2 Pẽẽtũrũ 3:9 - ꞌBuuk cĩ Thõõth cĩ Nyekuci

⁹ Hõllõngaa iidoceek Makayyioohiti ngaatĩ adĩmanĩ thõõth baa aduha nẽẽnĩ, hĩcĩ ammuk eeta ũgẽẽgĩ. Maka ꞌthĩnĩt cĩ Makayyiookto hĩ ngagiita, ngaatĩ hõllõngaa adiimi eet umwa hadaak, adiim nẽẽ eet vẽlẽk hũtũngteek ꞌthẽccanẽẽt cĩggĩĩng.

2 Pẽẽtũrũ 3:9 ပူးပေါင်းရင်းမြစ်များ

Luugithõõ 18:23

Má anũ nii tilooinit icci nẽ má aduhaaki Nyekuci nganiit dĩman noho, emmeethi thĩ hatĩ thooꞌthiok ꞌcĩg ommogeeki eeta ho nẽ hatĩ õõt eeta cieeg vẽlẽk õlõ lõꞌngõõc.”

ꞌRooma 13:11

Agayyu niig korriook iigia ꞌcĩg haattiyyi naag ko, nẽẽthĩ hoti ho, adiim occa aattiyyu jurrung. Ma hattumaniinnu, hĩnĩngĩtĩ agayyu niig õbõhĩ kõrra ꞌcĩ hatĩ heellianĩ naaga, hĩllõõan korriook baag hẽlẽmmĩ naag Makayyioohit.

ꞌRooma 13:12

Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita.

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

ꞌRooma 9:22

Baa adiim Nyekuci ẽtẽrꞌtha liilii cĩnnĩ nẽ ẽdẽẽnya ꞌtirrian cĩnnĩ hĩ eet vẽlẽk ꞌcĩg occa adiim aruhi. Nẽẽthĩ hinnianĩ, baa ẽmmẽẽthĩ nẽẽ ĩhõõggõ.

1 Timotteeo 1:16

Nẽẽthĩ hinnia, baa aalla Nyekuci ammaannĩkaa nganĩĩt ꞌthẽccannioohit ꞌcĩ habathi noho, aĩ hátĩ hẽtẽrẽth eet ngaatĩ ẽmmẽẽꞌthĩ Yeesu Krĩstõ thooꞌthiok ooo nẽ iita elemit eeta ĩnõõnnõ, hátĩ hummuddia rũgẽt ꞌcĩ aalla ooo.

1 Timotteeo 2:4

Adiim Nyekuci eet vẽlẽk heellia, hátĩ hiita hagaacõ thõõth ꞌcĩ ĩĩn dĩdĩ.

Ebereei 10:37

Hĩnĩngĩtĩ, “Õbõhĩ ikia ẽẽtĩ ꞌcĩ hatĩ aku nẽ hõllõngaa hatĩ aayyiaa ĩꞌthõng.

1 Pẽẽtũrũ 3:20

loriẽẽt cĩg eet baag hõllõngaa athĩhĩ Nyekuc baangaani, baa ẽrẽ Nyekuci hũtũngteek ꞌthẽccanẽẽt cĩggĩĩng waathinnioohĩĩ baag nga ẽhẽnytĩ Nõõa haahũl thõng. Baa eet turkiyyio thõng, ꞌcĩg baag eelliaa tawaanaa ĩbaa maka gẽrrẽẽt.

2 Pẽẽtũrũ 1:4

Nẽ hĩnĩngĩtĩ bulẽẽnĩt hĩ bũnnai ꞌcĩ ẽllẽẽmĩth gẽrrẽẽt ko, ikia uduhaaheet nẽẽ ngagĩĩt thooꞌthiok ꞌcĩg obbitig ꞌcĩg tiirik. Adukiaa thooꞌthioha cieeg, hátĩ haanytuung ngagiit otholit authet cĩnnĩ nẽ iliittiau thooꞌthiok ꞌcĩg abathĩ cĩg looc nicci, ꞌcĩg ĩkõõtha thooꞌthioha ꞌcĩg abathĩ ꞌcĩg abũraneek eeta.

2 Pẽẽtũrũ 3:15

Má hataarroꞌthu ngaatĩ ereeini Makayyioohiti, hĩnĩngĩtĩ adiim nẽẽ eet vẽlẽk heellia. Thõõth baa aduha ꞌgõtõõnẽẽtĩ cĩnaac Paaulo buúk ciee, baa ẽhẽẽdakuung waraga ꞌgẽẽnyĩthaa baa aaꞌnyĩk Nyekuci ĩnõõnnõ.

Terethiinit 2:21

Haaꞌnyĩha naa ĩnõõnnõ kõr ꞌcĩ ũũnnĩkĩ ꞌthẽccanẽẽt cĩgĩnnĩg ꞌcĩg adĩmani ꞌwaangĩꞌthẽẽt ko nẽ aitiõõ hinnia hõllõngaa adiim ũũnnĩk nẽẽ thooꞌthiok cĩgĩnnĩg ꞌcĩg ĩĩn ꞌriiring ko buúk.