2 Tẽꞌthaloonika 2:10 - ꞌBuuk cĩ Thõõth cĩ Nyekuci

¹⁰ Aku hatĩ ĩggõõl nẽẽ eet cĩg iꞌngittõõthĩ, hĩnĩngĩtĩ thooꞌthiok cĩgĩnnĩg ꞌcĩg abathĩ. Uuk hatĩ Nyekuci eet ꞌcĩg ĩggõõl ꞌThĩttaanĩ ho, hĩnĩngĩtĩ baa abũrĩ nẽẽg ngaatĩ ammĩnanĩ thõõth ꞌcĩ ĩĩn dĩdĩ, ꞌcĩ occa baa aaꞌnyĩk Nyekuc hẽẽla ĩhõõggõ.

2 Tẽꞌthaloonika 2:10 ပူးပေါင်းရင်းမြစ်များ

Maatteeo 13:11

Ẽdẽcĩ Yeesu anneek, “Baa illimanoothihuung ngagiit thõõth ꞌcĩ ammiꞌthi cĩ habuccieet cĩ hẽẽtkujjieen nẽ baa nga hillimanoothĩk ĩhõõggõ.

Yõaannẽ 3:17

Baa hõllõngaa ĩꞌthõõa Nyekuci Ngeerĩnĩ loota nĩnga, hikia huuk eet cĩg looc nicci thõng, baa ĩꞌthõõa nẽẽ ĩnõõnnõ hikia hẽẽla ĩhõõggõ thõng.

Yõaannẽ 5:34

Hõllõngaa haallahi naa thooꞌthiok ꞌcĩg õthõõꞌtha eeta nganĩĩta, haduhaakuung naa thooꞌthiok iccig, hátĩ eellia niiga.

ꞌRooma 10:1

ꞌGotoonoga hĩ ngoonoga, abũraneek nganĩĩt ꞌthĩnĩt nẽ hala naa Nyekuc, hátĩ horoong heellia eeta cĩg Ĩꞌthĩraẽlĩ.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

1 Korinthia 1:18

Hĩnĩngĩtĩ ĩĩn nyeemuut cĩ hurucceeo ꞌgiithẽnĩt hĩ eet ꞌcĩg hatĩ adaahĩ, nẽẽthĩ, hĩ ngagĩĩt ꞌcĩg heelliaa ho, ĩĩn ꞌtirrian cĩ Nyekuci.

1 Korinthia 16:22

Má hõllõngaa ammĩnan eet umwaa Makayyioohit, ĩccĩĩnĩ nẽẽ ẽlẽk. Anneek baaĩ nuun Makayyioohit ijjia!

2 Korinthia 11:13

Ĩĩn eeta ꞌcĩg aattĩg noho ꞌthooyyiak ꞌcĩg hõllõngaa ĩĩn dĩdĩ, oolongeekeet aĩ hĩĩgĩnna ꞌthooyyiak cĩg Krĩstõ.

2 Korinthia 11:15

Nẽẽthĩ hoti ho, aitiõõ hõllõngaa hakuleek ꞌjieen, hatĩ má iggoolleet ꞌThĩttaanĩ ngagĩĩt ngaatĩ õõlõngĩ dticcianniooha cĩgĩnnĩg aattiyyi hĩ dticcianniooha ꞌcĩg abũnnaa. Ammũda hatĩ nẽẽg ꞌgii ꞌcĩ adiim dtiici cĩnĩĩng ko kõr umwa.

2 Korinthia 2:15

Hĩnĩngĩtĩ haattĩg naag hĩ mõhõõkac ꞌcĩ õꞌngõlĩ ẽmmẽdĩ ꞌcĩ õkõ aaꞌnyĩk Krĩstõ Nyekuc, ꞌcĩ ĩꞌthanothoothĩk eet baag eelliaa hĩ eet baag õbõktĩ adaahito.

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

1 Tẽꞌthaloonika 2:16

Alaammeet nẽẽg ngagĩĩt ngaatĩ hallimaneeka eet ꞌcĩg hõllõngaa ĩĩn ꞌJudeei thõõth cĩ Krĩstõ, hátĩ heellia nẽẽgĩ. Nẽ ꞌgõõlaa cĩ, aalla eeta cĩg ꞌJudeei ꞌcĩg hõllõngaa ĩĩn lemmiook cĩg Yeesu, ittoorothi ꞌthẽccanẽẽt cĩggĩĩng noho. Nĩngĩtĩ hatĩ aku alĩĩlĩkĩ Nyekuci ĩhõõggõ uruta.

2 Tẽꞌthaloonika 2:12

Uuk hatĩ Nyekuci ĩhõõggõ vẽlẽk, hĩnĩngĩtĩ ẽlẽmĩ nẽẽg thõõth ꞌcĩ hõllõngaa ĩĩn dĩdĩ nẽ accamatta ꞌthẽccan.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

1 Timotteeo 2:4

Adiim Nyekuci eet vẽlẽk heellia, hátĩ hiita hagaacõ thõõth ꞌcĩ ĩĩn dĩdĩ.

Ebereei 3:13

Eellio nyaagwaana hõdõõkõthĩ hĩcĩ ꞌyioko adukiaakeet kõr nicci ho, hátĩ hiittiõõ ẽẽtĩ ꞌcĩ hatĩ ĩggõõl ꞌthẽccanĩ nẽ õkõm ngaatĩ athĩknĩ thõõth cĩ Nyekuci tõõ.

2 Pẽẽtũrũ 2:12

Aattĩg ꞌlimmanniooha cieeg ĩĩn oloꞌngiaak ko hĩ idiꞌngwaana cĩg moru ꞌcĩg aitiõõ muhẽẽnĩtĩ tõõ, ꞌcĩg arrittiaa, hátĩ hagamtĩ nẽ urugti thõng. Õthõõth nẽẽg thooꞌthiok ꞌcĩg abathĩ ꞌcĩg hõllõngaa aga buúk. Nẽẽthĩ, aduheek hatĩ ĩhõõggõ dtiicanĩ cĩggĩĩng ꞌcĩg abathĩ ho ẽmmẽn hĩĩtõ ꞌthĩĩ.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.