2 Tẽꞌthaloonika 1:9 - ꞌBuuk cĩ Thõõth cĩ Nyekuci

⁹ Uuk hatĩ Nyekuci ĩhõõggõ nẽ aaꞌnyĩk haccanattĩ ooo, nẽ hatĩ ũꞌnyũũgtothoothĩk nẽẽg battaala hĩĩtõ ꞌrẽẽttĩg hĩ Makayyioohit, hiittiõõ hõllõngaa acĩn ĩnõõnnõ hĩ bulẽẽnĩt hĩ ꞌtirrian cĩnnĩ.

2 Tẽꞌthaloonika 1:9 ပူးပေါင်းရင်းမြစ်များ

ꞌThianaattõ 3:8

Ma ꞌjiaatĩn niccia, ĩthĩhĩt nẽẽg Makayyioohit Nyekuc ngaatĩ õvvõõĩ manatõõ tõõ nẽ itieelli ĩnõõnnõ gẽrrẽẽt, nĩngĩtĩ õõ aguꞌthẽẽnĩ hẽẽnĩtõõ.

ꞌThianaattõ 4:16

Nĩngĩtĩ ũũnnĩkĩ Kaiino Makayyioohit nẽ ũũk aau looccaa ꞌcĩ haĩ Nood, looc ꞌcĩ aaĩ ĩĩcĩ uruto cĩ Ẽẽdẽnĩ.

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 22:13

“Nĩngĩtĩ annẽẽkĩ habuui dticcianniook cĩgĩnnĩg, ‘Ecebit ĩnõõnnõ athĩn hĩ ꞌthoo vẽlẽk nẽ udhukteehu ĩnõõnnõ battaala muguratõõ, ngaatĩ hatĩ arruuẽnĩ nẽ adak nyĩgĩt cĩgĩnnĩg huciitha.’

Maatteeo 24:30

“Ma urutaa cĩnnĩ vẽlẽk, edeeꞌnyia hatĩ terethiiniti hẽẽtahujjieen, ꞌcĩ akuuni Ngeertĩ Eeto, hutullẽẽcõ loonyini vẽlẽk cĩg lootu. Edeenyothi hatĩ nẽẽg Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

Maatteeo 26:24

Adaahĩ hatĩ Ngeertĩ Eeto hĩ baa aduha ꞌBuuhi cĩ Nyekuci. Nẽẽthĩ, appĩĩrna hatĩ ẽẽtĩ ꞌcĩ õhõppõõcan Ngeertĩ Eeto ho gẽrrẽẽt! Occa baa mẽẽn hĩ ĩnõõnnõ ngaatĩ hõllõngaa arrittiaanĩ.”

Maatteeo 7:23

Nẽẽthĩ, haduhaahi hatĩ naa ĩhõõggõ cũrũmũũm hanneehi, ‘Hõllõngaa hagayyuung naa ngagiit ũdũt. Ammanyattĩ ngaati, niig eeta ꞌcĩg adĩmannu thooꞌthiok ꞌcĩg abathĩ dtẽc ko!’

ꞌLuuka 13:27

“Nẽẽthĩ, ẽdẽcĩ hinnia hatĩ nẽẽ aĩ, ‘Hõlõ, hõllõngaa hagayyuung naa ngagiit hĩ looc ꞌcĩ auunnu. Ammanyattĩ muumaa caannĩ, niig eeta baag gõõng adĩmannu ꞌthẽccanẽẽt ko!’

Yõaannẽ 5:14

Ma baa urutaa cĩnnĩ, ũmmũdaak Yeesu eet nicci ꞌCieethaa cĩ Nyekuci nẽ ĩĩnnĩk, “Cĩĩn nõõ, ũbũnauu thĩ ꞌyioko niina. Ma nga hadĩmani ꞌthẽccan nẽ hatĩ õbõdaahi bathi ꞌcĩ ĩllõõan baa oou.”

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

1 Tẽꞌthaloonika 5:3

Ma ammuk eeta aĩ, “Haattiyyia lõꞌngõõc ꞌlẽẽmĩtha,” adhukiaak hinnia hatĩ pĩĩrnanĩtĩ ꞌcĩ ĩꞌthaan ĩhõõggõ haau hĩ gõõng alubaak ngaa huciithi ꞌcĩ atturi ꞌgoonnia. Nẽ aitiõõ hatĩ nẽẽg hõllõngaa alĩĩta.

2 Tẽꞌthaloonika 2:8

Nẽ ma edeeꞌnyia ẽẽtĩ ꞌcĩ abũrĩ thõõth cĩ Nyekuci ho, aruk hatĩ Makayyioohiti Yeesu ĩnõõnnõ ꞌlaũhẽẽnnĩĩ cĩgĩnnĩg nẽ tarĩ, uruk bulẽẽttaa ꞌcĩ õbõdaanĩ nẽẽnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

2 Pẽẽtũrũ 2:17

Aattĩg eeta cieeg hĩ hẽbẽrĩ cĩg hidiowwaak ꞌcĩg odohohit vẽr nẽ tarĩ, aauto hĩ diiꞌthioha ꞌcĩg uuhan ngõõtĩ. Baa ũkũmanẽẽhĩ Nyekuci ĩhõõggõ nĩngĩtĩ ĩĩn muguur ꞌcĩ hollitup.

2 Pẽẽtũrũ 3:7

Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 20:14

Ma ngaati, udhuheek Nyekuci daahĩth hĩ looc cĩ daakiahu ꞌgelemtaa cĩ ꞌgwoo ꞌcĩ aalla ooo. Nẽ bũlũc cĩ ꞌgwoyyio ho, ĩĩn daahĩth ꞌcĩ uruto.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.