2 Tẽꞌthaloonika 1:10 - ꞌBuuk cĩ Thõõth cĩ Nyekuci

¹⁰ Ma õbõda Yeesu kõr niccia, abuluth hatĩ nẽ ĩdĩhĩthĩt ĩnõõnnõ eeta cĩgĩnnĩg ꞌcĩg ẽllẽẽmĩthĩ. Aattiyyu hatĩ niig buúk tõõ kõr tĩho, hĩnĩngĩtĩ elemtu niig thõõth cĩnnĩ baa hallimaneekuung naaga.

2 Tẽꞌthaloonika 1:10 ပူးပေါင်းရင်းမြစ်များ

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 24:36

“Hiꞌthihi eet ꞌcĩ aga kõr hode ꞌthaa ꞌcĩ hatĩ akuuni thõõth cieeni, tananga aajĩlẽẽta cĩg hẽẽtkujjieen hĩ Ngeertĩ Eeto buúk, hõllõngaa aga thõõth icci, Maaꞌnyĩ dioo ꞌcĩ aga.

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 7:22

Kõr ꞌcĩ hatĩ etteedini thooꞌthioha, mẽẽlĩg hatĩ eeta ꞌcĩg aũũyya nganĩĩt anneeka, ‘Makayyioohit, Makayyioohit, ma baa tarĩ hirrioonĩka eet ꞌthaarĩĩ cugunnig, hiiggiayyia loriẽẽt ꞌcĩg abathĩ nẽ hidticatta thooꞌthiok ꞌcĩg mẽẽlĩg ꞌcĩg ĩnaat eeta?’

ꞌLuuka 10:12

Haduhaakuunga, mẽẽttĩg hatĩ eeta cĩg ꞌThõõdõmĩ kõr ꞌcĩ ẽttẽẽdĩkĩ Nyekuci eet vẽlẽk thõõth, hĩllõõan eet cĩg ꞌtaaũn tĩho.”

Yõaannẽ 11:4

Ma baa athĩhĩ Yeesu nyeemuut icci ho, ikia õthõõth ĩĩ, “Aitiõõ hatĩ mõõrĩthĩ ciee hõllõngaa adtuurnik daahĩtha dioo. Ĩĩn hatĩ bulẽẽnĩt cĩ Nyekuci, hátĩ hubuluthi Ngeerĩnĩ daahĩtha nĩĩcĩ.”

Yõaannẽ 17:10

Nẽ eeta vẽlẽk ꞌcĩg haꞌnyahi naana, ĩĩn cugunnig nẽ ꞌcĩg aꞌnyahi niina, ĩĩn cĩgannĩg. Nẽ ikia bulẽẽnĩtĩ hĩ nganĩĩt, hĩnĩngĩtĩ ĩhõõggõ.

1 Korinthia 1:6

Nẽẽthĩ ꞌyioko, iita agayyu niig ngaatĩ ĩĩnnĩ thõõth baa haduhaakuung naag ngagiit vẽlẽk dĩdĩ, hĩnĩngĩtĩ Makayyioohit cĩnaac Yeesu Krĩstõ.

1 Korinthia 3:13

Nẽẽthĩ, kõr ꞌcĩ hatĩ ẽttẽẽdĩ Nyekuci thooꞌthiok, appulana hatĩ ꞌgwaa ꞌgõõl ꞌcĩ baa ehenytiini ẽẽtĩ. Ẽtẽrꞌtha hatĩ ꞌgwaa, hatĩ baa adtican ẽẽtĩ dtiic ꞌcĩ abũnnaa.

ꞌGalaaꞌthia 1:24

Nĩngĩtĩ au adĩkꞌthĩ nẽẽg Nyekuc, hĩnĩngĩtĩ nganĩĩta.

Eevvetho 1:12

Baa adĩman nẽẽ hoti, hátĩ hidihiꞌthia naag ꞌJudeei ĩnõõnnõ, hitimatta ngaatĩ haꞌnyaka muhẽẽnĩt ꞌcĩ abũnnaa hĩ Krĩstõ.

Eevvetho 1:14

Aaꞌnyeet Lorii ꞌcĩ Ẽllẽẽmĩth ngagĩĩt buúk hagaac hĩĩtõ, hammũda hatĩ naag thooꞌthiok vẽlẽk ꞌcĩg itiangꞌtheek Nyekuci eet cĩgĩnnĩg. Nẽẽthĩ hatĩ heellia naaga, hátĩ hĩdĩhĩthĩ Nyekuci, hĩnĩngĩtĩ bulẽẽnĩt cĩnnĩ.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 1:6

Baa tarbal nẽẽ gẽrrẽẽt hĩ ngagĩĩt, ngaatĩ aaꞌnyeet Ngeerĩnĩ ꞌcĩ ammĩnan nẽẽ gẽrrẽẽt, nẽẽthĩ hoti ho, occa hadĩhĩth naag Nyekuc.

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Eevvetho 3:10

Baa tabiinit cĩ Nyekuci vẽlẽk ꞌcĩ baa adticaniini nẽẽ lothippit cĩ lemmioohu, hẽtẽrẽthaak ꞌgẽẽnyĩth cĩnnĩ ꞌcĩ aaĩ cũũmõ cũũmõ, makayyiook hĩ habuẽẽt ꞌcĩg hõllõngaa edeeꞌnyia ꞌcĩg aggam hẽẽtkujjieen.

Eevvetho 3:16

Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Tẽꞌthaloonika 2:1

ꞌGotoonoga hĩ ngoonoga, baa agayyu niig aĩ, baa hõllõngaa hẽhẽẽrõnaakuung naag ngagiit haaga.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

2 Tẽꞌthaloonika 1:12

Halaiinna naag haĩnna aꞌnyĩĩk ꞌthaar cĩg Makayyioohit Yeesu hubuluꞌthi hĩ ngagiita nẽ aꞌnyaktaau niig buúk bulẽẽnĩt cunuung hĩ ĩnõõnnõ, hĩnĩngĩtĩ tarbalꞌthẽẽt cĩ Nyekuci, hĩ cĩ Makayyioohit cĩnaac Yeesu Krĩstõ.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

2 Timotteeo 1:18

Aꞌnyĩĩk Makayyioohit Yeesu Krĩstõ hatamaatĩk ĩnõõnnõ, kõr ꞌcĩ hatĩ ẽttẽẽdĩ nẽẽ thooꞌthiok cĩg lootu. Aga nii buúk gẽrrẽẽt, ngaatĩ baa ẽẽlla nẽẽ nganĩĩt ꞌgoolliohĩĩ ꞌcĩg mẽẽlĩg, baa haaĩ ꞌtaaũnaa cĩ Eevvetho.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.