2 Pẽẽtũrũ 3:1 - ꞌBuuk cĩ Thõõth cĩ Nyekuci

¹ ꞌGotoonoga hĩ ngoonoga, waraga ꞌcĩ hẽhẽẽdakuung naa ngagiit ꞌcĩ ĩĩn ꞌramma cieeni. Hẽhẽẽdakuung, hátĩ hũkũtanuung haaꞌnyuung aꞌnyahit muhẽẽnĩt ꞌcĩ ĩĩn dĩdĩ.

2 Pẽẽtũrũ 3:1 ပူးပေါင်းရင်းမြစ်များ

Maatteeo 5:8

ꞌGattan hĩ eet ꞌcĩg õõrĩg ꞌthinneeti, acĩn hatĩ nẽẽg Nyekuc.

2 Korinthia 13:2

Baa hitiloouung naa ngagiit ẽlẽk, baa hẽhẽẽrõnaakuung ngagiit hẽẽrõnaa caannĩ ĩĩ baa ĩĩn ꞌramma. Nẽ haduha ꞌyioko tarĩ, nga hĩĩgĩnnõõ ꞌrẽẽttĩg. Ma hõbõda, hakuu hatĩ huuki eet baag ẽꞌthẽcattõõ ĩĩcĩ oou ẽlẽk, hode eet ũgĩ ꞌcĩg nga ẽꞌthẽcanoothi thooꞌthiok noho.

1 Timotteeo 5:22

Ma hangaꞌnganyi ngaatĩ ẽlẽmmĩ eet dtiica cĩ Makayyiookto hĩdĩĩkoothong, ngaatĩ aggatanĩĩ nẽ ataadĩhuu athĩn cugunnig ootinii cĩggĩĩng. Ma hẽꞌthẽcani thooꞌthiok, hĩnĩngĩtĩ ẽꞌthẽcan ꞌgoonogu. ꞌNyaak ꞌthĩnĩt ꞌcĩ tẽllĩ hĩ Nyekuc.

2 Timotteeo 1:6

Nẽ thõõthaa cĩ, hanneekii dticcianõõĩ ꞌbaaninit baa aaꞌnyi Nyekuci nganiit kõr baa hataadiki naa nganiit athĩn cĩgannĩg nẽ halaooyyiina.

Ebereei 6:9

ꞌGotoonoga hĩ ngoonoga, tananga hõthõõꞌtha naag hoti, hagayya naag ngaatĩ adĩmannu hẽlẽggĩ ꞌcĩg abũnnaa ꞌcĩg adĩman eeta hatĩ eellia.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

2 Pẽẽtũrũ 3:8

Nẽẽthĩ, ꞌgotoonoga hĩ ngoonoga, ma hataarroꞌthu thõõth icci. Hĩ Makayyioohit, aduhõõ kõrra hõdẽẽthõng hĩ irkiꞌnyia aalib hõdẽĩ thõng nẽ irkiꞌnyia aalib hõdẽĩ, aduhõõ hĩ kõr hõdẽẽthõng thõng.

ꞌJuud 1:5

Ma hataarroꞌthu thõõth cĩ eet baag ẽẽla Makayyioohiti Ijjiba. Baa hõllõngaa ẽlẽmĩ nẽẽg ũgẽẽgĩ Nyekuc, nĩngĩtĩ aruhi nẽẽ ĩhõõggõ baa uruta.