2 Pẽẽtũrũ 3:16 - ꞌBuuk cĩ Thõõth cĩ Nyekuci

¹⁶ Õthõõth Paaulo thooꞌthiok iccig vẽlẽk waragẽẽtĩĩ cĩgĩnnĩg nẽ õkõmĩ thooꞌthioha ũgẽẽgĩ ꞌcĩg aduha nẽẽnĩ. Aruk eeta ũgẽẽgĩ ꞌcĩg aggiithi eleeti cĩggĩĩng, ngaatĩ õꞌngõõtanĩ thõõth ꞌcĩ aduha Paaulo. Adĩman nẽẽg hoti hĩ thooꞌthiok cĩg ꞌBuuk cĩ Nyekuci ũgĩ buúk.

2 Pẽẽtũrũ 3:16 ပူးပေါင်းရင်းမြစ်များ

ꞌThianaattõ 49:4

Loholeec caannĩ ꞌcĩ õpõppaan hĩ tawanĩ. Nẽẽthĩ, baa aduhuni ꞌcieeth caannĩ nẽ õõt atagguuꞌthu hĩ ngaa caannĩ, haduhaakiina, iittiõõ hatĩ gõõng ꞌtirriani hĩ ꞌrianĩĩth tõõ.

Luugithõõ 23:2

“Ma hanũ lothippit hatĩ adĩman thooꞌthiok ꞌcĩg abathĩ. Duha thõõth ꞌcĩ ĩĩn dĩdĩ hõdõõkõthĩ lokihooa, tananga hiittiõõ eeta vẽlẽk hõllõngaa aduha thõõth ꞌcĩ ĩĩn dĩdĩ.

Luugithõõ 23:6

“Aꞌnyĩĩk hullaha hetteeddiothoothĩk thõõth ꞌcĩ aduhõõ hĩ eet ꞌcĩg ĩĩn balliook lokihooa thõng.

Maatteeo 15:3

Ẽdẽcĩ Yeesu ĩhõõggõ anneek, “Inni niig ẽꞌthẽcanit tilooinit cĩ Nyekuci, hĩnĩngĩtĩ nyepitee cunuung ko?

Maatteeo 15:6

Ĩĩn occa ꞌthẽk ꞌgõõl ꞌcĩ iꞌngoliinnu maajihu hĩ ngaaggu cieeni? Amaaccu niig tilooinit cĩ Nyekuci nẽ unuyyu nyepitee cunuung.

Maatteeo 22:29

Ẽdẽcĩ Yeesu anneek, “Ẽꞌthẽcattu nĩngaata, hĩnĩngĩtĩ nga agaac niig ꞌBuuk cĩ Nyekuci hode makaaꞌthĩt cĩnnĩ.

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

Ebereei 5:11

Tananga hĩĩ maka thõõth ꞌcĩ adukiaakuung ngagiit ꞌcĩ aduhõõnĩ Krĩstõ hĩ Melkithẽdẽk, aꞌnyamanaa nganĩĩt ꞌgõõl ꞌcĩ hẽddẽẽbakuung ngagiit thõõth icci, hĩnĩngĩtĩ hõllõngaa athĩkneennu niig hĩdĩĩkoothong.

ꞌJeemith 1:8

hĩnĩngĩtĩ aꞌnyak nẽẽ muhẽẽnĩt ꞌgoolliok ꞌramma nẽ iittiõõ hõllõngaa ũũlũ ngaatĩ occa adĩmanĩ ꞌgii ꞌcĩ aũlanĩ.

1 Pẽẽtũrũ 1:1

Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.

2 Pẽẽtũrũ 2:1

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.