2 Pẽẽtũrũ 2:18 - ꞌBuuk cĩ Thõõth cĩ Nyekuci

¹⁸ Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

2 Pẽẽtũrũ 2:18 ပူးပေါင်းရင်းမြစ်များ

Dtiicanĩ cĩg ꞌThooyyiahu 2:40

Ma nĩngaata, uduhaak Pẽẽtũrũ ĩhõõggõ thooꞌthiok ũgĩ ꞌcĩg mẽẽlĩg gẽrrẽẽt. Nĩngĩtĩ ĩlalẽẽkĩ nẽ irrioonĩk ĩĩnnĩk, “Eellia eleeti cugguung, hĩnĩngĩtĩ ĩĩn eeta cĩg irkiꞌnyia iccig ꞌthẽccanniook.”

Dtiicanĩ cĩg ꞌThooyyiahu 8:9

Ma waathinnioohĩĩ ũgẽẽgĩ, baa aaĩ eet umwaa ꞌcĩ ĩĩn ngarĩ ꞌcĩ haĩ ꞌThimõõnẽ, ꞌcĩ baa abulan eet vẽlẽk ngarĩꞌthẽẽtaa cĩnnĩ ꞌtaaũnaa cobbi ĩĩcĩ Thamaria. Baa irrian ꞌThimõõnẽ aĩ hĩĩnĩ eet umwa cobbi gẽrrẽẽt.

ꞌRooma 13:13

Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

ꞌJeemith 5:5

Baa nga aattiyyu niig loota nĩnga, baa ammuku heengti cugguung diooni nẽ accamattoothihu. Nẽẽthĩ ꞌyioko, ĩdĩktu aauttu hĩ merukwaaꞌnya ꞌcĩg õõt etteeddi thõng.

2 Pẽẽtũrũ 1:4

Nẽ hĩnĩngĩtĩ bulẽẽnĩt hĩ bũnnai ꞌcĩ ẽllẽẽmĩth gẽrrẽẽt ko, ikia uduhaaheet nẽẽ ngagĩĩt thooꞌthiok ꞌcĩg obbitig ꞌcĩg tiirik. Adukiaa thooꞌthioha cieeg, hátĩ haanytuung ngagiit otholit authet cĩnnĩ nẽ iliittiau thooꞌthiok ꞌcĩg abathĩ cĩg looc nicci, ꞌcĩg ĩkõõtha thooꞌthioha ꞌcĩg abathĩ ꞌcĩg abũraneek eeta.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.

2 Pẽẽtũrũ 2:2

Mẽẽlĩg hatĩ eeta ꞌcĩg anũ ĩhõõggõ nẽ ĩthahiꞌthia thooꞌthiok cĩggĩĩng ꞌcĩg abathĩ nẽ ĩĩnattaak ꞌgõõnõgĩ hudukta thooꞌthiok ꞌcĩg ĩĩn õlõng ꞌlimmaanaa ꞌcĩ ĩĩn dĩdĩ.

2 Pẽẽtũrũ 2:20

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

2 Pẽẽtũrũ 2:7

Nẽ baa ẽẽla Nyekuci Loot buúk ꞌtaaũnaa cĩ ꞌThõõdõmĩ, hĩnĩngĩtĩ baa ĩĩn nẽẽ eet ꞌcĩ abũnnaa ꞌcĩ baa accanan thooꞌthioha ꞌcĩg abathĩ ꞌcĩg adĩman eeta ꞌcĩg abũrĩ nyattal, ꞌcĩg baag arũmĩ hĩ ĩnõõnnõ.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.

Terethiinit 13:11

Ma ho, hudtuuha nyaharahaak umwa tarĩ, ꞌcĩ adukna loota nĩnga, ꞌcĩ aꞌnyak otto ꞌramma hĩ mĩꞌnyõõna, ngaatĩ õthõõthõnĩ hĩ ꞌbuuk ꞌcĩ aꞌthĩlan ko.