2 Pẽẽtũrũ 1:16 - ꞌBuuk cĩ Thõõth cĩ Nyekuci

¹⁶ Baa hõllõngaa haduhaakuung naag dtẽẽllẽn ꞌcĩg haddangaanna thõng korrioohĩĩ baag haduhaakuung makaaꞌthĩt hĩ bõdaanĩt cĩ Makayyioohit cĩnaac Yeesu Krĩstõ nẽ ngagĩĩt ꞌcĩg hĩĩgĩnna hẽbẽrĩ cĩg makaaꞌthĩt cĩnnĩ ho.

2 Pẽẽtũrũ 1:16 ပူးပေါင်းရင်းမြစ်များ

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 17:1

Ma baa urutaa cĩ waathinniook tõrkõnõn, ikia ũũhĩ Yeesu Pẽẽtũrũ hĩ ꞌJeemith hĩ Yõaannẽ ꞌgõtõnĩ ꞌJeemithi, muuraa umwaanĩ ĩcĩ uuni kĩdak.

Maatteeo 24:27

Aaĩ hatĩ kõrra ꞌcĩ akuuni Ngeertĩ Eeto hĩ bõrõhẽẽcĩ ꞌcĩ ammadĩ, ꞌcĩ aku ĩĩcĩ uruto, acĩn eeta ĩĩcĩ õkõlõõthĩkĩ kõrra vẽlẽk nẽ aaĩ hatĩ kõrra cĩ akuuni Ngeertĩ Eeto noho.

Maatteeo 24:3

Ma baa urutaa cĩnnĩ, baa nga iccioloongan Yeesu loota ũbũtaa cĩ Muur cĩ Olivi, iita ummuddioothĩk nuyyiooha cĩgĩnnĩg ĩnõõnnõ ẽmmẽn nẽ ijinit ĩĩttĩk, “Adĩmanni hatĩ thõõth ciee hatĩngaan? Ne hatĩ ꞌcĩ ẽtẽrꞌtha aĩ, akuu hatĩ niina, hĩ decciaanĩt cĩ lootu?”

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maarko 13:26

“Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩtõõ makaaꞌthĩtaa cobbi hĩ bulẽẽtta.

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

ꞌLuuka 1:2

Ĩĩn thooꞌthioha baag ẽhẽẽd nẽẽg ko, nyeemuꞌnya baag aduhaakeet ngagĩĩt eeta baag ĩcĩnĩt hẽbẽrẽẽnnĩĩ cĩggĩĩng dẽẽdẽ.

ꞌLuuka 9:43

Nĩngĩtĩ abulanĩ ꞌtirriani ꞌcĩ Nyekuci ho eet gẽrrẽẽt. Ma baa nga abulan eet ꞌlẽẽmĩthĩ cĩ thõõth ꞌcĩ adtican Yeesu ho, ĩĩnnĩk nẽẽ nuyyiook cĩgĩnnĩg,

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

1 Korinthia 1:17

Hĩnĩngĩtĩ baa hõllõngaa ĩꞌthõõannaa nganĩĩt Krĩstõ hikia haggameek eet baattithimo, baa anneeka nẽẽ nganĩĩt ꞌlimmaneek eet nyeemuut ꞌcĩ abũnnaa, hõllõngaa thĩ hinnia ꞌgẽẽnyĩthaa cĩ eet ꞌcĩ holli õõ haaga, hátĩ hiittiõõ ꞌtirriani cĩ hurucce cĩ Krĩstõ hõllõngaa aꞌnginoothi.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 1:7

Nẽẽthĩ hoti ho, aꞌnyaku niig ꞌbaaninit cĩ Loriio nga ereeinnu taliitta, huppwaanna Makayyioohiti cĩnaac Yeesu Krĩstõ.

1 Korinthia 2:1

ꞌGotoonoga hĩ ngoonoga, kõr baa hakuuni naa hĩ ngagiita, baa hõllõngaa hakuu hĩ ẽẽtĩ ꞌcĩ haganeehi thõõth, hode hĩ ẽẽtĩ ꞌcĩ heggeenyi thõng, baa hakuu haduhaakuung thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu.

