2 Pẽẽtũrũ 2:15 - ꞌBuuk cĩ Thõõth cĩ Nyekuci

¹⁵ Ũtũngteek nẽẽg ꞌgõõl ꞌcĩ abũnnaa nẽ edecit ꞌgõõl ꞌcĩ abathĩ ꞌcĩ anũĩ ꞌlimman cĩ põrõvẽtaac ꞌcĩ haĩ Balaam ngeertĩ eet ꞌcĩ haĩ Beor, baa ammĩnan hẽlẽggĩ ꞌcĩg ammũda nẽẽ ꞌgõõlaa ꞌcĩ abathĩ.

2 Pẽẽtũrũ 2:15 ပူးပေါင်းရင်းမြစ်များ

Maatteeo 26:9

Occa baa ũũtĩ ngõõrra ciee ꞌrabbẽẽtĩĩ ꞌcĩg mẽẽlĩg gẽrrẽẽt nẽ aanytĩhoothĩk ꞌrabbẽẽta eet ꞌcĩg ĩĩn pĩĩrnattiaak.”

Dtiicanĩ cĩg ꞌThooyyiahu 1:18

Nẽ hĩnĩngĩtĩ ꞌbaaninit ꞌcĩ ammũda nẽẽ, hĩnĩngĩtĩ ꞌthẽccan cĩnnĩ ho, ũũk ũtũũwa mana. Ma ho, ũũk ẽttẽẽd looc manaa cĩnnĩ happahĩ hẽẽng hulubta hũlũttẽna battaala.

Dtiicanĩ cĩg ꞌThooyyiahu 13:10

“Ĩĩnĩ nii ngeertĩ habu cĩ loriẽẽt ꞌcĩg abathĩ nẽ iinu mirohit cĩ thõõth vẽlẽk ꞌcĩ aũlanĩ! Nẽ maka nganiit ꞌgooliniti ꞌcĩ õgõllẽẽkĩ eeta. Hõllõngaa ꞌthẽk occa abili ngaatĩ alaamĩ thooꞌthiok ꞌcĩg aũlan dĩdĩ cĩg Makayyiooktak?

2 Pẽẽtũrũ 2:13

Acuddiaa hatĩ nẽẽg, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽg ko. Aangal nẽẽg ngaatĩ adĩmanĩ karramẽẽt nẽ ĩdĩmanit thooꞌthiok ꞌcĩg ĩĩn ꞌriiring waath ꞌcĩg abũraneek eleeti cĩggĩĩng. Ĩĩn nẽẽg eet ꞌcĩg aꞌnyahaakuung ngagiit thooꞌthiok ꞌcĩg abathĩ hõrggẽẽnaa cunuung.

ꞌJuud 1:11

Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ, ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra. Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.

Terethiinit 2:14

“Haꞌnyahi naa thooꞌthiok ꞌcĩg abadtẽc ꞌcĩg hatabi haduhaakuunga, ꞌcĩg nga adĩmannu niig ꞌgõõlaa ꞌcĩ abathĩ. Aattĩg eeta ũgẽẽgĩ hõrggẽẽnaa cunuung ꞌcĩg anũ ꞌlimman cĩ Balaamĩ, eet baa eterꞌtheek Balak haaꞌnyĩk eet cĩg Ĩꞌthĩraẽlĩ hĩdĩmanit thooꞌthiok ꞌcĩg abathĩ. Baarkit, baa alũllũũmaneek Balaamĩ eet hẽꞌthẽcattõõ ꞌgõõlaa ꞌcĩ aduhi ꞌgeenniok ꞌcĩg aaꞌnyĩk eeta hẽlẽggĩ ꞌcĩg aar nẽẽg hĩĩtõ nyekuꞌnya hatĩ alayyi. Nẽ ũlũllũũmaneek hitikto tahatak.