2 Tẽꞌthaloonika 3:16 - ꞌBuuk cĩ Thõõth cĩ Nyekuci

¹⁶ Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

2 Tẽꞌthaloonika 3:16 ပူးပေါင်းရင်းမြစ်များ

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

ꞌLuuka 2:14

“Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 15:33

Halayyi naa haini aꞌnyĩĩk Nyekuc ꞌcĩ aaꞌnyeet ganõn haau hĩ ngagiit vẽlẽk ooo. Aamẽn.

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

1 Korinthia 14:33

Adiim Nyekuci hẽlẽggĩ vẽlẽk hidticattĩ lõꞌngõõc ꞌgõõlaa ꞌcĩ abũnnaa. Ma õmmõtõõ lothippiꞌnya cĩg lemmioohu,

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

Eevvetho 6:23

Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga.

1 Tẽꞌthaloonika 3:11

Nẽẽthĩ ꞌyioko, aꞌnyĩĩk nuun Nyekuc Baangeet cĩnaac hĩ Makayyioohit Yeesu Krĩstõ, hubbuktĩheet ꞌgõõl ꞌcĩ haau hacinnuung ngagiit hĩdĩĩkoothong.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

2 Tẽꞌthaloonika 3:18

Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiit vẽlẽk.

2 Timotteeo 4:22

Aꞌnyĩĩk Makayyioohit haau loriiaa cunni. Aꞌnyĩĩk bũnnai cĩ Nyekuci haau hĩ ngagiita.

Vilõmẽẽnõ 1:25

Aꞌnyĩĩk bũnnai cĩ Makayyioohit Yeesu Krĩstõ haau hĩ ngagiita.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

Ebereei 7:2

Nẽ ikia aaꞌnyĩk Abũrahaamõ Melkithẽdẽk hẽlẽggĩ ũgĩ ꞌcĩg abadtẽc baag ammiira jora. Nẽ ꞌthaara ꞌcĩg haĩ Melkithẽdẽk ko, nĩngĩtĩ aĩ, “Bũnnai.” Nẽ haĩ Melkithẽdẽk ꞌthaar ũgĩ buúk, “Habu cĩ Ganõõnõ.” Nẽẽthĩ, aĩ ꞌthaara ꞌcĩg haĩ Thaalem ko, Ganõn.

ꞌRuuth 2:4

Ma baa ũtũngeek ꞌBõathĩ Bẽtẽlẽm nẽ ũũk manaa cĩnnĩ, ũũk ĩꞌtha nẽẽ janniook nẽ ĩĩnnĩk, “Aꞌnyĩĩk Makayyioohit haau hĩ ngagiita!” Ẽdẽcĩ janniooha aĩ, “Aꞌnyĩĩk Makayyioohit haggattanii nganiita!”