2 Pẽẽtũrũ 1:8 - ꞌBuuk cĩ Thõõth cĩ Nyekuci

⁸ Má aalla aliꞌthu niig ꞌgõõlaa cĩ, ẽtẽrꞌtha hatĩ aĩ eeluung ngagiit thõõth ꞌcĩ agayyu Makayyioohit cĩnaac Yeesu Krĩstõ nẽ aaꞌnyĩk rũgẽt cunuung hĩĩ tiir.

2 Pẽẽtũrũ 1:8 ပူးပေါင်းရင်းမြစ်များ

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maatteeo 20:3

“Ma baa ꞌthaa tũrkũwwec ngaalloohoth, ikia ũũk nẽẽ ĩĩcĩ ꞌcuuho nẽ udtuuha eet ũgĩ ꞌcĩg aitiõõ hõllõngaa adtican ꞌgiimwa.

Maatteeo 20:6

“Ma baa ꞌthaa ꞌtur baa õbõhĩ okoloothĩk kõrra, ikia ũũk ũmmũdoothĩk eet ũgĩ tarĩ ꞌcĩg abĩlĩ haaga, nĩngĩtĩ ajini ĩhõõggõ annẽẽkĩ, ‘Abillu ngaati huutub haaga inni?’

Maatteeo 25:26

“Ẽdẽcĩ makayyioohiti cĩnnĩ ĩnõõnnõ anneek, ‘Nii dticciannioohiti ciee ĩĩnĩ nyamuttioohit abathi ho! Aga nii ngaatĩ hajaniini naa ngaatĩ nga hathacĩ hinyomo nẽ hajanõ ngaatĩ nga hakatõõĩ.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

Yõaannẽ 5:42

nẽẽthĩ, hagayyuung naa ngagiita. Haga naa aitiõõ niig hõllõngaa ammĩnannu Nyekuc ꞌthinneetinii cugguung dĩdĩ.

ꞌRooma 12:11

Idticattõ gẽrrẽẽt nẽ ma hĩĩgĩnnu nyamuttiook. Ĩrrĩcatta ngaatĩ anuyyu Lori ꞌcĩ Ẽllẽẽmĩth nẽ idticattoothihu Makayyioohit.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 13:5

Iiyyielit eleeti cugguung hátĩ ummuddia, má aꞌnyaku lemiinit cĩ Krĩstõ ꞌcĩ ĩĩn dĩdĩ. Ĩttĩmanit eleeti cugguung nẽ má ĩllõõattu ꞌtĩmman icci, ammũdaannu hatĩ ngaatĩ aayyi Yeesu Krĩstõ hĩ ngagiita nẽ má hõllõngaa aaĩ Krĩstõ hĩ ngagiita, udhuktaau thĩ ꞌthẽk niig ꞌtĩmman icci.

2 Korinthia 8:2

Tananga baa haꞌnyahit nẽẽg authet ꞌcĩ õkõmĩ nẽ tarĩ ĩĩtõ pĩĩrnattiaak, baa accamanoothĩk nẽẽg nẽ itikta ꞌbaaninit taliitta.

2 Korinthia 8:7

Adticaniinnu niig gẽrrẽẽt hĩllõõan eet vẽlẽk. Aꞌnyaku niig lemiinit ꞌcĩ õkõmĩ, othooꞌthu niig jurrung nẽ agayyu thõõth ꞌcĩ maka. Hõllõngaa appĩĩrnannu ngaatĩ aaꞌnyiku ꞌbaaninit hĩ Nyekuc nẽ ĩmmĩnatteetu niig ngagĩĩt buúk jurrung. Nẽẽthĩ ꞌyioko, hadiimma aaꞌnyiku ꞌbaaninit taliittaa cĩ ꞌthinneeti cugguung hĩllõõan eet vẽlẽk.

2 Korinthia 9:14

Alaiinnuung ꞌyioko nẽẽg ngagiit nẽ adiim acĩnnuung, hĩnĩngĩtĩ aaꞌnyuung ngagiit Nyekuci bũnnai, hátĩ aggatanit ĩhõõggõ gẽrrẽẽt.

Pilippi 1:9

Halayyi naa, hátĩ haala hĩtĩlĩth mĩnnanĩ cunuung hũũk ĩĩcĩ oou nẽ agayyu nẽ tarĩ ĩthĩktu jurrung.

Pilippi 2:5

Aanytĩk muhẽẽnĩt cunuung hudukto hĩcĩ Yeesu Krĩstõ thõng.

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Tẽꞌthaloonika 3:12

Aꞌnyĩĩk nuun Makayyioohit, hĩttõõr mĩnnan hõrggẽẽnaa cunuung, hĩ cĩ eet vẽlẽk hĩtĩlĩth hĩĩ maka gẽrrẽẽt, haau hĩcĩ hammĩnannuung naag ngagiita.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

1 Timotteeo 5:13

Nẽ tarĩ buúk, má aaꞌnyĩhoothĩk ĩhõõggõ eliiniti, au hatĩ alatan nẽẽg nẽ õtõõcõ olooyyiohĩ tahatak nẽ hatĩ iꞌthiattaaĩ otongomit ꞌgõõnõgĩ nẽ ĩĩtõ nyamuttiook ꞌcĩg õthõõth thooꞌthiok ꞌcĩg occa hõllõngaa õthõõth buúk.

Tiito 3:14

Abũnnaa adticanni eeta cĩggaac jurrung, hátĩ haꞌnyahit hẽlẽggĩ vẽlẽk ꞌcĩg adiim nẽẽgĩ, hĩnĩngĩtĩ abathĩ ngaatĩ ĩĩnĩ nẽẽg nyamuttiook.

Vilõmẽẽnõ 1:6

Halayyi naa, hátĩ hĩttõõrĩ rũmẽẽnĩtĩ cĩ lemiinit ꞌcĩ othollu niig hĩ ꞌgoonogu lemmiook, hátĩ gaa nii hẽlẽggĩ vẽlẽk ꞌcĩg abũnnaa ꞌcĩg haꞌnyak naag hĩ Krĩstõ.

Ebereei 6:12

Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

2 Pẽẽtũrũ 1:2

Halayyi naa, hátĩ hĩĩ Nyekuci tarbal hĩ ngagiit nẽ aaꞌnyuung aaut ganõõna ꞌcĩ abũnnaa gẽrrẽẽt! Aallattia agaac ꞌtirrian cĩ Nyekuci hĩ cĩ Makayyioohit cĩnaac Yeesu Krĩstõ hõdõõkõthĩ.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

2 Pẽẽtũrũ 2:20

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.