1 Korinthia 2:4

Baa hõllõngaa aꞌnyak nyeemuut caannĩ hĩ ꞌlimman caannĩ thooꞌthiok ꞌcĩg ẽggẽẽnyĩth hĩ thooꞌthiok cĩg lũllũũmaniittak, baa hallimaniini naa ꞌtirrian cĩ Loriio,

1 Korinthia 5:4

Ma alũteennu niig ꞌthaarĩĩ cĩg Makayyioohit cĩnaac Yeesu nẽ haau naa hĩ ngagiit loriia nẽ aau ꞌtirriani cĩ Makayyioohit cĩnaac Yeesu,

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

2 Korinthia 4:2

Nẽẽthĩ hinnianĩ, haharreeka naag thooꞌthiok ꞌcĩg adĩman eeta burkiitina ꞌcĩg ĩĩn ngaaoni. Nẽ hõllõngaa hĩggõõlla eet umwa, hode hõllõngaa hũũhũyya thõõth cĩ Nyekuci. Ĩĩn Nyekuci hebereec cĩnaang ꞌcĩ aga ngaatĩ hõthõõꞌtha naag thõõth ꞌcĩ ĩĩn dĩdĩ. Haduhaanna naag thõõth ꞌcĩ ĩĩn dĩdĩ muumaa cĩ Nyekuci nẽ aga eeta vẽlẽk ꞌcĩg aduha thõõth ꞌcĩ ĩĩn dĩdĩ, thõõth icci.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

Pilippi 3:21

Õkõõĩ hatĩ nẽẽ eleeti cĩggaac ꞌcĩg hõllõngaa attiran ꞌcĩg adaahĩ ho nẽ ũtũhũ ĩhõõggõ hĩĩtõ eleeti ꞌcĩg abuli haauto hĩ ẽlẽ cĩnnẽẽnĩ, makaaꞌthĩtaa ꞌcĩ hatĩ aggamĩ nẽẽ hẽlẽggĩ vẽlẽk.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

2 Tẽꞌthaloonika 2:9

Ma ikia ẽẽtĩ ꞌcĩ abũrĩ thõõth cĩ Nyekuci ho, aku hatĩ adtican dtiic cĩ ꞌThĩttaanõ nẽ ĩdĩman thooꞌthiok ꞌcĩg ĩnaat eeta hĩ terethiinit ꞌcĩ ĩĩn õlõng.

1 Timotteeo 1:4

Duhaak eet hũtũngteek thooꞌthiok ꞌcĩg ara nẽẽg athithan, õthõõthĩ dtẽẽllẽn ꞌcĩg ĩĩn õlõng hĩ ngaatĩ agiilanĩ hattũũgẽt baag maajihi cĩggĩĩng baag baangaani, ꞌcĩg aaꞌnyĩk ĩhõõggõ hẽppẽhattõõ haaga nẽ hõllõngaa aaꞌnyĩk ĩhõõggõ hidticanit thõõth cĩ Nyekuci, ꞌcĩ hammũda ꞌgõõlaa ꞌcĩ hẽlẽmmĩ thõõth cĩnnĩ diooni.

1 Timotteeo 4:7

Ma hadticaniini dtẽẽllẽn ꞌcĩg hõllõngaa ĩĩn dĩdĩ, ꞌcĩg hõllõngaa õõkõrõõ hĩ thõõth cĩ Nyekuci, gõõng accamana ngaaĩ ꞌcĩg atahaanyito, haĩ haaga nẽẽ, ꞌrũhũũlana ngaatĩ allimanĩĩ thõõth cĩ Nyekuci.

Tiito 1:14

nẽ ũtũngteek nyeemuꞌnya ꞌcĩg hõllõngaa ĩĩn dĩdĩ cĩg eet cĩg ꞌJudeei, hĩ tilooinit cĩ eet ꞌcĩg ũtũbũrĩt thõõth ꞌcĩ ĩĩn dĩdĩ.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.

1 Yõaannẽ 4:14

Baa ĩꞌthõõa Nyekuci Ngeerĩnĩ hikia hĩĩ Ellioohit cĩ eet cĩg looc nicci. Baa hĩcĩtta naag Ngeerĩnĩ nẽ ꞌyioko huduktaaha naag eet thõõth cĩnnĩ.

ꞌJuud 1:14

Baa ĩĩn Ẽẽnõhĩ eet ꞌcĩ ĩĩn tũkĩramma ngaatĩ anũõõꞌthĩ Aadam, nẽ baa õthõõth nẽẽ thõõth cĩ eet iccig aĩ, “Ĩcĩnĩt nõõ! Aku hatĩ Makayyioohiti õõkõra hĩ aalibꞌnya cĩg aajĩlẽẽt ꞌcĩg ẽllẽẽmĩth ꞌcĩg occa hõllõngaa agiili,

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.