2 Pẽẽtũrũ 2:7 - ꞌBuuk cĩ Thõõth cĩ Nyekuci

⁷ Nẽ baa ẽẽla Nyekuci Loot buúk ꞌtaaũnaa cĩ ꞌThõõdõmĩ, hĩnĩngĩtĩ baa ĩĩn nẽẽ eet ꞌcĩ abũnnaa ꞌcĩ baa accanan thooꞌthioha ꞌcĩg abathĩ ꞌcĩg adĩman eeta ꞌcĩg abũrĩ nyattal, ꞌcĩg baag arũmĩ hĩ ĩnõõnnõ.

2 Pẽẽtũrũ 2:7 ပူးပေါင်းရင်းမြစ်များ

ꞌThianaattõ 13:13

Baa ĩĩn eeta cĩg ꞌtaaũn cĩ ꞌThõõdõmĩ ho ꞌthẽccanniook gẽrrẽẽt muumaa cĩ Makayyiookto.

ꞌThianaattõ 19:16

Baa ammũdeek awanĩt Lõõtĩ looc aĩ gigigigi, nĩngĩtĩ aggamĩ aajĩlẽẽta ĩnõõnnõ aꞌthiit hĩ ngaa cĩnnĩ hĩ lõhõlĩ cĩgĩnnĩg buúk nẽ ootti ĩhõõggõ battaalaa cĩ ꞌtaaũnõõ, hĩnĩngĩtĩ baa ammaannĩk Makayyioohiti ĩhõõggõ.

ꞌThianaattõ 19:22

Nẽẽthĩ, tĩnga hĩdĩĩkoothong! Aitiõõ hatĩ naa hõllõngaa hadĩmani thõõth umwa ĩꞌthõng õdõlanit nĩngĩtĩ iccia.” Iꞌthianaanĩ kõr tĩho hĩĩ noho, akattieek eeta ꞌtaaũn ꞌcĩ hidici ꞌthaar ꞌcĩg haĩ ꞌThõõar, hĩnĩngĩtĩ baa aĩ Lõõtĩ hĩdĩca.

ꞌThianaattõ 19:29

Nẽ hoti ho, ꞌgõõl ꞌcĩ baa atũũthĩ Nyekuci ꞌtaaũnniook cĩg unak baa aayyi Lõõtĩ ho cieeni. Baa ammuhunoothi nẽẽ ĩlaali baa Abũrahamĩ, ĩnõõ ꞌcĩ ẽlẽmaakĩ nẽẽ Loot hũũk hutuguthi nga hũtũũth nẽẽ ꞌtaaũnniook baag aayyi Lõõtĩ ho.

ꞌThianaattõ 19:5

nẽ ũtũvvẽẽcõ Loot nẽ ijittõõthĩ ĩĩttĩk, “Õõt eeta aag au õlõõ cunni ngaati ĩĩna? ꞌNyahaaheet ĩhõõggõ battaala ngaati haarria hĩĩ ngaaĩ cĩggaang.”

1 Korinthia 10:13

Attĩmaniinnu niig ꞌgõõla hõdẽẽthõng, ĩĩcĩ attĩmaniini eeta vẽlẽk. Nẽẽthĩ, agayyi Nyekuci ngaatĩ occa hõllõngaa aaꞌnyuung ngagiit ĩttĩmattĩ gẽrrẽẽt nẽ eterꞌtheekuung hatĩ nẽẽ ꞌgõõl ꞌcĩ occa hatĩ aꞌnyamannu ꞌtĩmman.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

2 Pẽẽtũrũ 2:2

Mẽẽlĩg hatĩ eeta ꞌcĩg anũ ĩhõõggõ nẽ ĩthahiꞌthia thooꞌthiok cĩggĩĩng ꞌcĩg abathĩ nẽ ĩĩnattaak ꞌgõõnõgĩ hudukta thooꞌthiok ꞌcĩg ĩĩn õlõng ꞌlimmaanaa ꞌcĩ ĩĩn dĩdĩ.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.