2 Pẽẽtũrũ 2:2 - ꞌBuuk cĩ Thõõth cĩ Nyekuci

² Mẽẽlĩg hatĩ eeta ꞌcĩg anũ ĩhõõggõ nẽ ĩthahiꞌthia thooꞌthiok cĩggĩĩng ꞌcĩg abathĩ nẽ ĩĩnattaak ꞌgõõnõgĩ hudukta thooꞌthiok ꞌcĩg ĩĩn õlõng ꞌlimmaanaa ꞌcĩ ĩĩn dĩdĩ.

2 Pẽẽtũrũ 2:2 ပူးပေါင်းရင်းမြစ်များ

ꞌThianaattõ 19:5

nẽ ũtũvvẽẽcõ Loot nẽ ijittõõthĩ ĩĩttĩk, “Õõt eeta aag au õlõõ cunni ngaati ĩĩna? ꞌNyahaaheet ĩhõõggõ battaala ngaati haarria hĩĩ ngaaĩ cĩggaang.”

Maatteeo 22:16

Ma ho, ĩꞌthooyyia nẽẽg nuyyiook cĩggĩĩng hõdẽĩ hĩ eet cĩg Ẽrõõdẽ, hiita hĩ ĩnõõnnõ. Iita uduktaak nẽẽg ĩnõõnnõ ĩĩttĩk, “ꞌLimmannioohit, hagayyi naag ĩĩnĩ eet ꞌcĩ abũnnaa nẽ allimani thõõth cĩ Nyekuci ꞌgõõlaa ꞌcĩ ĩĩn dĩdĩ. Acini nii eet vẽlẽk ꞌgõõlaa ꞌcĩ aduhõõ thõng nẽ hagayyia ngaatĩ hõllõngaa ũũhũĩ thõõth ꞌcĩ allimani, hĩnĩngĩtĩ thooꞌthiok ꞌcĩg aduhaaki eeta ꞌcĩg obbitig nganiita.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maatteeo 7:14

Nẽẽthĩ, lũdũc hattũũg ꞌcĩ õkõ ĩĩcĩ rũgẽtõ. Nẽ õkõmĩ ngaatĩ hanũĩ ꞌgõõl ꞌcĩ õkõ ĩĩca ho gẽrrẽẽt, nẽ hĩdĩcĩg eeta ꞌcĩg ẽdẽcĩ ꞌgõõl tĩho.

Maarko 12:14

Ma ho, ummuddieek nẽẽg Yeesu nẽ ijinit ĩĩttĩk, “ꞌLimmannioohit, hagayyĩa naag aduha nii thõõth ꞌcĩ ĩĩn dĩdĩ nẽ hõllõngaa itieelli thooꞌthiok ꞌcĩg ammuk eeta. Nẽ tarĩ hõllõngaa aallahi makaaꞌthĩt cĩ eetu, nẽẽthĩ, allimani eet thõõth cĩ Nyekuci ꞌcĩ ĩĩn dĩdĩ. Duhaaheet da, abathĩ occa nyattaalaa cĩnaang ngaatĩ hadũmaneeka habu cobbi cĩ ꞌRooma occoro, hode abũnnaa ngaatĩ hadũmaneeka?

Maarko 13:22

Hĩnĩngĩtĩ au hatĩ uppwaanna krĩstõꞌnya hĩ põrõvẽtaaꞌnya ꞌcĩg ĩĩn oloꞌngiaak ꞌcĩg au adtican hẽlẽggĩ ꞌcĩg ĩnaat eeta, aĩ hatĩ higgoollia eet baag ẽbẽra Nyekuci, hatĩ ũũlũ ngaatĩ ĩggõõlĩ ĩhõõggõ.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Dtiicanĩ cĩg ꞌThooyyiahu 13:10

“Ĩĩnĩ nii ngeertĩ habu cĩ loriẽẽt ꞌcĩg abathĩ nẽ iinu mirohit cĩ thõõth vẽlẽk ꞌcĩ aũlanĩ! Nẽ maka nganiit ꞌgooliniti ꞌcĩ õgõllẽẽkĩ eeta. Hõllõngaa ꞌthẽk occa abili ngaatĩ alaamĩ thooꞌthiok ꞌcĩg aũlan dĩdĩ cĩg Makayyiooktak?

Dtiicanĩ cĩg ꞌThooyyiahu 14:2

Nẽẽthĩ, eeta cĩg ꞌJudeei ꞌcĩg baag abũrĩ Makayyioohit, iita ẽꞌthẽcanit eet ũgĩ ꞌcĩg hõllõngaa ĩĩn ꞌJudeei hĩlĩĩllẽẽcõ hutuhuyyioothĩk nuyyiook cĩg Makayyiooktak.

Dtiicanĩ cĩg ꞌThooyyiahu 16:17

Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.”

Dtiicanĩ cĩg ꞌThooyyiahu 18:26

Baa arrĩcana Appoolo ngaatĩ õthõõthĩ ꞌCieethaa cĩ Laiitto. Ma baa athĩhĩ Akwila hĩ Piriciilla ho, iita ootti Appoolo õlõõ cĩnĩĩng nẽ eelito ĩnõõnnõ hĩthĩk ꞌgõõl cĩ thõõth cĩ Nyekuci jurrung.

Dtiicanĩ cĩg ꞌThooyyiahu 19:9

Nẽẽthĩ, baa hinnia ĩllõõrĩth eeta ũgẽẽgĩ hõrggẽẽnaa cĩnĩĩng nẽ ũtũbũrĩt ngaatĩ ẽlẽmmĩ nyeemuut cĩnnĩ, nẽ tarĩ othoothito lothippita nyeemuut cĩ Yeesu ꞌbuth. Nĩngĩtĩ ũũnnĩkĩ Paaulo ꞌcieeth cĩ laiitto nẽ ookorit hĩ lemmiook, hõõt hatĩ gõõng hothooꞌthio hĩ ĩhõõggõ hõdõõkõthĩ, ꞌcieethaa cĩ ꞌlimmaanõ ĩcĩ eet ꞌcĩ haĩ ꞌTirannu.

