2 Pẽẽtũrũ 3:14 - ꞌBuuk cĩ Thõõth cĩ Nyekuci

¹⁴ Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

2 Pẽẽtũrũ 3:14 ပူးပေါင်းရင်းမြစ်များ

Maatteeo 24:26

“Nẽẽthĩ, má anneekuung eet umwaa, ‘Aaĩ Krĩstõ horrwatõõ ꞌcĩ õdõhõhĩĩ kak,’ ma hooyyu ĩtĩho! Nẽ má aduha eet umwaa aĩ, ‘Aguꞌthi nẽẽ ngaamwaanĩ,’ ma helemmu ũdũt!

Maatteeo 25:7

“Nĩngĩtĩ ĩꞌngaannĩ buheeci niccieeg vẽlẽk nẽ ũkũmatteek ꞌlõõmẽẽt cĩggĩĩng.

ꞌLuuka 12:43

Abũnnaa hatĩ dticciannioohiti ꞌcĩ ma õbõda makayyioohiti, ammũdeek adticanni.

ꞌLuuka 2:29

“Nyekuc Makayyioohit, aꞌnyaa nganĩĩt dticciannioohit cunni hadaak lõꞌngõõc hĩ baa aduha niina,

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

Pilippi 2:15

hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Pilippi 3:20

Nẽẽthĩ, hĩĩgĩn naag eet cĩg hẽẽtkujjieen ngaatĩ aayyi Yeesu Krĩstõ. Nẽ habũraneek naag ngaatĩ hẽrẽĩ ĩnõõnnõ hõbõda hĩĩ Ellioohit cĩnaac.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

1 Timotteeo 6:14

bũtan ĩĩ athihi hatĩ thõõth ꞌcĩ haduhaaki naa ho vẽlẽk jurrung, ĩꞌthõng kõr ꞌcĩ hatĩ õbõdaanĩ Makayyioohiti cĩnaac Yeesu Krĩstõ,

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.

2 Pẽẽtũrũ 3:1

ꞌGotoonoga hĩ ngoonoga, waraga ꞌcĩ hẽhẽẽdakuung naa ngagiit ꞌcĩ ĩĩn ꞌramma cieeni. Hẽhẽẽdakuung, hátĩ hũkũtanuung haaꞌnyuung aꞌnyahit muhẽẽnĩt ꞌcĩ ĩĩn dĩdĩ.

2 Pẽẽtũrũ 3:16

Õthõõth Paaulo thooꞌthiok iccig vẽlẽk waragẽẽtĩĩ cĩgĩnnĩg nẽ õkõmĩ thooꞌthioha ũgẽẽgĩ ꞌcĩg aduha nẽẽnĩ. Aruk eeta ũgẽẽgĩ ꞌcĩg aggiithi eleeti cĩggĩĩng, ngaatĩ õꞌngõõtanĩ thõõth ꞌcĩ aduha Paaulo. Adĩman nẽẽg hoti hĩ thooꞌthiok cĩg ꞌBuuk cĩ Nyekuci ũgĩ buúk.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.