2 Pẽẽtũrũ 2:3 - ꞌBuuk cĩ Thõõth cĩ Nyekuci

³ Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.

2 Pẽẽtũrũ 2:3 ပူးပေါင်းရင်းမြစ်များ

Maatteeo 23:14

Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ ngagiit Variꞌtheei. Oloꞌngiaaha cieegi! Arratanaannu ngaatĩbõyyĩꞌnya ijjio olooyyiohĩĩ cĩggĩĩng nẽ alayyioou lothippita hũnũũk, hátĩ hicittuung eeta. Uukuung hatĩ Nyekuci ngagiit gẽrrẽẽt ũdũt.

ꞌLuuka 18:8

Haduhaakuunga, aaꞌnyĩk ꞌthẽk hatĩ nẽẽ ĩhõõggõ hummuddia eliinit hĩdĩĩkoothong. ꞌYioko occa ꞌthẽk hatĩ ma õbõda Ngeertĩ Eeto, ammũdaak occa ꞌthẽk hatĩ lemiinit loota nĩnga?”

ꞌLuuka 20:20

Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta.

ꞌLuuka 22:47

Ma baa nga õthõõth nẽẽnĩ, uppwaanna hinnia lothippiti ꞌcĩ aꞌnyaha ꞌthooyyiahiti ꞌJuuda. Edeceek hũũk hĩꞌtha Yeesu.

Yõaannẽ 2:16

Ma nĩngaata, uduhaak eet ꞌcĩg ũũtẽnĩ ngabuuthiꞌnya ĩĩnnĩk, “Ootti ngabuuthiꞌnya niccig battaala! Ma haarru ꞌCieeth cĩ Baaba hĩĩ ꞌcuuk!”

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

1 Tẽꞌthaloonika 5:3

Ma ammuk eeta aĩ, “Haattiyyia lõꞌngõõc ꞌlẽẽmĩtha,” adhukiaak hinnia hatĩ pĩĩrnanĩtĩ ꞌcĩ ĩꞌthaan ĩhõõggõ haau hĩ gõõng alubaak ngaa huciithi ꞌcĩ atturi ꞌgoonnia. Nẽ aitiõõ hatĩ nẽẽg hõllõngaa alĩĩta.

1 Timotteeo 3:3

Abũnnaa ĩĩn eet ꞌcĩ hõllõngaa ĩĩn duuttiahit hode ahaattiohit, abũnnaa ĩĩn eet ꞌcĩ alalĩ ꞌthĩnĩt. Abũnnaa ĩĩn eet ꞌcĩ arũmĩ hĩ eet vẽlẽk lõꞌngõõc nẽ hõllõngaa ammĩnan ꞌrabbẽẽta.

1 Timotteeo 3:8

Abũnnaa dticcianniooha cĩg lothippit cĩ lemmioohu buúk, ĩĩn eet dĩdĩ ꞌcĩg itieelli eet nẽ hõllõngaa aꞌnyak utugeeti ꞌramma, hõllõngaa aangal mẽrta gẽrrẽẽt nẽ iittiõõ hõllõngaa ammĩnan ꞌrabbẽẽta.

1 Timotteeo 6:5

hĩ jore hĩ ngaatĩ õdõõmĩ ꞌgõõnõgĩ hĩ muhẽẽnĩt ꞌcĩ abathĩ nẽ aꞌnyak nẽẽ õõ ꞌcĩ abathĩ, ꞌcĩ hõllõngaa agaĩ thooꞌthiok ꞌcĩg ĩĩn dĩdĩ. Ammuk nẽẽg aĩ, ĩĩn thõõth cĩ Nyekuci ꞌcĩ hammũdaanĩ ꞌrabbẽẽta.

Tiito 1:11

Bĩlĩ ꞌlimman cĩnĩĩng abathĩ ho, hĩnĩngĩtĩ accanan ꞌlimmanĩ cĩnĩĩng ko halaꞌngiook ꞌcĩg mẽẽlĩg nẽ aduha nẽẽg õlõng cĩnĩĩng ko, hátĩ hummuddia ꞌrabbẽẽta.

Tiito 1:7

Hĩnĩngĩtĩ aaꞌnyĩk Nyekuci makayyioohit cobbi cĩ lothippit cĩ lemmioohu, hidticanoothĩk ĩnõõnnõ. Abũnnaa ĩĩn eet ꞌcĩ aitiõõ thõõth ꞌcĩ abathĩ tõõ. Abũnnaa hõllõngaa ĩĩn eet ꞌcĩ athĩngõõnyanĩ, abũnnaa ĩĩn eet ꞌcĩ hõllõngaa aaburii ꞌthĩnĩt. Abũnnaa ĩĩn eet ꞌcĩ hõllõngaa ĩĩn duuttiahit, hode aangal jora, hode adiim ꞌrabbẽẽt ꞌcĩg mẽẽlĩg ꞌgõõlaa ꞌcĩ abathĩ.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.

1 Pẽẽtũrũ 5:2

Ũtũhaac eet ꞌcĩg aaꞌnyuung Nyekuci ngagiita. Idticattoothĩk ĩhõõggõ jurrung, hõllõngaa hĩnĩngĩtĩ attĩnganoothikuung thõng, nẽẽthĩ, hĩnĩngĩtĩ accamanaannu ngaatĩ adticanoothiku Nyekuc, hõllõngaa hĩnĩngĩtĩ hátĩ ummuddia ꞌrabbẽẽta.

2 Pẽẽtũrũ 1:16

Baa hõllõngaa haduhaakuung naag dtẽẽllẽn ꞌcĩg haddangaanna thõng korrioohĩĩ baag haduhaakuung makaaꞌthĩt hĩ bõdaanĩt cĩ Makayyioohit cĩnaac Yeesu Krĩstõ nẽ ngagĩĩt ꞌcĩg hĩĩgĩnna hẽbẽrĩ cĩg makaaꞌthĩt cĩnnĩ ho.

2 Pẽẽtũrũ 2:1

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.

2 Pẽẽtũrũ 2:9

Nẽẽthĩ acinnu, aga Nyekuci ngaatĩ ẽẽlanĩ eet ꞌcĩg athĩhĩ thõõth cĩnnĩ thooꞌthiohĩĩ ꞌcĩg attĩmaniini nẽẽgĩ, tananga nga aaꞌnyĩk nẽẽ eet ꞌcĩg ĩĩn ꞌthẽccanniook haauto ukẽẽtta ĩꞌthõng kõr ꞌcĩ hatĩ etteedini thooꞌthioha.

ꞌJuud 1:11

Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ, ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra. Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.

ꞌJuud 1:15

ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.”

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.