2 Pẽẽtũrũ 3:10 - ꞌBuuk cĩ Thõõth cĩ Nyekuci

¹⁰ Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

2 Pẽẽtũrũ 3:10 ပူးပေါင်းရင်းမြစ်များ

Maatteeo 24:35

Edecciaa hatĩ hẽẽtkujjieen hĩ looc nẽ thõõth caannĩ ho, aitiõõ hatĩ hõllõngaa edecciaa ũdũt.

Maarko 13:31

Ammanyanni hatĩ hẽẽtkujjieen hĩ looc nẽ aalla hatĩ thõõth caannĩ ho ooo.

ꞌLuuka 12:39

“Agaac thõõth icci, má haga baattĩ olu kõr ꞌcĩ akuuni igorriaahiti, occa hõllõngaa aaꞌnyĩk õlõ cĩnnĩ hĩgõrĩthĩ.

ꞌRooma 8:20

Nẽẽthĩ hinnia, nga hatalmaanyattĩ hẽlẽggĩ vẽlẽk baag ẽhẽnyta Nyekuci, hõllõngaa hĩnĩngĩtĩ adiim nẽẽg haauto noho. Baa ẽhẽnyta Nyekuci ĩhõõggõ hoti, muhẽẽttaa

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

1 Korinthia 5:5

aanytĩk eet nicci ꞌThĩttaan, hátĩ horoong huduhoothĩk thõõth ꞌcĩ abũraneek ẽlẽ cĩnnĩ ho nẽ eellia lorii cĩnnĩ kõr ꞌcĩ hatĩ õbõdaanĩ Makayyioohiti.

2 Korinthia 1:14

tananga hõllõngaa athĩkneetu ngagĩĩt ꞌyioko. Ma hatĩ kõr ꞌcĩ õbõdaaĩ Makayyioohiti Yeesu, au hatĩ irrianneetu niig ngagĩĩt haau hĩcĩ hirriannuung naag ngagiit ko.

1 Tẽꞌthaloonika 5:2

hĩnĩngĩtĩ agayyu niig buúk jurrung ainnu, adhukiaakeet hatĩ kõrra ꞌcĩ õbõdaanĩ Makayyioohiti hĩ gõõng anĩhaakeet igorriaahiti baal.

1 Tẽꞌthaloonika 5:4

Nẽ niig ꞌgotoonoga hĩ ngoonoga ꞌcĩg hõllõngaa aattiyyu muguratõõ ho, ma haaꞌnyiku kõr ꞌcĩ hatĩ õbõdaanĩ Yeesu ho, hukuleehuung ꞌjieen hĩ igorriaahiti ꞌcĩ aku baal.

2 Pẽẽtũrũ 3:11

Má atũũthĩ hatĩ hẽlẽggĩ vẽlẽk hoti, adiim occa iiginnu niig eet ꞌcĩg aattiyyu hutuno? Adiim aꞌnyaku niig authet ꞌcĩ ẽllẽẽmĩthĩ ꞌcĩ athiknu Nyekuc,

2 Pẽẽtũrũ 3:12

hĩcĩ nga ereeyyu hikia kõrra ꞌcĩ akuuni Nyekuci nẽ ũbũratteek ngaatĩ occa akuuni hĩdĩĩkoothong. Kõr niccia, atũũth hatĩ nẽẽ hẽẽtkujjieen ꞌgwoyyia nẽ hatĩ obooyyi hẽlẽggĩ vẽlẽk abuurꞌtheta.

2 Pẽẽtũrũ 3:7

Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.

ꞌJuud 1:6

Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico. Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk.

Terethiinit 16:15

Ummuhuttooth thõõth baa aduha Yeesu aĩ, “Ma hikia naana, akuleeku hatĩ ꞌjieen, hanĩha hatĩ naa hĩ igorriaahiti! Aggatan hatĩ Nyekuci eet ꞌcĩ aaĩ dĩkĩĩm nẽ aꞌnyak cẽrẽm ẽlla, hátĩ hiittiõõ hõllõngaa õvvõ ngũtũtũũny nẽ aaꞌnyĩk ẽlẽ cĩnnĩ ngaaoni.”

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.

Terethiinit 21:1

Ma ngaati, hudtuuha hẽẽtkujjieen ꞌcĩ ĩĩn ngeju hĩ looc ꞌcĩ ĩĩn ngeju buúk, hĩnĩngĩtĩ baa iꞌngittõõthĩ hẽẽtkujjieen hĩ looc baag ũnũũhĩtõ. Nẽ iꞌnginõõthĩ bũlũc buúk.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.

Terethiinit 6:14

Ma ho, iꞌnginõõthĩ hẽẽtkujjieen. Ma nĩngaata, eejehit muurrioha hĩ dtuunganĩ nga gõõng aattiyyi.