2 Tẽꞌthaloonika 3:15 - ꞌBuuk cĩ Thõõth cĩ Nyekuci

¹⁵ Ma hinnia hainnu ĩĩtõ nẽẽg mĩrõk. Irrioottĩk nẽẽꞌthẽk ĩhõõggõ hĩcĩ occa irrioonĩku ꞌgotoonogu hĩ ngoonogu ꞌcĩg ẽlẽmĩ thõõth cĩ Nyekuci.

2 Tẽꞌthaloonika 3:15 ပူးပေါင်းရင်းမြစ်များ

Maatteeo 18:15

“Má adĩmannii ꞌgotonu ꞌbuth, bĩĩt teretheek ĩnõõnnõ bathi cĩnnĩ ngaatĩ burki. Má athĩkniina, ẽẽla nii ĩnõõnnõ.

1 Korinthia 4:14

Hõllõngaa heheedi naa thooꞌthiok iccig, hátĩ haanytuung ngagiit ngaaoni, nẽẽthĩ, haĩ hitiloouung naa hĩ lohollia cĩgannĩg ꞌcĩg hammĩnani ꞌthĩnĩta.

1 Korinthia 5:5

aanytĩk eet nicci ꞌThĩttaan, hátĩ horoong huduhoothĩk thõõth ꞌcĩ abũraneek ẽlẽ cĩnnĩ ho nẽ eellia lorii cĩnnĩ kõr ꞌcĩ hatĩ õbõdaanĩ Makayyioohiti.

2 Korinthia 10:8

Hirriana mõnõ naa gẽrrẽẽt, hĩnĩngĩtĩ makaaꞌthĩt baa aaꞌnya nganĩĩt Makayyioohiti, hátĩ heelluung ngagiit lemiittaa cunuung ko thõng nẽ hõllõngaa haini, hátĩ hĩdĩmanuung ngagiit ꞌbuth. Occa hatĩ hõllõngaa haꞌngaaoni naa ngaatĩ hirrianĩ.

2 Korinthia 13:10

Ĩnõõ ꞌcĩ hẽhẽẽdakuung naa ngagiit thooꞌthiok iccig nga haayyia ꞌrẽẽna, hátĩ ma hikia, hiittiõõ hõllõngaa hothoothikuung komiitta makaaꞌthĩtaa caannĩ, ĩĩ baa aaꞌnya Makayyioohiti. Baa aaꞌnyĩhoothĩkaa nganĩĩt makaaꞌthĩt ciee, hátĩ heelluung ngagiita nẽ baa hõllõngaa aaꞌnyĩhoothĩkaa, hátĩ hĩꞌthannuung ngagiit thõng.

ꞌGalaaꞌthia 6:1

ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

2 Tẽꞌthaloonika 3:6

Nẽ ꞌyioko niig ꞌgotoonoga hĩ ngoonoga, haduhaakuung dĩdĩ ꞌthaarĩĩ cĩg Makayyioohit cĩnaac Yeesu Krĩstõ hanneekuung, ma hookorru hĩ lemmiook ꞌcĩg ĩĩn nyamuttiook, ꞌcĩg abũrĩ ꞌlimman baa hallimaneekuung naag ngagiita.

Tiito 3:10

ꞌRioonĩk eet ꞌcĩg attiha jore tabattĩ ꞌramma, ma urutaa cĩnnĩ, ma nga hedecoothihi tarĩ.