2 Tẽꞌthaloonika 2:9 - ꞌBuuk cĩ Thõõth cĩ Nyekuci

⁹ Ma ikia ẽẽtĩ ꞌcĩ abũrĩ thõõth cĩ Nyekuci ho, aku hatĩ adtican dtiic cĩ ꞌThĩttaanõ nẽ ĩdĩman thooꞌthiok ꞌcĩg ĩnaat eeta hĩ terethiinit ꞌcĩ ĩĩn õlõng.

2 Tẽꞌthaloonika 2:9 ပူးပေါင်းရင်းမြစ်များ

Luugithõõ 7:22

Nẽẽthĩ hinnianĩ, baa adtican ngarĩta buúk, thooꞌthiok ꞌcĩg aduhõõ hĩ ꞌcĩg adtican Arõõnẽ ho thõng, ꞌgõõlaa cĩnĩĩng ĩcĩ ammiꞌthi, nĩngĩtĩ aku õkõmmĩ habu cĩ Ijjibi õõ hiittiõõ hõllõngaa athĩhĩ thõõth cĩ Mũũꞌtha hĩ cĩ Arõõnẽ, hĩ baa aduha Makayyioohiti.

Luugithõõ 8:18

Ma baa ma aĩ hĩttĩmatta ngarĩta ngaatĩ occa aꞌnyahaanĩ nẽẽg buúk wĩĩny ꞌgõõlaa cĩnĩĩng ẽmmẽn ko, aꞌnyaman hinnia ĩhõõggõ thõng. Nĩngĩtĩ ammũlũũnyanĩ wĩĩnya eet hĩ idiꞌngwa vẽlẽk.

Luugithõõ 8:7

Au hinnia adĩman ngarĩta buúk, hẽlẽggĩ ꞌcĩg aduhõõ ꞌgõõlaa cĩnĩĩng ẽmmẽn, aaꞌnyĩk nẽẽg buúk lõkĩdõdõõknya hĩbbĩtĩt looc cĩ Ijjibi.

Maatteeo 12:22

Ma ho, aꞌnyaktaak eeta Yeesu eet umwa ꞌcĩ rubenĩ ꞌcĩ ijjiaaki kim nẽ aꞌnyak lori ꞌcĩ abathĩ, nĩngĩtĩ aaꞌnyĩkĩ Yeesu ĩnõõnnõ hũbũna hikia hõthõõth nẽ ĩcĩnĩ.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

Maarko 13:22

Hĩnĩngĩtĩ au hatĩ uppwaanna krĩstõꞌnya hĩ põrõvẽtaaꞌnya ꞌcĩg ĩĩn oloꞌngiaak ꞌcĩg au adtican hẽlẽggĩ ꞌcĩg ĩnaat eeta, aĩ hatĩ higgoollia eet baag ẽbẽra Nyekuci, hatĩ ũũlũ ngaatĩ ĩggõõlĩ ĩhõõggõ.

ꞌLuuka 11:25

Nẽ ma õdõlan nẽ ammũdoothĩk tẽlla,

Yõaannẽ 4:48

Ma nĩngaata, uduhaak Yeesu ꞌgaalac nicci ĩĩnnĩk, “Má hõllõngaa acinnu niig thooꞌthiok ꞌcĩg ĩnaat eeta, hõllõngaa hatĩ elemmu.”

Yõaannẽ 8:41

Adĩmannu niig thooꞌthiok ꞌcĩg adĩman maaꞌnyu cunuung!” Ẽdẽcĩ eeta anneek, “Hõllõngaa hĩĩgĩnna naag lõhõlĩ ꞌcĩg harrittiaanna battaala. Nyekuc dioo ꞌcĩ ĩĩn Baangeet cĩnaang.”

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Dtiicanĩ cĩg ꞌThooyyiahu 13:10

“Ĩĩnĩ nii ngeertĩ habu cĩ loriẽẽt ꞌcĩg abathĩ nẽ iinu mirohit cĩ thõõth vẽlẽk ꞌcĩ aũlanĩ! Nẽ maka nganiit ꞌgooliniti ꞌcĩ õgõllẽẽkĩ eeta. Hõllõngaa ꞌthẽk occa abili ngaatĩ alaamĩ thooꞌthiok ꞌcĩg aũlan dĩdĩ cĩg Makayyiooktak?

2 Korinthia 11:14

Aitiõõ hõllõngaa occa hakuleek naag ꞌjieen, hĩnĩngĩtĩ ꞌThĩttaan dẽẽdẽ ꞌcĩ õõlõng aĩ, hĩĩnĩ aajĩlõ ꞌcĩ hakuu hĩ Nyekuc.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

2 Timotteeo 3:8

Hĩ baa ẽppẽhan eeta baag haĩ hĩ ꞌJaannẽthĩ hĩ ꞌJambere thõõth cĩ Mũũꞌtha, abũrĩ eeta cieeg thõõth ꞌcĩ ĩĩn dĩdĩ, ĩĩn nẽẽg eet ꞌcĩg ẽꞌngẽjĩ ooti nẽ hõllõngaa ĩĩn lemiiniti cĩnĩĩng dĩdĩ.

ꞌJeemith 3:15

Hĩnĩngĩtĩ hõllõngaa aku iniaani hĩ muruꞌthẽẽt ꞌgẽẽnyĩthaa cĩ Nyekuci. Ĩĩn nẽẽg hẽlẽggĩ cĩg lootu nẽ ĩĩn cĩg habu cĩ loriẽẽt ꞌcĩg abathĩ.

Terethiinit 12:17

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 18:23

Iittiõõ hatĩ ꞌloomo ꞌcĩ nga alanyĩt hĩ nganiit tarĩ tõõ. Iittiõõ hatĩ mõlõõhĩ cĩ nyattaraanõ, hõllõngaa athĩknĩ hĩ nganiit tarĩ. Baa ĩĩn tũjaarrioha cugunnig eet ꞌcĩg obbitig gẽrrẽẽt loota nĩnga. Nẽ ngarĩꞌthẽẽt cunni ho, ikia aaꞌnyĩk eet cĩg loonyin vẽlẽk harahanit.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 9:11

Baa habu cĩnĩĩng aajĩlõ ꞌcĩ ĩĩn makayyioohit cĩ ꞌlook ꞌcĩ uuthik hiꞌthihi dtuurnanĩt ko. Baa haĩ ꞌthaar cĩgĩnnĩg Ebereeiyyi Abaddon nẽ thõõthaa cĩ eet cĩg ꞌGirihi, haĩ Apollion, nĩngĩtĩ aĩ, eet ꞌcĩ acũda hode aggĩĩra eet.