth cĩ lõhõt ꞌcĩ ĩĩn ngeju ho, õthõõth nẽẽ aĩ, iittiõõ lõhõt baa ꞌrẽẽnĩ hõllõngaa adticanni. Nẽ ꞌyioko, õbõhĩ uduhoothĩha nẽ iꞌnginõõthĩ hatĩ hĩdĩĩkoothong.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 21:1

Ma ngaati, hudtuuha hẽẽtkujjieen ꞌcĩ ĩĩn ngeju hĩ looc ꞌcĩ ĩĩn ngeju buúk, hĩnĩngĩtĩ baa iꞌngittõõthĩ hẽẽtkujjieen hĩ looc baag ũnũũhĩtõ. Nẽ iꞌnginõõthĩ bũlũc buúk.