2 Pẽẽtũrũ 2:21 - ꞌBuuk cĩ Thõõth cĩ Nyekuci

²¹ Occa baa mẽẽn hĩ ĩhõõggõ ngaatĩ hõllõngaa agaĩ ꞌgõõl cĩ bũnnaiitto, hĩllõõan ngaatĩ au agaĩ ꞌgõõl dĩdĩ, ma uruta nẽ ũtũngĩt tilooinit ꞌcĩ ẽllẽẽmĩth baa allimanoothĩk ĩhõõggõ.

2 Pẽẽtũrũ 2:21 ပူးပေါင်းရင်းမြစ်များ

Maatteeo 21:32

Hĩnĩngĩtĩ baa aku Yõaannẽ Batitta hikia heteretheehuung ꞌgõõl ꞌcĩ abũnnaa hĩcĩ adiim Nyekuci nẽ baa hinnia hõllõngaa elemmu niig ĩnõõnnõ, baa au ẽlẽmĩ eeta ꞌcĩg alũt occoro hĩ ꞌwaaꞌngiak ĩnõõnnõ. Tananga baa icittu niig thooꞌthiok iccig ẽlẽk, baa hõllõngaa uunniku ꞌthẽccanẽẽt cugguung nẽ elemtu ĩnõõnnõ.”

ꞌLuuka 12:47

“Uuki hatĩ dticciannioohiti ꞌcĩ aga dtiic ꞌcĩ atab makayyioohiti cĩnnĩ nẽ hõllõngaa akũmaneek hode hõllõngaa adtican dtiic ꞌcĩ adiim makayyioohiti ho gẽrrẽẽt.

Yõaannẽ 15:22

Má baa hiittiõõ naa hõllõngaa hakuu haduhaahi ĩhõõggõ, occa ꞌyioko baa hõllõngaa aga nẽẽg ꞌthẽccanẽẽt cĩggĩĩng. Nẽẽthĩ ꞌyioko, iittiõõ ꞌgõõl ꞌcĩ nga alĩĩtanĩ nẽẽg ꞌthẽccanẽẽt tõõ.

Yõaannẽ 9:41

Ẽdẽcĩ Yeesu ĩhõõggõ anneek, “Má baa ĩĩtõ rubettĩg, occa ꞌyioko baa hõllõngaa iiginnu ꞌthẽccanniook. Nẽẽthĩ ꞌyioko, ma ainnu acĩneennu ho, aalla iiginnu ꞌthẽccanniook noho.”

ꞌRooma 7:12

Nga aalla ẽllẽẽmĩth nyattalĩ nẽ ẽllẽẽm tilooiniti cĩnnĩ buúk, aũlanĩ nẽ ũbũna.

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

1 Tẽꞌthaloonika 4:2

Ummuhuttooth thõõth baa hallimannuung naag ngagiit ꞌthaarĩĩ cĩg Makayyioohit Yeesu.

1 Timotteeo 6:14

bũtan ĩĩ athihi hatĩ thõõth ꞌcĩ haduhaaki naa ho vẽlẽk jurrung, ĩꞌthõng kõr ꞌcĩ hatĩ õbõdaanĩ Makayyioohiti cĩnaac Yeesu Krĩstõ,

Ebereei 10:26

Hõlõ, má hara harĩnyaneek naag ꞌthẽccan noho baa hĩthĩhĩt ꞌgẽẽnyĩth ꞌcĩ thõõth ꞌcĩ ĩĩn dĩdĩ, iittiõõ ꞌgaarrieeniti ꞌcĩ hatĩ attik ꞌthẽccanẽẽt ꞌcĩg nga idiongan tõõ.

ꞌJeemith 4:17

Nẽẽthĩ, ẽẽtĩ ꞌcĩ aga thõõth ꞌcĩ abũnnaa ꞌcĩ occa adĩman nẽ hõllõngaa adĩmanĩ, ĩĩn ꞌthẽccannioohit.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.