2 Pẽẽtũrũ 2:1 - ꞌBuuk cĩ Thõõth cĩ Nyekuci

¹ Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.

2 Pẽẽtũrũ 2:1 ပူးပေါင်းရင်းမြစ်များ

Luugithõõ 15:16

Adhukiaak hatĩ ĩhõõggõ barriti cobbiẽẽnĩ. ꞌTirriaanaa cĩ aꞌthiit cunni, emmeethĩk hatĩ nẽẽg hĩ bẽẽ, ĩꞌthõng hallacattĩ eeta cugunnẽẽgĩ Makayyioohit, ĩꞌthõng hallacattĩ eeta baag ũũta niina.

Maatteeo 10:33

Nẽẽthĩ, ẽẽtĩ ꞌcĩ abũrra nganĩĩt hẽbẽrẽẽnnĩĩ cĩg eetuk, haburi hatĩ naa buúk ĩnõõnnõ hẽbẽrẽẽnnĩĩ cĩg Baaba caannĩ cĩ hẽẽtahujjieen.

Maatteeo 24:11

Mẽẽlĩg hatĩ põrõvẽtaaꞌnya ꞌcĩg hõllõngaa ĩĩn dĩdĩ, ꞌcĩg au atalmaanyan eeta.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maatteeo 24:5

Hĩnĩngĩtĩ mẽẽlĩg hatĩ eeta ꞌcĩg au aĩ, ‘Hĩĩnĩ naa Krĩstõ.’ Ĩggõõl hatĩ nẽẽg eet ꞌcĩg mẽẽlĩg.

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

Maarko 13:22

Hĩnĩngĩtĩ au hatĩ uppwaanna krĩstõꞌnya hĩ põrõvẽtaaꞌnya ꞌcĩg ĩĩn oloꞌngiaak ꞌcĩg au adtican hẽlẽggĩ ꞌcĩg ĩnaat eeta, aĩ hatĩ higgoollia eet baag ẽbẽra Nyekuci, hatĩ ũũlũ ngaatĩ ĩggõõlĩ ĩhõõggõ.

ꞌLuuka 12:9

Nẽẽthĩ, ẽẽtĩ ꞌcĩ abũrra nganĩĩt hẽbẽrẽẽnnĩĩ cĩg eetuk, haburi hatĩ naa buúk ĩnõõnnõ hẽbẽrẽẽnnĩĩ cĩg aajĩlẽẽt cĩg Nyekuci.

ꞌLuuka 21:8

Ẽdẽcĩ Yeesu anneek, “Uꞌthuutti eleeti, hátĩ hiittiõõ hõllõngaa iggoolluung eeta. Au hatĩ eeta ꞌcĩg mẽẽlĩg ꞌthaarĩĩ cĩgannĩg ꞌcĩg au õthõõth aĩ, ‘Hĩĩnĩ naa Krĩstõ,’ nẽ ‘Õbõhĩ kõrra.’ Ma hanuyyu ĩhõõggõ.

ꞌLuuka 6:26

Pĩĩrnanĩt hĩ ngagiit eet ꞌcĩg athithannuung eeta vẽlẽk aĩ adĩmannu thooꞌthiok ꞌcĩg abũnnaa, baa ꞌthẽk ꞌgõõl ꞌcĩ athithanĩ maajiha põrõvẽtaaꞌnya baag ĩĩn oloꞌngiaak niccia.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

1 Korinthia 11:19

Nẽ dĩdĩ, occa ꞌthẽk aaĩ ngẽrõõnĩtĩ hõrggẽẽnaa cunuung, hátĩ hedeeꞌnyia nganĩ hõrggẽẽnaa cunuung ꞌcĩ ẽlẽmĩ Nyekuci.

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.

1 Korinthia 7:23

Baa ũtũũwauung Nyekuci ngagiit ẽlẽk, ma nga hau hiiginnu appahacaaꞌnya cĩg eetuk tarĩ.

ꞌGalaaꞌthia 2:4

Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

ꞌGalaaꞌthia 4:17

Nẽ ꞌlimmanniooha ꞌcĩg ĩĩn oloꞌngiaak ꞌcĩg adiim alũllũmannuung ngagiit ko, hõllõngaa adiim bũnnai cunuung. Aĩ nẽẽg, hátĩ heꞌngerrio naag hĩ ngagiit nẽ iita elemtu thõõth cĩnĩĩng.

