2 Tẽꞌthaloonika 2:2 - ꞌBuuk cĩ Thõõth cĩ Nyekuci

² ma haaꞌnyiku eet ꞌcĩg aĩ, “hĩĩgĩnna põrõvẽtaaꞌnya” higgoolluung hĩĩttĩhuung, ikia Makayyioohiti ẽlẽk. Horoong iggoolluung hatĩ nẽẽg anneekuung ĩĩn thõõth ciee, ꞌcĩ hathĩknaanna cũrũmũũm hĩ Lori ꞌcĩ Ẽllẽẽmĩthĩ, hode hĩ eet umwa hode aĩ, haggiilanna waragẽẽtĩĩ baag heheedi naa Paaulo.

2 Tẽꞌthaloonika 2:2 ပူးပေါင်းရင်းမြစ်များ

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maarko 13:7

Ma ĩthĩktu jõrẽẽn, hode ahĩkĩĩmanni thooꞌthioha cĩg joreenu, ma habarrittu, hĩnĩngĩtĩ au ꞌthẽk hatĩ hẽlẽggĩ cieeg edeeꞌnyia ĩĩcĩ oou. Nẽẽthĩ, nga hatĩ hĩĩ ciee decciaanĩt cĩ lootu.

ꞌLuuka 21:19

Ĩbĩlĩt kõmĩĩtha hatĩ ummuddia rũgẽt.

ꞌLuuka 21:9

Ma ĩthĩktu jõrẽẽna, ma hiteelinnu. Au nõõ hatĩ ꞌthẽk edeeꞌnyia hẽlẽggĩ cieeg ĩĩcĩ oou nga hedeeꞌnyia dtuurnanĩtĩ cĩ lootu.”

Yõaannẽ 14:1

Baa aduhaak Yeesu nuyyiook cĩgĩnnĩg anneek, “Ma haaꞌnyiku ꞌthinneeti hupuppudit, elemit Nyekuc nẽ ẽlẽmtaangu nganĩĩt buúk.

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

1 Korinthia 14:32

Aggam loriẽẽt cĩg põrõvẽtaaꞌnyanu põrõvẽtaaꞌnya.

1 Korinthia 7:26

Hĩnĩngĩtĩ thõõth ꞌcĩ abathĩ ꞌcĩ aaĩ ꞌyioko ho, hammuhi occa abũnnaa gẽrrẽẽt ngaatĩ aattiyyu haaga hõllõngaa aꞌthũwaniinnu.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

1 Tẽꞌthaloonika 3:3

Hõllõngaa hadiimma naag eet umwa hũtũngeek thõõth cĩ Nyekuci, hĩnĩngĩtĩ thooꞌthiok ꞌcĩg abathĩ baag hammũdaanna naaga. Baa agayyu niig buúk jurrung ngaatĩ hatĩ haccananiini naaga.

1 Tẽꞌthaloonika 4:15

Hĩcĩ aduha thõõth cĩ Makayyiookto, haduhaakuung naag ngagiit hanneekuung, naag ꞌcĩg nga harũgĩ ĩꞌthõng kõr ꞌcĩ õbõdaanĩ Makayyioohiti ho, aitiõõ hatĩ hõllõngaa huwwattẽẽkĩ ꞌgoonogeet baag adaahito ẽlẽk.

1 Tẽꞌthaloonika 5:2

hĩnĩngĩtĩ agayyu niig buúk jurrung ainnu, adhukiaakeet hatĩ kõrra ꞌcĩ õbõdaanĩ Makayyioohiti hĩ gõõng anĩhaakeet igorriaahiti baal.

2 Tẽꞌthaloonika 2:15

Nẽẽthĩ, ꞌgotoonoga hĩ ngoonoga, ĩnõõ ꞌcĩ hanneekuung, ĩbĩlĩt okomit nẽ uꞌthuuttu thooꞌthiok baag hallimaneekuung naag jurrung, hode haduhaakuung ũtũũgaa hode hẽhẽẽdakuung waragaawa.

2 Tẽꞌthaloonika 3:17

Nẽ ꞌyioko, ꞌthaainit caannĩ ꞌcĩ heheedi naa Paaulo attiaa caannĩ cieeni. Gõõng heheedi waragẽẽt vẽlẽk hoti dtuurnatta, hátĩ agaac aĩ ĩĩn waragẽẽt cĩgannĩg dĩdĩ.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.