2 Tẽꞌthaloonika 3:2 - ꞌBuuk cĩ Thõõth cĩ Nyekuci

² Alayyiooyyieetu ngagĩĩt, hátĩ hũꞌthũtteet Nyekuci eetinii ꞌcĩg abathĩ ĩcĩg ĩĩn ꞌloorriak hĩ ĩcĩg ĩĩn ꞌthẽccanniook, hĩnĩngĩtĩ aitiõõ eeta vẽlẽk hõllõngaa aꞌnyak lemiinit hĩ Nyekuc.

2 Tẽꞌthaloonika 3:2 ပူးပေါင်းရင်းမြစ်များ

Maatteeo 17:17

Ma ho, uduhaak Yeesu ĩhõõggõ ĩĩnnĩk, “Ĩĩgĩnnu niig eet ꞌcĩg okommuung ooti nẽ aitiõõ lemiiniti tõõ! Harũmĩ hatĩ naag hĩ ngagiit ĩꞌthõng ningina? Hemeeꞌthuung hatĩ naa ngagiit ĩꞌthõng ningina? Aꞌnyaktahaangu da buulenit nicci ngaati.”

Maatteeo 23:23

“Pĩĩrnanĩt hĩ ngagiit ꞌlimmanniook cĩg nyattaalak hĩ ngagiit Variꞌtheei, oloꞌngiaaha cieegi! Aaꞌnyiku niig Nyekuc ꞌbaaninit ꞌcĩ abadtẽc ꞌcĩ aaĩ hĩ hẽẽt ꞌcĩ hidici ꞌcĩ aarĩhoothĩk ꞌdiaatatõõ nẽ ataarrioꞌthu thooꞌthiok ꞌcĩg õkõmĩ cĩg nyattaalak ꞌcĩg aattĩg hĩ, bũnnai hĩ tamaati hĩ ngaatĩ hathĩknĩ Nyekuc. Abũnnaa ngaatĩ aaꞌnyiku Nyekuc ꞌbaaninit ꞌcĩ abadtẽc nẽ abathĩ ngaatĩ ataarroꞌthu thooꞌthiok cĩg Nyekuci ꞌcĩg aaddi.

ꞌLuuka 18:8

Haduhaakuunga, aaꞌnyĩk ꞌthẽk hatĩ nẽẽ ĩhõõggõ hummuddia eliinit hĩdĩĩkoothong. ꞌYioko occa ꞌthẽk hatĩ ma õbõda Ngeertĩ Eeto, ammũdaak occa ꞌthẽk hatĩ lemiinit loota nĩnga?”

Dtiicanĩ cĩg ꞌThooyyiahu 13:45

Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.

Dtiicanĩ cĩg ꞌThooyyiahu 13:50

Ma nĩngaata, baa hinnia õõ alũllũũman makayyiooha cĩg ꞌJudeei eet ũgĩ ꞌcĩg obbitig ꞌtaaũnatõõ, hĩ ngaaĩ ũgĩ ꞌcĩg iꞌngolli thõõth cĩ Nyekuci. Nĩngĩtĩ aaꞌnyĩkĩ eeta cĩg ꞌJudeei ĩhõõggõ hutuhuyyioothĩk Paaulo hĩ Baarnaba nẽ iꞌthiattaaĩ ĩdĩmanit ĩhõõggõ ꞌbuth. Nĩngĩtĩ iiggiaĩ ĩhõõggõ looccaa cĩnĩĩng battaala.

Dtiicanĩ cĩg ꞌThooyyiahu 14:2

Nẽẽthĩ, eeta cĩg ꞌJudeei ꞌcĩg baag abũrĩ Makayyioohit, iita ẽꞌthẽcanit eet ũgĩ ꞌcĩg hõllõngaa ĩĩn ꞌJudeei hĩlĩĩllẽẽcõ hutuhuyyioothĩk nuyyiook cĩg Makayyiooktak.

Dtiicanĩ cĩg ꞌThooyyiahu 17:5

Ma nĩngaata, ĩlĩĩllẽẽcõ makayyiooha cĩg ꞌJudeei, nĩngĩtĩ alũtaanĩ ꞌloorriak ꞌcĩg alatan ngaatĩ tũũõ, hiita hiꞌthiattaaĩ jore ꞌtaaũnatõõ. Ma ho, ukullioothĩk õlõ cĩ eet ꞌcĩ haĩ ꞌJaathon hõõt hidiimta Paaulo hĩ ꞌThĩĩla haꞌnyaktaak lothippit.

Dtiicanĩ cĩg ꞌThooyyiahu 25:27

Hĩnĩngĩtĩ hammuhi hõllõngaa occa hĩꞌthõ baabutheenit haaga, hiꞌthihi ꞌgiimwa ꞌcĩ edeeꞌnyia ꞌcĩ ẽꞌthẽcan buúk.

Dtiicanĩ cĩg ꞌThooyyiahu 28:24

Ma ho, iita elemit eeta ũgẽẽgĩ thooꞌthiok ꞌcĩg aduha Paaulo ho, nẽẽthĩ hinnia, baa abũrĩ ũgẽẽgĩ.

ꞌRooma 10:16

Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 15:31

Alayyio, hátĩ heellia naa athĩnĩĩ cĩg eet ꞌcĩg hõllõngaa ĩĩn lemmiook, looccaa cĩ ꞌJudeea, hátĩ horoong hẽlẽmĩ dtiici caannĩ nĩĩca lemmioohĩĩ cĩg ꞌJeruꞌthalẽmĩ,

1 Korinthia 15:32

Má baa haruhoonna naag hĩ eet ꞌcĩg aꞌthĩlan aattĩg hĩ idiꞌngwa cĩg moru ꞌtaaũnaa cĩ Eevvetho, hĩnĩngĩtĩ thooꞌthiok cĩg eetuk haaga, ne ꞌyioko ꞌcĩ baa hammũda naa ho? Má hõllõngaa arũgthaa eeta ꞌcĩg adaahito, “Hudukto thĩ nẽẽ naag nẽ hũhũdĩt mẽrtĩ, hĩnĩngĩtĩ hadaahĩ hatĩ lohotha.”

1 Tẽꞌthaloonika 2:18

Baa hadiimma ngaatĩ haau hacinnuung dĩdĩ nẽ baa hattĩmani naa Paaulo dẽẽdẽ tabattĩ hiriiri ngaatĩ hakuuni, alaammeet hinnia ngagĩĩt ꞌThĩttaanĩ ngaatĩ hauunna.

2 Timotteeo 4:17

Nẽẽthĩ, baa Makayyioohit dioo ꞌcĩ abĩlĩ dhoortaa caannĩ nẽ aaꞌnya ꞌtirrian, hátĩ hillimaneek eet nyeemuut cĩ Nyekuci nẽ ĩthĩhĩt eeta ꞌcĩg hõllõngaa ĩĩn ꞌJudeei vẽlẽk, hĩnĩngĩtĩ nganĩĩta nẽ heellia ũtũũgaa cĩ ꞌmaaõ.