2 Tẽꞌthaloonika 1:7 - ꞌBuuk cĩ Thõõth cĩ Nyekuci

⁷ nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

2 Tẽꞌthaloonika 1:7 ပူးပေါင်းရင်းမြစ်များ

Luugithõõ 19:18

Baa ammũt Muur cĩ ꞌThĩnaĩ ho bũrrẽtĩ, hĩnĩngĩtĩ baa alluuccia Makayyioohiti haau hĩ ꞌgwaa. Baa aburrut bũrrẽtĩ haau hĩ gõõng akannĩ eeta looc ꞌgwoo nẽ õtõmõ muur ꞌbuth,

Luugithõõ 3:2

Ma nĩngaata, uppwaannak aajĩlõ cĩ Makayyiookto Mũũꞌtha ꞌgwoyyiaa ꞌcĩ atũũth tumuth umwa. Baa adtuuha nẽẽ ꞌgwoo ngaatĩ aggamĩ tumuth nẽ hinnia hõllõngaa atũũthĩ buúk.

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

ꞌLuuka 16:25

“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

ꞌLuuka 17:30

“Aaĩ ꞌthẽk hatĩ hoti buúk kõr ꞌcĩ uppwaannanĩ Ngeertĩ Eeto.

Yõaannẽ 1:3

Baa ẽhẽnytaa hẽlẽggĩ vẽlẽk Thõõthaa nĩĩcĩ. Má baa hiittiõõ nẽẽ tõõ, aitiõõ baa ꞌgii ꞌcĩ ẽhẽnytaa tõõ.

Yõaannẽ 1:51

Ma nĩngaata, õthõõth Yeesu ĩĩ, “Haduhaakuung dĩdĩ, acinnu hatĩ hẽẽtkujjieen ngaatĩ abbuuhẽnĩ nẽ udtuuktau aajĩlẽẽt cĩg Nyekuci, ngaatĩ õtõdĩ nẽ ulluucciak Ngeertĩ Eeto.”

Dtiicanĩ cĩg ꞌThooyyiahu 1:11

Ma nĩngaata ijinit ꞌthooyyiak ĩĩttĩk, “Niig eeta cĩg ꞌGalileea, abillu nĩnga nẽ ĩcĩttoothu hẽẽtkujjieen inni? Yeesu ꞌcĩ acinnu niig odongi õkõ hẽẽtahujjieen ko, õbõda hatĩ ꞌgõõlaa nĩĩcĩ dioo ĩĩcĩ acinnu ꞌyioko niig odongiini õkõõĩ hẽẽtahujjieen ko.”

Dtiicanĩ cĩg ꞌThooyyiahu 3:19

Ũtũngteek ꞌthẽccanẽẽt nẽ elemtu Nyekuc, hátĩ hũtũngtoothĩk ꞌthẽccanẽẽta, hátĩ haaꞌnyuung Makayyioohiti ꞌyiomman,

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Korinthia 3:13

Nẽẽthĩ, kõr ꞌcĩ hatĩ ẽttẽẽdĩ Nyekuci thooꞌthiok, appulana hatĩ ꞌgwaa ꞌgõõl ꞌcĩ baa ehenytiini ẽẽtĩ. Ẽtẽrꞌtha hatĩ ꞌgwaa, hatĩ baa adtican ẽẽtĩ dtiic ꞌcĩ abũnnaa.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

Eevvetho 1:2

Halayyi naa, hátĩ hĩĩtõ Nyekuci Baangẽẽtĩ hĩ Makayyioohit cĩnaac Yeesu Krĩstõ, tarbalĩg hĩ ngagiit nẽ aggatattuung ngagiit ganõõna.

