2 Tẽꞌthaloonika 1:5 - ꞌBuuk cĩ Thõõth cĩ Nyekuci

⁵ Ĩĩn ciee vẽlẽk thõõth ꞌcĩ ẽtẽrꞌtha aĩ, aũlan thõõth ꞌcĩ ẽttẽẽd Nyekuci nẽ ũkũmaneehuung nẽẽ ngagiit eliitta, ngaatĩ othollu hĩ Nyekuc habuccieet cĩnnĩ, hĩnĩngĩtĩ ꞌcannan ꞌcĩ emmeeꞌthu niig ꞌyioko ho.

2 Tẽꞌthaloonika 1:5 ပူးပေါင်းရင်းမြစ်များ

ꞌLuuka 20:35

Aitiõõ eeta ꞌcĩg hatĩ arũgna daahĩtha hõllõngaa attihi,

ꞌLuuka 21:36

Aaut hõdõõkõthĩ dĩkĩĩm nẽ alayyioou, hátĩ horoong iliittia hẽlẽggĩ ꞌcĩg au nẽ, hátĩ horoong iita uuluyyu ngaatĩ abillu muumaa cĩ Ngeertĩ Eeto.”

Dtiicanĩ cĩg ꞌThooyyiahu 13:46

Nẽẽthĩ, baa ẽdẽcĩ Paaulo hĩ Baarnaba tõrõmẽẽꞌthĩta anneek, “Baa hadiimma naag hallimaneekuung ngagiit nyeemuut cĩ Nyekuci ĩĩcĩ oou, õõa ꞌcĩ nga hillimatteeha eet ũgĩ, aburru hinnia niig nyeemuut tĩho! Ĩko aburru rũgẽt ꞌcĩ aalla ooo. Nẽẽthĩ ꞌyioko, hoottia naag nyeemuut icci, hĩ eet ꞌcĩg hõllõngaa ĩĩn ꞌJudeei,

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Pilippi 1:28

ꞌgõõlaa ꞌcĩ hõllõngaa iꞌngoliinnu mĩrõk cugguung ũdũt. Ĩĩn ciee terethiinit hĩ ĩhõõggõ ꞌcĩ aĩ, aitiõõ hatĩ hõllõngaa ẽẽla Nyekuci ĩhõõggõ, ẽẽlannuung hatĩ nẽẽ ngagiita,

Kolooꞌthe 1:12

Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.

1 Tẽꞌthaloonika 2:14

Nẽẽthĩ hoti ho, ꞌgotoonoga hĩ ngoonoga, baa accanattuung ngagiit eeta cĩg looc cunuung ẽmmẽn. ꞌGõõlaa cĩ, ĩyahiꞌthu niig lothippiꞌnya cĩg lemmiook cĩg Nyekuci looccaa cĩ ꞌJudeea, baag accanan ꞌJudeei cĩggĩĩng ẽmmẽn, hĩnĩngĩtĩ ẽlẽmĩ nẽẽg Yeesu Krĩstõ.

2 Tẽꞌthaloonika 1:11

Ĩnõõ ꞌcĩ halaiinnuung naag ngagiit hõdõõkõthĩ haĩnna, aꞌnyĩĩk Nyekuc haaꞌnyuung eet baag ẽbẽraauung nẽẽ ẽlẽk ko, uꞌthuutti thõõth cĩnnĩ authetaa ꞌcĩ aattiyyu. Aꞌnyĩĩk ĩnõõnnõ heeluung ngagiit ꞌtirriaanaa cĩnnĩ ũbũttaath nẽ elemtu thõõth cĩnnĩ.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.

Terethiinit 15:4

Makayyioohit, nganĩ occa ꞌcĩ hõllõngaa iꞌngoliinni nganiit nẽ ubuluth ꞌthaar cugunnig? Hĩnĩngĩtĩ nganiit dioo ꞌcĩ elleemi. Au hatĩ eeta cĩg loonyin vẽlẽk alayyi nganiita, hĩnĩngĩtĩ ẽdẽẽnyta dtiicanĩ cugunnig ꞌcĩg ẽllẽẽmĩth ko ẽlẽk.”

Terethiinit 16:7

Nẽ hĩthĩha molook altaarĩa ꞌcĩ õthõõth aĩ, “Eei, Makayyioohit Nyekuc ꞌTirriannioohit ꞌcĩ ĩllõõan vẽlẽk, etteedi nii thooꞌthiok jurrung ꞌgõõlaa ꞌcĩ aũlanĩ.”

Terethiinit 19:2

etteedi nii thooꞌthiok ꞌgõõlaa ꞌcĩ aũlan dĩdĩ, hĩnĩngĩtĩ uuku nii ngaa baa ĩĩn ꞌwaaꞌngiahit ꞌcĩ ẽꞌthẽcan looc ꞌwaangĩꞌthẽẽta hĩ ngaaoniitta. Etteedi nii thõõth cĩnnĩ nẽ aaꞌnyĩhuu hũdũman dticcianniook cugunnig baag aruk nẽẽnĩ.”

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.