2 Tẽꞌthaloonika 3:14 - ꞌBuuk cĩ Thõõth cĩ Nyekuci

¹⁴ Ĩcĩnĩt eet ꞌcĩg abũrĩ thõõth ꞌcĩ hẽhẽẽdanna naag waragaawaa cĩ ho jurrung. Iliittia eet tĩko thõng, aꞌngaaõn hatĩ nẽẽg ẽmmẽn.

2 Tẽꞌthaloonika 3:14 ပူးပေါင်းရင်းမြစ်များ

Maatteeo 18:17

Má abũrĩ nẽẽ ngaatĩ athĩknĩ ĩhõõggõ, uduktaak thõõth tĩho lothippit cĩ lemmioohu. Má abũrĩ nẽẽ ngaatĩ athĩknĩ lothippit cĩ lemmioohu buúk, aanytĩk haau hĩ eet ꞌcĩ hõllõngaa aga Nyekuc hode hĩ eet ꞌcĩ alũt occoro.

ꞌRooma 16:17

Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

1 Korinthia 4:14

Hõllõngaa heheedi naa thooꞌthiok iccig, hátĩ haanytuung ngagiit ngaaoni, nẽẽthĩ, haĩ hitiloouung naa hĩ lohollia cĩgannĩg ꞌcĩg hammĩnani ꞌthĩnĩta.

1 Korinthia 5:11

Nẽẽthĩ ꞌyioko, hẽhẽẽdakuung naa ngagiit waraga icci, hátĩ hiittiõõ hõllõngaa ookorru hĩ eet umwa ꞌcĩ aũ ẽlẽ cĩnnĩ anneek lemmioohit, ĩko nẽẽ ĩĩn eet ꞌcĩ adĩman thooꞌthiok ꞌcĩg ĩĩn ꞌriiring, ĩĩn lobolobbiaahit nẽ ĩĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hode ĩĩn oloꞌngiaahit hode ĩĩn duuttiahit hode ĩĩn eet ꞌcĩg ĩggõõl ꞌgõõnõgĩ. Nẽẽthĩ, ma haduheennu hĩ eet ꞌcĩ aaĩ noho.

1 Korinthia 5:9

Baa hẽtẽhẽẽdahuung naa ngagiit waragaawaa caannĩ hĩĩnnĩhuung, ma hookorru hĩ eet ꞌcĩg adĩman thooꞌthiok ꞌcĩg ĩĩn ꞌriiring.

2 Korinthia 10:6

Nẽ hakũmanoothĩka hatĩ naag ngaatĩ huuka eet vẽlẽk ꞌcĩg adtican hẽlẽggĩ ꞌcĩg hõllõngaa ẽlẽmĩ Krĩstõ, hatĩ elemtu niig Krĩstõ dĩdĩ.

2 Korinthia 2:9

Thõõth baa hẽhẽẽdakuung naa ngagiit waraga haini, hátĩ hũmmũda nẽ hagawa dĩdĩ, hatĩ ma anuyyu niig thooꞌthiok vẽlẽk ꞌcĩg haduha naana.

2 Korinthia 7:15

Ammĩnannuung ngagiit Tiito gẽrrẽẽt hatĩ ammuhoothi ꞌgõõl baa iꞌngoliinnu niig ĩnõõnnõ nẽ abarritu tẽẽlꞌthĩta, ngaatĩ ẽlẽmaaku niig ĩnõõnnõ hikia hĩ ngagiita.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Kolooꞌthe 4:16

Ma itigiillu waraga icci, aanytĩk hitigiili lothippitaa cĩ lemmiook cĩg ꞌtaaũn cĩ Laodicea buúk nẽ itigiillu niig buúk waraga baa hĩꞌthooihi naa ĩhõõggõ.

1 Tẽꞌthaloonika 4:8

Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.

2 Tẽꞌthaloonika 3:6

Nẽ ꞌyioko niig ꞌgotoonoga hĩ ngoonoga, haduhaakuung dĩdĩ ꞌthaarĩĩ cĩg Makayyioohit cĩnaac Yeesu Krĩstõ hanneekuung, ma hookorru hĩ lemmiook ꞌcĩg ĩĩn nyamuttiook, ꞌcĩg abũrĩ ꞌlimman baa hallimaneekuung naag ngagiita.

Tiito 2:8

ꞌLimmaneek eet thõõth cĩ Nyekuci ꞌcĩ ĩĩn dĩdĩ jurrung, hátĩ hiittiõõ hõllõngaa ẽppẽhan eet umwaanĩ. Aꞌngaaõn hatĩ mĩrõha cugunnig, hĩnĩngĩtĩ aitiõõ thõõth ꞌcĩ abathĩ ꞌcĩ ammũda hĩ nganiit hode hĩ ngagĩĩt tõõ.

Tiito 3:10

ꞌRioonĩk eet ꞌcĩg attiha jore tabattĩ ꞌramma, ma urutaa cĩnnĩ, ma nga hedecoothihi tarĩ.

Vilõmẽẽnõ 1:21

Hĩcĩ heheedi naa waraga icci ho, haga naa ngaatĩ hatĩ adĩmanĩĩ thõõth ꞌcĩ hajinnii ho jurrung nẽ occa hatĩ adĩmani hĩllõõan.

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

2 Yõaannẽ 1:10

Má uppwannakuung eet umwaa lothippitaa cunuung nẽ hõllõngaa allimman thõõth ꞌcĩ ĩĩn dĩdĩ cĩ Krĩstõ, ma haaꞌnyĩku eet tĩho huduhuna halaꞌngiõõhĩĩ cugguung, hode ma hakũtannu thõng.