Kolooꞌthe 1:16

Hĩnĩngĩtĩ baa ẽhẽnytaa hẽlẽggĩ vẽlẽk Krĩstõa, hẽlẽggĩ cĩg hẽẽtkujjieen hĩ cĩg lootu, hẽlẽggĩ ꞌcĩg hacĩnĩ hĩ ꞌcĩg hõllõngaa hacĩnĩ, ꞌcĩg aattĩg hĩ habuẽẽta hode habuccieeꞌnya hode makayyiooha ꞌcĩg aggam looc hode ꞌcĩg aꞌnyak makaaꞌthĩt, baa ẽhẽnytaa hẽlẽggĩ vẽlẽk Krĩstõa hĩĩtõ cĩgĩnnĩg.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 10:27

Hitingolli naag thõõth ꞌcĩ etteedini thooꞌthioha dioo, hĩ ꞌgwoo ꞌcĩ hatĩ atũũth mĩrõk ꞌcĩg aharrieek Nyekuc.

Ebereei 12:29

Hĩnĩngĩtĩ, “Ĩĩn Nyekuci ꞌgwoo ꞌcĩ adũhan looc hĩĩ ꞌthĩĩ.”

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 4:9

Nẽẽthĩ, baa uduhaaheet Nyekuci ngagĩĩt ĩĩnnĩheet haaꞌnyuung hatĩ Kõr cĩ ꞌYiommaanõ, ꞌcĩ hatĩ hiyyiomanĩ naaga, tananga nga hikia kõrra tĩho.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.

2 Pẽẽtũrũ 3:7

Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.

Terethiinit 14:10

ahũd hatĩ nẽẽ viino ꞌcĩ adduuttiak battaali lĩĩlĩẽẽttaa cĩ Nyekuci. Accananni hatĩ nẽẽ ꞌgwoyyiatõõ ꞌcĩ aaburii padtahac, ẽbẽk Mĩꞌnyõõn hĩ aajĩlẽẽt cĩgĩnnĩg ꞌcĩg ẽllẽẽmĩth noho.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 21:4

Attũmũny hatĩ Nyekuci tilaalõ vẽlẽk hẽbẽrẽẽnnĩĩ cĩggĩĩng. Nẽ hatĩ iittiõõ ẽẽtĩ ꞌcĩ nga ommoꞌthi, hode accananni hode alu hode adaahĩ tarĩ tõõ, hĩnĩngĩtĩ iꞌngittõõthĩ hẽlẽggĩ cieeg baag oou ho vẽlẽk ũdũt.”

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 22:6

Nĩngĩtĩ anneeka aajĩlõ nẽẽ, “Ẽbẽan thooꞌthioha ꞌcĩg haduhaakii naa ho nẽ ĩĩn dĩdĩ nẽ aitiõõ ẽẽtĩ ꞌcĩ abũrĩ tõõ, Makayyioohit Nyekuc cĩ loriẽẽt cĩg põrõvẽtaaꞌnyanu diooni ꞌcĩ ĩꞌthõ aajĩlẽẽt cĩgĩnnĩg huduktaak dticcianniook cĩgĩnnĩg thooꞌthiok ꞌcĩg hatĩ au irkiꞌnyiaannĩ hĩdĩĩkoothong.”

Terethiinit 22:9

Anneeka hinnia nẽẽ, “Ma halayyaa nganĩĩta, laa Nyekuc, hĩĩnĩ naa dticciannioohit cĩ Nyekuci haaga hĩ nii buúk nẽ hĩĩnĩ dticciannioohit hĩ ꞌgotoonogu põrõvẽtaaꞌnya cĩgĩnnẽẽgĩ, hĩ eet vẽlẽk ꞌcĩg athĩhĩ nẽ elemit thõõth ꞌcĩ eheeddi ꞌbuuhaa cĩ ho.”

Terethiinit 6:11

Baa aanytĩhoothĩk eet ꞌcĩg urukti vẽlẽk ceremwaana ꞌcĩg õõrẽẽgĩ. Baa adukiaak ĩhõõggõ thõõth hiyyiomanit nõõ hĩdĩhĩdĩĩc, ĩꞌthõng hũttũbanoothĩk ꞌliimira cĩ ꞌgõtõõnõgĩ hĩ ngõõnõgĩ cĩggĩĩng, ꞌcĩg ĩĩn dticcianniook cĩg Yeesu ꞌcĩg hatĩ nga aruhi, ꞌcĩg nga hummuddioothĩk ĩhõõggõ.