Dtiicanĩ cĩg ꞌThooyyiahu 22:4

Huruha naa nuyyiook ꞌcĩg mẽẽlĩg gẽrrẽẽt ꞌcĩg anũ ꞌgõõl cĩ Makayyiookto. Haggami ngaaĩ hĩ eet ꞌcĩg maacĩg vẽlẽk haarĩk baabuuth,

Dtiicanĩ cĩg ꞌThooyyiahu 24:14

Nẽẽthĩ ꞌyioko helemi dĩdĩ, hala naa Nyekuc cĩ hĩbaangĩ cĩggaac hĩ nuyyioohiti cĩ ꞌgõõl cĩ Makayyioohit Yeesu, ꞌcĩ akanneek nẽẽg õlõng ko. Helemi thooꞌthiok vẽlẽk ꞌcĩg õõkõrõõ hĩ nyattal hĩ thooꞌthiok ꞌcĩg ẽhẽẽd põrõvẽtaaꞌnya,

ꞌRooma 2:24

Aaĩ hĩcĩ eheeddi ꞌBuuhaa cĩ Nyekuci aĩ, “Ẽlẽmtaahu niig eet ꞌcĩg hõllõngaa ĩĩn ꞌJudeei hodoomito Nyekuc, hĩnĩngĩtĩ ngagiita.”

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

Tiito 2:5

hátĩ huꞌthuutti eleeti nẽ ũtũbũrĩt thooꞌthiok ꞌcĩg ĩĩn ꞌriiring, hĩĩtõ ngaaĩ ꞌcĩg aꞌthũũnnĩ olooyyiok cĩggĩĩng nẽ ĩthĩhĩt thooꞌthiok cĩg maaccwa cĩggĩĩng, hátĩ hiittiõõ eeta ꞌcĩg õthõõth thõõth cĩ Nyekuci ꞌbuth tõõ.

Tiito 2:8

ꞌLimmaneek eet thõõth cĩ Nyekuci ꞌcĩ ĩĩn dĩdĩ jurrung, hátĩ hiittiõõ hõllõngaa ẽppẽhan eet umwaanĩ. Aꞌngaaõn hatĩ mĩrõha cugunnig, hĩnĩngĩtĩ aitiõõ thõõth ꞌcĩ abathĩ ꞌcĩ ammũda hĩ nganiit hode hĩ ngagĩĩt tõõ.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

2 Pẽẽtũrũ 2:12

Aattĩg ꞌlimmanniooha cieeg ĩĩn oloꞌngiaak ko hĩ idiꞌngwaana cĩg moru ꞌcĩg aitiõõ muhẽẽnĩtĩ tõõ, ꞌcĩg arrittiaa, hátĩ hagamtĩ nẽ urugti thõng. Õthõõth nẽẽg thooꞌthiok ꞌcĩg abathĩ ꞌcĩg hõllõngaa aga buúk. Nẽẽthĩ, aduheek hatĩ ĩhõõggõ dtiicanĩ cĩggĩĩng ꞌcĩg abathĩ ho ẽmmẽn hĩĩtõ ꞌthĩĩ.

2 Pẽẽtũrũ 2:15

Ũtũngteek nẽẽg ꞌgõõl ꞌcĩ abũnnaa nẽ edecit ꞌgõõl ꞌcĩ abathĩ ꞌcĩ anũĩ ꞌlimman cĩ põrõvẽtaac ꞌcĩ haĩ Balaam ngeertĩ eet ꞌcĩ haĩ Beor, baa ammĩnan hẽlẽggĩ ꞌcĩg ammũda nẽẽ ꞌgõõlaa ꞌcĩ abathĩ.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

2 Pẽẽtũrũ 2:21

Occa baa mẽẽn hĩ ĩhõõggõ ngaatĩ hõllõngaa agaĩ ꞌgõõl cĩ bũnnaiitto, hĩllõõan ngaatĩ au agaĩ ꞌgõõl dĩdĩ, ma uruta nẽ ũtũngĩt tilooinit ꞌcĩ ẽllẽẽmĩth baa allimanoothĩk ĩhõõggõ.

2 Pẽẽtũrũ 2:7

Nẽ baa ẽẽla Nyekuci Loot buúk ꞌtaaũnaa cĩ ꞌThõõdõmĩ, hĩnĩngĩtĩ baa ĩĩn nẽẽ eet ꞌcĩ abũnnaa ꞌcĩ baa accanan thooꞌthioha ꞌcĩg abathĩ ꞌcĩg adĩman eeta ꞌcĩg abũrĩ nyattal, ꞌcĩg baag arũmĩ hĩ ĩnõõnnõ.

ꞌJuud 1:10

Õdõõm hinnia eeta cieeg makaaꞌthĩt cĩ hẽẽtkujjieen ꞌcĩ hõllõngaa aga nẽẽgĩ. Aattĩg nẽẽg hĩ idiꞌngwaana ꞌcĩg hõllõngaa aꞌnyak muhẽẽnĩt, adĩman nẽẽg hẽlẽggĩ ꞌcĩg aduhaak muhẽẽnĩtĩ cĩnĩĩng, nĩngĩtĩ ĩkõõthakĩ eleeti cĩggĩĩng daahĩth ẽmmẽn.

ꞌJuud 1:15

ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.”

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.