2 Tẽꞌthaloonika 1:8 - ꞌBuuk cĩ Thõõth cĩ Nyekuci

⁸ ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

2 Tẽꞌthaloonika 1:8 ပူးပေါင်းရင်းမြစ်များ

ꞌThianaattõ 3:24

Ma baa iiggia Makayyioohiti Nyekuci ĩhõõggõ manaa cĩ Ẽẽdẽnĩ ho, ikia uduhaak aajĩlẽẽt ũgĩ hebehit mana nicci nẽ eꞌngeyyiõõĩ nyetuboot ꞌcĩ alanyĩt, halaamtĩ eet ꞌcĩg au adiim aduk hẽẽt ꞌcĩ rũgẽtõ ho.

Luugithõõ 5:2

Ẽdẽcĩ hinnia habuui cĩ Ijjibi aĩ, “Makayyioohit iina ꞌcĩ occa hathihi naa nẽ halahaneeha eet cĩg Ĩꞌthĩraẽlĩ hõõt ko? Ẽrẽka nganĩĩt Makayyioohiti tĩho nẽ hõllõngaa hẽlẽmaakĩ eet cĩg Ĩꞌthĩraẽlĩ hõõt.”

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

Yõaannẽ 3:19

“Ikia lanyit loota nĩnga ẽlẽk nẽ eeta ꞌcĩg adĩman thooꞌthiok ꞌcĩg abathĩ, etteeddiothoothĩk thooꞌthioha ꞌcĩg abathĩ ĩhõõggõ ẽlẽk, hĩnĩngĩtĩ ammĩnan nẽẽg muguur hĩllõõan lanyit.

Yõaannẽ 8:19

Nĩngĩtĩ ajini Variꞌtheei Yeesu annẽẽkĩ, “Aaĩ maaꞌnyu ĩĩna?” Ẽdẽcĩ Yeesu ĩhõõggõ anneek, “Aitiõõ niig hõllõngaa agayyaangu nganĩĩta, hode agayyu Baaba. Má agayyaangu, occa ꞌyioko agayyu Baaba buúk.”

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

ꞌRooma 1:28

Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 10:16

Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 15:18

Nẽ dĩdĩ thõõth ꞌcĩ hatĩ hothoothi naa vẽlẽk, hothoothi ꞌgõõlaa ꞌcĩ aaꞌnya Krĩstõ hõthõõth nẽ hidticanõõĩ, hátĩ hĩthĩhĩt eeta ꞌcĩg hõllõngaa ĩĩn ꞌJudeei Nyekuc.

ꞌRooma 16:26

Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ.

ꞌRooma 6:16

Hõllõngaa agayyu niig ngaatĩ iiginnu appahacaaꞌnya cĩg hẽlẽggĩ ꞌcĩg athiknu niiga? Occa iiginnu niig appahacaaꞌnya cĩg ꞌthẽccaanak nẽ adaaktu, hode occa iiginnu appahacaaꞌnya ꞌcĩg athiknu Nyekuc, ꞌcĩ hatĩ aaꞌnyuung ngagiit ũbũttaath rũgẽtaa cunuung.

1 Korinthia 15:34

Udtuukta thõõth ꞌcĩ abathĩ nẽ ibillu ꞌthẽccan, hĩnĩngĩtĩ aattĩg eeta ũgẽẽgĩ hõrggẽẽnaa cunuung, ꞌcĩg nga hagaacõ thõõth cĩ Nyekuci. Haduha naa thõõth icci, hátĩ haggamuung ngagiit ngaaoni.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 4:8

Baa hũnũũk, baa nga agaac niig Nyekuc, baa nga iiginnu niig appahacaaꞌnya cĩg hẽlẽggĩ ꞌcĩg aar eeta hĩĩtõ nyekuꞌnya.

1 Tẽꞌthaloonika 4:5

Ma hiigginnu appahacaaꞌnya cĩg thooꞌthiok ꞌcĩg abũraneeku niiga, hĩ eeta ꞌcĩg hõllõngaa aga Nyekuc.

Ebereei 10:27

Hitingolli naag thõõth ꞌcĩ etteedini thooꞌthioha dioo, hĩ ꞌgwoo ꞌcĩ hatĩ atũũth mĩrõk ꞌcĩg aharrieek Nyekuc.

Ebereei 10:30

Hĩnĩngĩtĩ haga naag Nyekuc baa aduha aĩ, “Nganĩĩt Nyekuc, ꞌcĩ occa haruha oolo.” Nẽ tarĩ uduha ĩĩ, “Ẽttẽẽd hatĩ Makayyioohiti thooꞌthiok cĩg eet cĩgĩnnĩg.”

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 12:29

Hĩnĩngĩtĩ, “Ĩĩn Nyekuci ꞌgwoo ꞌcĩ adũhan looc hĩĩ ꞌthĩĩ.”

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 3:6

Baa athĩhĩ Thaara Abũrahaamõ nẽ ũtũvvũ ĩnõõnnõ ĩnnĩk makayyioohit cĩnnĩ. Iiginnu niig lõhõlĩ cĩgĩnnĩg dĩdĩ, hatĩ adĩmannu thõõth ꞌcĩ aũlanĩ nẽ hõllõngaa iꞌngoliinnu thõõth umwa.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

2 Pẽẽtũrũ 3:7

Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 6:10

Ẽggẽrẽny nẽẽg moloohaa cobbi aĩ, “Makayyioohit ꞌcĩ elleemi nẽ iinu dĩdĩ, hõllõngaa aruha oolo, nẽ etteedu nẽ uuku eet baag arukeet ngagĩĩt thõng inni?”