2 Tẽꞌthaloonika 2:8 - ꞌBuuk cĩ Thõõth cĩ Nyekuci

⁸ Nẽ ma edeeꞌnyia ẽẽtĩ ꞌcĩ abũrĩ thõõth cĩ Nyekuci ho, aruk hatĩ Makayyioohiti Yeesu ĩnõõnnõ ꞌlaũhẽẽnnĩĩ cĩgĩnnĩg nẽ tarĩ, uruk bulẽẽttaa ꞌcĩ õbõdaanĩ nẽẽnĩ.

2 Tẽꞌthaloonika 2:8 ပူးပေါင်းရင်းမြစ်များ

Maatteeo 13:19

Nẽ hinyomona ꞌcĩg ĩꞌthanothoothĩk ꞌgõõla, ĩthakꞌthoothĩk eet ꞌcĩg athĩhĩ nyeemuut cĩ habuccieet cĩ Nyekuci nẽ hõllõngaa aga buúk. Aku ꞌThĩttaanĩ nẽ uvvucan nyeemuut nicci ꞌthinneetinii cĩggĩĩng.

Maatteeo 13:38

Ĩĩn mana looc nicci nẽ hinyomona ꞌcĩg abũnnaa, ĩĩn lõhõlĩ cĩg habuccieet cĩ Nyekuci. Nẽ ꞌcĩ ĩĩn ꞌdwaanĩ ho, ĩĩn lõhõlĩ cĩg ꞌThĩttaanak,

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

1 Korinthia 1:28

Adticaniini Nyekuci eet ꞌcĩg arannĩ eeta cĩg looc nicci aĩ, hõllõngaa aaddi hode aĩ ĩĩn eet ũgĩ haaga, hĩꞌthaanĩ thooꞌthiok ꞌcĩg ammuk eeta ꞌcĩg looc nicci aĩ aaddi.

2 Tẽꞌthaloonika 2:3

Ma haaꞌnyiku eet umwa higgooluung ũdũt, hĩnĩngĩtĩ hõllõngaa hatĩ aku kõrra niccia nga hedeeꞌnyia jõrẽẽĩ. Nẽ tarĩ hõllõngaa aku kõrra niccia nga hedeeꞌnyia ẽẽtĩ ꞌcĩ abũrĩ thõõth cĩ Nyekuci, nẽẽthĩ, eet ꞌcĩ hatĩ aruk Nyekuci ho niccia.

1 Timotteeo 6:14

bũtan ĩĩ athihi hatĩ thõõth ꞌcĩ haduhaaki naa ho vẽlẽk jurrung, ĩꞌthõng kõr ꞌcĩ hatĩ õbõdaanĩ Makayyioohiti cĩnaac Yeesu Krĩstõ,

2 Timotteeo 1:10

Nẽẽthĩ ꞌyioko, ikia eteretheeheet ngagĩĩt Ellioohiti cĩnaac Yeesu Krĩstõ tarbalꞌthẽẽt cĩ Nyekuci. Ĩllõõan nẽẽ daahĩth nẽ eteretheeheet lanyit cĩ rũgẽt ꞌcĩ aalla ooo jurrung, nyeemuutaa ꞌcĩ abũnnaa.

2 Timotteeo 4:1

Haduhaaki dĩdĩ muumaa cĩ Nyekuci, hĩ ĩcĩ Yeesu Krĩstõ ꞌcĩ hatĩ aku ẽttẽẽd thooꞌthiok cĩg eet ꞌcĩg adaahito, hĩ ꞌcĩg nga arũgĩ vẽlẽk, hatĩ uppwaanna Yeesu hĩ habuccieet cĩnnĩ, haaꞌnyii tilooinit icci.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 10:27

Hitingolli naag thõõth ꞌcĩ etteedini thooꞌthioha dioo, hĩ ꞌgwoo ꞌcĩ hatĩ atũũth mĩrõk ꞌcĩg aharrieek Nyekuc.

1 Yõaannẽ 2:13

Hẽhẽẽdakuung naa ngagiit nyakangaaꞌnya hĩ morwak waraga, hĩnĩngĩtĩ agayyu niig Krĩstõ baa aaĩ baa nga heteheꞌnyiaa lõõcĩ. Nẽ tarĩ, hẽtẽhẽẽdahuung waraga ngagiit nyahaappanĩt hĩ buheeci, hĩnĩngĩtĩ ĩllõõattu niig ꞌThĩttaan.

1 Yõaannẽ 3:12

Ma haattiyyu hĩ Kaiino baa ĩĩn loholeec cĩ ꞌThĩttaanõ nẽ uruk ꞌgõtõnĩ. Aruk occa baa nẽẽ ꞌgõtõnĩ inni? Baa aruk nẽẽ ꞌgõtõnĩ, hĩnĩngĩtĩ baa adĩman nẽẽ thooꞌthiok ꞌcĩg abathĩ nẽ ĩdĩman ꞌgotonnia thooꞌthiok ꞌcĩg aũlanĩ.

1 Yõaannẽ 5:18

Haga naag jurrung haĩ, hõllõngaa aalla lohollia cĩg Nyekuci ẽꞌthẽcan thooꞌthiok. Hĩnĩngĩtĩ eteiini Ngeertĩ Nyekuci ĩhõõggõ nẽ hõllõngaa occa adĩman ꞌThĩttaanĩ ĩhõõggõ ꞌbuth.

Terethiinit 1:16

Aggam nẽẽ mũnyũny tũkĩramma, attiaa cĩnnĩ ĩcobbi nẽ uluba nyetuboot ꞌcĩ ꞌlẽhẽdĩ ũtũũgaa cĩnnĩ, attalĩth muum cĩnnĩ haau hĩ kõrra gõõng aara.

Terethiinit 13:5

Ma ho, ẽlẽmaahĩ Nyekuci nyaharahaak nicci hõdõõm ĩnõõnnõ nẽ aaꞌnyĩk hidticanõõĩ makaaꞌthĩt cĩnnĩ ho nyĩlõhĩ hẽẽn ꞌwec hĩ ꞌramma.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 2:16

Haduhaakuunga, ũtũngteek ꞌthẽccanẽẽta, má hõllõngaa uunniku, hakuu hatĩ hĩdĩĩkoothong hiita huruktooa hĩ eet ꞌcĩg adĩman ꞌthẽccanẽẽta. Haruhi hatĩ ĩhõõggõ nyetubootaa ꞌcĩ haꞌnyahi ũtũũga ho.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.