2 Pẽẽtũrũ 3:7 - ꞌBuuk cĩ Thõõth cĩ Nyekuci

⁷ Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.

2 Pẽẽtũrũ 3:7 ပူးပေါင်းရင်းမြစ်များ

Maatteeo 10:15

Haduhaakuung dĩdĩ, mẽẽn hatĩ ukẽẽnĩtĩ cĩ ꞌThõõdõmĩ hĩ ꞌGõmõõra kõr cĩ decciaanĩt cĩ lootu, hĩllõõan ukẽẽnĩt cĩ ꞌtaaũn tĩho.

Maatteeo 11:22

Nẽẽthĩ haduhaakuunga, mẽẽn hatĩ ukẽẽnĩtĩ cĩ Nyekuci kõr cĩ decciaanĩt cĩ lootu, hĩ eet cĩg ꞌtaaũn cĩ ꞌTire hĩ cĩg ꞌThidõõnẽ hĩllõõan cunuung.

Maatteeo 11:24

Nẽẽthĩ haduhaakuunga, mẽẽn hatĩ ukẽẽnĩtĩ cĩ Nyekuci kõr cĩ decciaanĩt cĩ lootu hĩ eet cĩg ꞌThõõdõmĩ hĩllõõan cunuung.”

Maatteeo 12:36

Haduhaakuung naa ngagiita, kõr cĩ decciaanĩt cĩ lootu, etteedothoothĩk hatĩ eet hõdẽĩ hõdẽĩ thooꞌthioha ꞌcĩg baag aduha nẽẽg tahatak.

Maatteeo 24:35

Edecciaa hatĩ hẽẽtkujjieen hĩ looc nẽ thõõth caannĩ ho, aitiõõ hatĩ hõllõngaa edecciaa ũdũt.

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maarko 6:11

Nẽ má hõllõngaa elemmuung eeta õlõõ ꞌcĩ uppwannothoothiku ho nẽ hõllõngaa athiknuunga, ũtũngteek eet nicciag nẽ utuddungteehu tuduhaac cĩ ꞌthoo cugguung nĩngaata, hátĩ hĩĩ terethiinit cĩ bathi cĩnĩĩng.”

Yõaannẽ 12:48

Aaĩ ꞌgaadĩ ꞌcĩ hatĩ ẽttẽẽd thõõth cĩ eet ꞌcĩ abũrra nganĩĩta nẽ ũtũbũr ꞌlimman caannĩ. Ẽttẽẽd hatĩ thõõth ciee hothoothi naa ho thõõth cĩnnĩ, kõr cĩ decciaanĩt cĩ lootu.

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.

1 Korinthia 3:13

Nẽẽthĩ, kõr ꞌcĩ hatĩ ẽttẽẽdĩ Nyekuci thooꞌthiok, appulana hatĩ ꞌgwaa ꞌgõõl ꞌcĩ baa ehenytiini ẽẽtĩ. Ẽtẽrꞌtha hatĩ ꞌgwaa, hatĩ baa adtican ẽẽtĩ dtiic ꞌcĩ abũnnaa.

Pilippi 1:28

ꞌgõõlaa ꞌcĩ hõllõngaa iꞌngoliinnu mĩrõk cugguung ũdũt. Ĩĩn ciee terethiinit hĩ ĩhõõggõ ꞌcĩ aĩ, aitiõõ hatĩ hõllõngaa ẽẽla Nyekuci ĩhõõggõ, ẽẽlannuung hatĩ nẽẽ ngagiita,

2 Tẽꞌthaloonika 2:3

Ma haaꞌnyiku eet umwa higgooluung ũdũt, hĩnĩngĩtĩ hõllõngaa hatĩ aku kõrra niccia nga hedeeꞌnyia jõrẽẽĩ. Nẽ tarĩ hõllõngaa aku kõrra niccia nga hedeeꞌnyia ẽẽtĩ ꞌcĩ abũrĩ thõõth cĩ Nyekuci, nẽẽthĩ, eet ꞌcĩ hatĩ aruk Nyekuci ho niccia.

1 Timotteeo 6:9

Eeta ꞌcĩg adiim baliinit, adhuhoothĩk nẽẽg ꞌtĩmman, ꞌgõõlaa ꞌcĩ ẽdẽtĩ ĩhõõggõ thooꞌthioha ꞌcĩg abathĩ ꞌcĩg abũraneek nẽẽg, ꞌcĩg aaꞌnyĩk ĩhõõggõ hẽꞌthẽcattĩ.

Ebereei 12:29

Hĩnĩngĩtĩ, “Ĩĩn Nyekuci ꞌgwoo ꞌcĩ adũhan looc hĩĩ ꞌthĩĩ.”

2 Pẽẽtũrũ 2:9

Nẽẽthĩ acinnu, aga Nyekuci ngaatĩ ẽẽlanĩ eet ꞌcĩg athĩhĩ thõõth cĩnnĩ thooꞌthiohĩĩ ꞌcĩg attĩmaniini nẽẽgĩ, tananga nga aaꞌnyĩk nẽẽ eet ꞌcĩg ĩĩn ꞌthẽccanniook haauto ukẽẽtta ĩꞌthõng kõr ꞌcĩ hatĩ etteedini thooꞌthioha.

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

2 Pẽẽtũrũ 3:12

hĩcĩ nga ereeyyu hikia kõrra ꞌcĩ akuuni Nyekuci nẽ ũbũratteek ngaatĩ occa akuuni hĩdĩĩkoothong. Kõr niccia, atũũth hatĩ nẽẽ hẽẽtkujjieen ꞌgwoyyia nẽ hatĩ obooyyi hẽlẽggĩ vẽlẽk abuurꞌtheta.

1 Yõaannẽ 4:17

Má hammĩnan naag eleeti cĩggaac dĩdĩ nẽ haauto hĩ baa aaĩ Yeesu loota nĩnga, hõllõngaa hatĩ hiꞌngolli kõr ꞌcĩ etteedini thooꞌthioha kõr cĩ decciaanĩt cĩ lootu.

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.

Terethiinit 17:11

Nẽ nyaharahaahĩ baa adtuuha nii arũgĩ nẽ ꞌyioko iꞌnginõõthĩ ho, ĩĩn habu ꞌcĩ ĩĩn turkiyyio, urutaa cĩ habuẽẽt ꞌcĩg ĩĩn tũkĩramma ho, aruhi hatĩ nẽẽ buúk, hiꞌnginõõthĩ haaga.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 21:1

Ma ngaati, hudtuuha hẽẽtkujjieen ꞌcĩ ĩĩn ngeju hĩ looc ꞌcĩ ĩĩn ngeju buúk, hĩnĩngĩtĩ baa iꞌngittõõthĩ hẽẽtkujjieen hĩ looc baag ũnũũhĩtõ. Nẽ iꞌnginõõthĩ bũlũc buúk.