2 Pẽẽtũrũ 3:17 - ꞌBuuk cĩ Thõõth cĩ Nyekuci

¹⁷ Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

2 Pẽẽtũrũ 3:17 ပူးပေါင်းရင်းမြစ်များ

Maatteeo 16:11

Nga thĩ agaac ꞌyioko ĩĩtõ, hõllõngaa hothoothi naa thõõth cĩ ũbũneetu? Ĩcĩnĩt abũũla cĩg Variꞌtheei hĩ cĩg Thadutheei jurrung!”

Maatteeo 16:6

Nẽ itilo Yeesu ĩhõõggõ ĩĩnnĩk, “Ĩcĩnĩt abũũla cĩg Variꞌtheei hĩ cĩg Thadutheei jurrung.”

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

Yõaannẽ 16:4

Haduhaakuung ꞌyioko naa ngagiit thõõth icci, hátĩ ma ikia kõrra niccia, ammuhooꞌthu hatĩ thõõth baa hiloottuung naa ngagiita.

Dtiicanĩ cĩg ꞌThooyyiahu 2:42

Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

ꞌGalaaꞌthia 5:4

Nẽ ma adiimmu niig hataluung Nyekuci ꞌgõõlaa ꞌcĩ anuyyu nyattal cĩ Mũũꞌtha, eꞌngerrioou niig hĩ bũnnai cĩ Krĩstõ ꞌcĩ ĩllõõan vẽlẽk.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

Pilippi 3:2

Ĩcĩnĩt eet ꞌcĩg aattĩg hĩ eeta ꞌcĩg hõllõngaa ĩĩn lemmiook hataa jurrung, ĩĩn nẽẽg ꞌthẽccanniook nẽ anneekuung adiim etteeddu eleeti, hátĩ eellia.

Kolooꞌthe 2:5

Tananga hĩĩnĩ naa ꞌrẽẽn hĩ ngagiita, haalla hammukuung ngagiit hõdõõkõthĩ. Nẽ hatali ngaatĩ hathĩknĩ aĩ, aattiyyu ꞌgõõlaa ꞌcĩ abũnnaa nẽ elemtu Krĩstõ komiitta.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

2 Timotteeo 4:15

Bẽẽk nii buúk ĩnõõnnõ muguruur, hĩnĩngĩtĩ ĩĩn nẽẽ eet ꞌcĩ arũhũũlana ngaatĩ ẽppẽhanĩ thõõth vẽlẽk ꞌcĩ halliman naag ko.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

1 Pẽẽtũrũ 5:9

Aꞌnyamanit ĩnõõnnõ nẽ okomtu lemiittaa cunuung, hĩnĩngĩtĩ agayyu niig ngaatĩ accananiini lemmiooha ũgẽẽgĩ buúk looc nicci vẽlẽk hĩ ꞌyioko niig ko.

2 Pẽẽtũrũ 2:7

Nẽ baa ẽẽla Nyekuci Loot buúk ꞌtaaũnaa cĩ ꞌThõõdõmĩ, hĩnĩngĩtĩ baa ĩĩn nẽẽ eet ꞌcĩ abũnnaa ꞌcĩ baa accanan thooꞌthioha ꞌcĩg abathĩ ꞌcĩg adĩman eeta ꞌcĩg abũrĩ nyattal, ꞌcĩg baag arũmĩ hĩ ĩnõõnnõ.

2 Pẽẽtũrũ 3:1

ꞌGotoonoga hĩ ngoonoga, waraga ꞌcĩ hẽhẽẽdakuung naa ngagiit ꞌcĩ ĩĩn ꞌramma cieeni. Hẽhẽẽdakuung, hátĩ hũkũtanuung haaꞌnyuung aꞌnyahit muhẽẽnĩt ꞌcĩ ĩĩn dĩdĩ.

Terethiinit 2:5

Ĩcĩnĩt nõõ, ĩĩ ꞌrẽẽn nĩngĩtĩ adhukiaannu niig gẽrrẽẽt! Oboddia hĩ nganĩĩta nẽ ĩdĩmattu thooꞌthiok baag adĩmannu baa ĩĩcĩ oou. Má hõllõngaa õbõdaannu, hakuu hatĩ hõkõõĩ ꞌthiihit cunuung ꞌcĩ aꞌnyak ꞌloomo ngaatĩ aayyi hataa nẽ hõbõdĩ.