2 Pẽẽtũrũ 1:19 - ꞌBuuk cĩ Thõõth cĩ Nyekuci

¹⁹ Nẽẽthĩ hoti ho, haga naag jurrung, ngaatĩ haarĩkĩ ꞌthinneeti cĩggaac nyeemuutaa cĩ Nyekuci ĩĩ baa irrioon põrõvẽtaaꞌnya. Aaĩ nyeemuut ciee hĩ ꞌloomo ꞌcĩ attũllĩ muguuratõõ, alanyĩt ĩꞌthõng haal lõõcĩ nẽ attũllĩ lanyit cĩ Krĩstõ ꞌthinneetinii cugguung, haau hĩcĩ attũhũl cõõbõõcĩ cĩ ngerrenito looc. Adticannu hatĩ ꞌgii ꞌcĩ abũnnaa, hatĩ athiknu nyeemuut icci jurrung.

2 Pẽẽtũrũ 1:19 ပူးပေါင်းရင်းမြစ်များ

Maatteeo 4:16

Tananga aattĩg eeta cugunnig muguratõõ, acĩn hatĩ nẽẽg lanyit ꞌcĩ õõppẽr. Tananga aattĩg nẽẽg muguraa cĩ daahĩthõõ, attũlla hatĩ lanyit ĩhõõggõ.”

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Dtiicanĩ cĩg ꞌThooyyiahu 15:29

Nẽẽthĩ, ma hadaku ꞌgiimwa ꞌcĩ aaꞌnyĩhoothĩk nyekuꞌnya ꞌcĩg hõllõngaa ĩĩn dĩdĩ. Ma hadaku iding umwa ꞌcĩ nga aꞌnyak biyyi, hode iding ꞌcĩ acudi thõng. Ma hadĩmannu ꞌthẽccan ꞌcĩ thooꞌthiok ꞌcĩg ĩĩn ꞌriiring. Má anuyyu tilooinit icci, adĩmannu hatĩ thooꞌthiok ꞌcĩg abũnnaa. Hõlõ, ũnnẽẽc baaĩ nuun tilooinit icci jurrung.

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

Ebereei 2:2

Hĩnĩngĩtĩ thõõth baa aduha aajĩlẽẽta, ĩĩn thõõth dĩdĩ nẽ má baa ẽꞌthẽcan ẽẽtĩ umwaanĩ, uuki eet tĩho thõng.

ꞌJeemith 2:8

Má aꞌthuunnu niig nyattal ꞌcĩ aaddi ꞌcĩ eheeddi ꞌBuuhaa cĩ Nyekuci ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnannu eleeti cugguung,” occa thĩ adĩmannu thõõth ꞌcĩ aũlanĩ.

1 Pẽẽtũrũ 1:10

Thõõthaa cĩ elliaanĩt icci, põrõvẽtaaꞌnya baag aduha bũnnai ꞌcĩ occa baa aku hĩ ngagiit, ꞌcĩg aduha elliaanĩt cunuung ꞌcĩ aaddi gẽrrẽẽt, ꞌcĩ akũmanoothĩk, hĩnĩngĩtĩ ngagiita.

1 Yõaannẽ 5:10

Má hẽlẽmĩ naag Ngeertĩ Nyekuci, helemit naag thõõth ꞌcĩ aduha Nyekuci, hĩnĩngĩtĩ Ngeerĩnĩ. Nẽ má hõllõngaa hẽlẽmĩ naag thõõth ꞌcĩ aduha Nyekuci, hĩnĩngĩtĩ Ngeerĩnĩ, aduhõõ ngaatĩ occa hakannẽẽkĩ Nyekuc õlõng thõng.

3 Yõaannẽ 1:6

Uduktaak nẽẽg lothippit cĩ lemmioohu mĩnnan cunni. Athithan nẽẽg aĩ, baa abũnna nii gẽrrẽẽt ngaatĩ aaꞌnyĩkĩĩ ĩhõõggõ hiita halangatõõ cunni nẽ ĩꞌthooihuu ĩhõõggõ hõõt dtiicaa cĩnĩĩng ꞌgõõlaa ꞌcĩ occa ĩꞌthooini dticcianniooha cĩg Nyekuci.

Terethiinit 2:28

Nẽ tarĩ, haaꞌnyĩha ĩnõõnnõ coobooc hĩĩ terethiinit ꞌcĩ ĩllõõanĩ mĩrõk.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”