2 Tẽꞌthaloonika 3:1 - ꞌBuuk cĩ Thõõth cĩ Nyekuci

¹ Nẽ thõõth ꞌcĩ adtuurna ꞌgotoonoga hĩ ngoonoga, alayyiooyyieetu ngagĩĩt, hátĩ hĩꞌthanothoothĩk thõõth cĩ Nyekuci looc vẽlẽk hĩdĩĩkoothong, hátĩ hĩthĩhĩt eeta thõõth cĩnnĩ haau hĩcĩ athiknu niig ko.

2 Tẽꞌthaloonika 3:1 ပူးပေါင်းရင်းမြစ်များ

Maatteeo 9:38

Nẽẽthĩ hoti ho, ijinit Makayyioohit cĩ manu haꞌnyaha dticcianniook cĩg janiittak manatõõ cĩnnĩ.”

ꞌLuuka 10:2

Baa iloot nẽẽ ĩhõõggõ anneek, “Ibbiir mana cobbi gẽrrẽẽt nẽ hĩdĩcĩg hinnia janniooha. Alaac Makayyioohit baattĩ manu hĩꞌthõõa janniook ũgĩ.

Dtiicanĩ cĩg ꞌThooyyiahu 12:24

Nẽẽthĩ, baa aalla ittoorri thõõth cĩ Nyekuci hĩꞌthanothoothĩk lokor vẽlẽk noho.

Dtiicanĩ cĩg ꞌThooyyiahu 19:20

Nĩngĩtĩ ĩꞌthanõthõõthĩkĩ nyeemuut cĩ Makayyiookto eet vẽlẽk, hikia hittiran gẽrrẽẽt.

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

ꞌRooma 15:30

ꞌGotoonoga hĩ ngoonoga, halayyuung naa ngagiit ꞌthaarĩĩ cĩg Makayyioohit cĩnaac Yeesu Krĩstõ, hĩ mĩnnaanaa cĩ Lori ꞌcĩ Ẽllẽẽmĩthĩ, othollieehaangu thõõth ꞌcĩ hadiim hakuuni nĩĩca, ngaatĩ alaiinnaangu nganĩĩt hĩ Nyekuc.

1 Korinthia 16:9

hĩnĩngĩtĩ ubbuuhothoothĩhaa nganĩĩt hattũũg cobbi cĩ dtiic ꞌcĩ abũnnaa, nẽ aattĩg eeta ꞌcĩg mẽẽlĩg ꞌcĩg abũrra nganĩĩta.

2 Korinthia 1:11

Nẽ hĩcĩ eellieetu niig ngagĩĩt laiittaa cunuung ko, mẽẽlĩg hatĩ eeta buúk ꞌcĩg anneek Nyekuc ĩlaallẽ, hĩnĩngĩtĩ ẽdẽcĩ Nyekuci laiinit cunuung hĩnĩngĩtĩ ngagĩĩta.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Tẽꞌthaloonika 1:8

Nẽ hĩnĩngĩtĩ ngagiita, ikia ĩꞌthanothoothĩk thõõth cĩ Makayyiookto loonyini vẽlẽk hõllõngaa Maccedoonia hĩ Acaia dioo nẽ ikia agaĩ lemiiniti cunuung cĩ Nyekuci loonyin vẽlẽk, nẽ occa ꞌthẽk iittiõõ hõllõngaa hathithan thõõth icci thõng buúk.

1 Tẽꞌthaloonika 2:1

ꞌGotoonoga hĩ ngoonoga, baa agayyu niig aĩ, baa hõllõngaa hẽhẽẽrõnaakuung naag ngagiit haaga.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

1 Tẽꞌthaloonika 5:17

Alayyio hõdõõkõthĩ.

1 Tẽꞌthaloonika 5:25

Hõlõ, ꞌgotoonoga hĩ ngoonoga, alayyiooyyieetu niig buúk ngagĩĩta.

2 Timotteeo 2:9

ꞌcĩ happĩĩrnanĩĩ ngaatĩ hecebiini baabuutha hĩ ꞌthẽccannioohiti. Nẽ occa hõllõngaa ecebbi thõõth cĩ Nyekuci baabuutha.