2 Pẽẽtũrũ 3:3 - ꞌBuuk cĩ Thõõth cĩ Nyekuci

³ Ĩĩcĩ oou, abũnnaa agayyu ainnu, kõr cĩ decciaanĩt cĩ lootu, au hatĩ eeta ꞌcĩg arannuung ngagiit nẽ ũnnẽẽcõ thooꞌthiok ꞌcĩg abũraneek nẽẽgĩ.

2 Pẽẽtũrũ 3:3 ပူးပေါင်းရင်းမြစ်များ

Yõaannẽ 12:48

Aaĩ ꞌgaadĩ ꞌcĩ hatĩ ẽttẽẽd thõõth cĩ eet ꞌcĩ abũrra nganĩĩta nẽ ũtũbũr ꞌlimman caannĩ. Ẽttẽẽd hatĩ thõõth ciee hothoothi naa ho thõõth cĩnnĩ, kõr cĩ decciaanĩt cĩ lootu.

2 Korinthia 4:2

Nẽẽthĩ hinnianĩ, haharreeka naag thooꞌthiok ꞌcĩg adĩman eeta burkiitina ꞌcĩg ĩĩn ngaaoni. Nẽ hõllõngaa hĩggõõlla eet umwa, hode hõllõngaa hũũhũyya thõõth cĩ Nyekuci. Ĩĩn Nyekuci hebereec cĩnaang ꞌcĩ aga ngaatĩ hõthõõꞌtha naag thõõth ꞌcĩ ĩĩn dĩdĩ. Haduhaanna naag thõõth ꞌcĩ ĩĩn dĩdĩ muumaa cĩ Nyekuci nẽ aga eeta vẽlẽk ꞌcĩg aduha thõõth ꞌcĩ ĩĩn dĩdĩ, thõõth icci.

2 Timotteeo 3:1

Ẽlẽ Timotteeo, gaooth ĩĩ nẽẽ, õkõmĩ hatĩ authetĩ gẽrrẽẽt, korrioohĩĩ cĩg decciaanĩt cĩ lootu.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.

2 Pẽẽtũrũ 1:20

Nẽẽthĩ, adiim occa agayyu niig jurrung ainnu, aitiõõ ẽẽtĩ umwaa ꞌcĩ occa aga thõõth ꞌcĩ aduha põrõvẽtaaꞌnya ꞌBuuhaa cĩ Nyekuci ẽmmẽn tõõ.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.

1 Yõaannẽ 2:18

Niig lohollia cĩgannẽẽgĩ, korriook ꞌcĩg adtuurna cieegi. Baa ĩthĩktu niig aĩ uppwaanna hatĩ mirohiti cĩ Krĩstõ korrioohĩĩ cĩg, tananga ꞌyioko, uppwaatta mĩrõha cĩg Krĩstõ ꞌcĩg mẽẽlĩg ẽlẽk. Nẽ ꞌgõõl ꞌcĩ hagaĩ ngaatĩ ĩĩ korriook ꞌcĩg adtuurna ho cieegi.

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.

ꞌJuud 1:18

Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng.