2 Pẽẽtũrũ 2:4 - ꞌBuuk cĩ Thõõth cĩ Nyekuci

⁴ Hĩnĩngĩtĩ baa hõllõngaa ammaannĩk Nyekuci aajĩlẽẽt baa ẽꞌthẽcanĩ. Baa ẽcẽb nẽẽ ĩhõõggõ muguuratõõ nẽ udhuheek ꞌgwoyyiaa ꞌcĩ aalla ũdũt, ĩꞌthõng kõr ꞌcĩ hatĩ ẽttẽẽdĩ nẽẽ thooꞌthiok cĩggĩĩng.

2 Pẽẽtũrũ 2:4 ပူးပေါင်းရင်းမြစ်များ

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 8:29

Ma ho, eggerenyit ĩĩtõ, “Adiimi nii hĩ ngagĩĩt neegi Ngeertĩ Nyekuci? Ikia nii uukeet ngagĩĩt nga hũttũbanoothĩk kõrra baa eberriaa ꞌcĩ hatĩ ukẽẽttõ?”

Maarko 5:7

nẽ okoleek ulwa ĩĩ, “Yeesu Ngeertĩ Nyekuc ꞌcĩ aaĩ hẽẽtahujjieen, atabi nii hĩ nganĩĩt neegi? Halayyi ꞌthĩnĩta ꞌthaarĩĩ cĩg Nyekuc ꞌcĩ ĩllõõan vẽlẽk, ma huukaanĩ!”

ꞌLuuka 10:18

Ẽdẽcĩ Yeesu ĩhõõggõ anneek, “Baa ꞌthẽk hacini naa buúk ngaatĩ adhukiaanĩ ꞌThĩttaanĩ hẽẽtahujjieen hĩ tammu ꞌcĩ ammadĩ thõng.

ꞌLuuka 8:31

Ma nĩngaata, alaacõ loriẽẽta ꞌcĩg abathĩ ho Yeesu hiittiõõ hõllõngaa iiggiaeek ĩhõõggõ ꞌloohatõõ ꞌcĩ hõllõngaa adtuurnihi.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

ꞌRooma 11:21

Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.

ꞌRooma 8:32

Baa hõllõngaa ẽdẽnĩ Nyekuci Ngeerĩnĩ, nẽẽthĩ, baa aaꞌnyeet nẽẽ ĩnõõnnõ ngagĩĩta. Má baa adĩman Nyekuci hoti, ĩcca occa hatĩ hõllõngaa aaꞌnyeet nẽẽ hẽlẽggĩ vẽlẽk haaga?

2 Pẽẽtũrũ 2:11

Tananga hittiranit aajĩlẽẽta hĩllõõanit eet iccig abathĩ ho, aitiõõ nẽẽg hõllõngaa occa ũũlũ ngaatĩ õhõppõõcanẽẽkĩ ĩhõõggõ Makayyioohit.

2 Pẽẽtũrũ 2:5

Nẽ korrioohĩĩ baag Nõõa, baa hõllõngaa ammaannĩk Nyekuci eet ꞌcĩg abũrĩ ĩnõõnnõ loota nĩnga. Baa aruk nẽẽ ĩhõõggõ tawaana nẽ ẽẽla Nõõa hĩ eet tũkĩramma halaangatõõ cĩnnĩ, hĩnĩngĩtĩ baa ĩĩn Nõõa eet ꞌcĩ irrioon thõõth ꞌcĩ aũlanĩ.

2 Pẽẽtũrũ 2:9

Nẽẽthĩ acinnu, aga Nyekuci ngaatĩ ẽẽlanĩ eet ꞌcĩg athĩhĩ thõõth cĩnnĩ thooꞌthiohĩĩ ꞌcĩg attĩmaniini nẽẽgĩ, tananga nga aaꞌnyĩk nẽẽ eet ꞌcĩg ĩĩn ꞌthẽccanniook haauto ukẽẽtta ĩꞌthõng kõr ꞌcĩ hatĩ etteedini thooꞌthioha.

1 Yõaannẽ 3:8

Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.

ꞌJuud 1:6

Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico. Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.