ꞌGalaaꞌthia 5:20

Ala nẽẽg hẽlẽggĩ ꞌcĩg aar eeta hĩĩtõ nyekuꞌnya, adtican thooꞌthiok cĩg ngaritu, aaburreek ꞌgõõnõgĩ nẽ ẽppẽhan thooꞌthiok, abũraneek hẽlẽggĩ cĩg eetuk, alĩĩlĩ gẽrrẽẽt, athĩngõõnyanĩ, ẽꞌngẽr eeta nẽ õtõõcõ ẽmmẽn,

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

Kolooꞌthe 2:18

Ma haaꞌnyiku eet ꞌcĩg athĩngõõnyan aĩ hĩĩgĩnna tarbalĩg nẽ alaacõ aajĩlẽẽt, higgoolluung ngagiita. Irrian nẽẽg aĩ hĩcĩtta thooꞌthiok ꞌcĩg eterꞌtheek Nyekuci ĩhõõggõ honoothitatõõ. Nẽẽthĩ, ĩĩn thõõth cĩnĩĩng ko õlõng haaga, hĩnĩngĩtĩ abbĩꞌthĩĩ muhẽẽnĩtĩ cĩ thooꞌthiok ꞌcĩg abathĩ ꞌthinneetinii cĩggĩĩng.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

1 Timotteeo 5:8

Má aaĩ ẽẽtĩ umwaa ꞌcĩ hõllõngaa aallak ittioonniok cĩgĩnnĩg, ettebehini halang cĩnnĩ dẽẽdẽ, ũtũbũr nẽẽ thõõth cĩ Nyekuci ẽlẽk, abathõõthĩ nẽẽ gẽrrẽẽt, hĩllõõan eet ꞌcĩ nga haꞌnyak lemiinit.

2 Timotteeo 4:3

Aaĩ hatĩ kõrra ꞌcĩ au aharrẽẽkĩ eeta ꞌlimman ꞌcĩ ĩĩn dĩdĩ cĩ Nyekuci ho nẽ utuhuyyi ũnnẽẽcõ hẽlẽggĩ ꞌcĩg abũraneek eleeti cĩggĩĩng haaga nẽ atabtõõthĩ ꞌlimmanniook ꞌcĩg aduhaak ĩhõõggõ thooꞌthiok cĩg adiim athĩhĩ nẽẽgĩ.

Tiito 1:11

Bĩlĩ ꞌlimman cĩnĩĩng abathĩ ho, hĩnĩngĩtĩ accanan ꞌlimmanĩ cĩnĩĩng ko halaꞌngiook ꞌcĩg mẽẽlĩg nẽ aduha nẽẽg õlõng cĩnĩĩng ko, hátĩ hummuddia ꞌrabbẽẽta.

Tiito 3:10

ꞌRioonĩk eet ꞌcĩg attiha jore tabattĩ ꞌramma, ma urutaa cĩnnĩ, ma nga hedecoothihi tarĩ.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.

1 Yõaannẽ 2:26

Hẽhẽẽdakuung naa ngagiit thooꞌthiok iccig, hátĩ agaac eet ꞌcĩg hatĩ adiim arahannuung ngagiita.

1 Yõaannẽ 4:1

ꞌGotoonoga hĩ ngoonoga, ma helemmu eet vẽlẽk ꞌcĩg aĩ haꞌnyaka Lori cĩ Nyekuci. Ĩttĩmanit ĩhõõggõ vẽlẽk, hátĩ ummuddia, hatĩ aꞌnyak nẽẽg lori ꞌcĩ aku hĩ Nyekuc dĩdĩ. Mẽẽlĩg põrõvẽtaaꞌnya ꞌcĩg ĩĩn oloꞌngiaak ꞌcĩg ĩꞌthaattothoothĩk looc nicci ẽlẽk.

ꞌJuud 1:18

Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.

Terethiinit 2:9

Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.

Terethiinit 3:8

Haga naa thooꞌthiok vẽlẽk ꞌcĩg adĩmannu niiga. Hubbuuhihuung naa ngagiit hattũũg ꞌcĩ aitiõõ ẽẽtĩ ꞌcĩ occa aꞌnyũũg tarĩ tõõ. Aꞌnyaku nẽẽꞌthẽk ꞌtirrian ꞌcĩ abadtẽc, hĩnĩngĩtĩ nganĩĩta nẽ nga aalla aꞌthuunnu thõõth caannĩ nẽ nga ẽppẽhanit ꞌthaar cĩgannĩg ũdũt.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.

Terethiinit 6:10

Ẽggẽrẽny nẽẽg moloohaa cobbi aĩ, “Makayyioohit ꞌcĩ elleemi nẽ iinu dĩdĩ, hõllõngaa aruha oolo, nẽ etteedu nẽ uuku eet baag arukeet ngagĩĩt thõng inni?”