2 Pẽẽtũrũ 1:13 - ꞌBuuk cĩ Thõõth cĩ Nyekuci

¹³ Nẽ dĩdĩ, hammuhi occa abũnnaa ngaatĩ hammuhaakuung ngagiit thõõth icci, nga harugi naa ho.

2 Pẽẽtũrũ 1:13 ပူးပေါင်းရင်းမြစ်များ

2 Korinthia 5:8

Haaut hokomit, hĩnĩngĩtĩ mẽẽn ngaatĩ hadaaknĩ loota nĩnga nẽ hõõt õlõ hẽẽtahujjieen hũrũmtĩ hĩ Makayyioohit.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Pilippi 3:10

Hadiimi haga naa Krĩstõ hĩ ꞌtirrian cĩ Nyekuc baa arũgtha ĩnõõnnõ daahĩtha. Hadiimi haccanannii naa buúk hĩ baa accananni nẽẽnĩ nẽ hadaaha hĩ baa adaahĩ nẽẽnĩ,

2 Timotteeo 1:6

Nẽ thõõthaa cĩ, hanneekii dticcianõõĩ ꞌbaaninit baa aaꞌnyi Nyekuci nganiit kõr baa hataadiki naa nganiit athĩn cĩgannĩg nẽ halaooyyiina.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.

2 Pẽẽtũrũ 1:12

Nẽẽthĩ hoti ho, hammuhaakuung hatĩgõõng naa ngagiit thooꞌthiok iccig, tananga agayyu niig ĩhõõggõ ẽlẽk nẽ okomtu thõõthaa ꞌcĩ ĩĩn dĩdĩ, ĩĩ baa allimanoothikuung ngagiita.

2 Pẽẽtũrũ 1:14

Hĩnĩngĩtĩ eteretheeha Makayyioohiti cĩnaac Yeesu Krĩstõ ẽlẽk, ngaatĩ hidiim hũtũngẽẽhĩ naa rũgẽt cĩ looc nicci.

2 Pẽẽtũrũ 3:1

ꞌGotoonoga hĩ ngoonoga, waraga ꞌcĩ hẽhẽẽdakuung naa ngagiit ꞌcĩ ĩĩn ꞌramma cieeni. Hẽhẽẽdakuung, hátĩ hũkũtanuung haaꞌnyuung aꞌnyahit muhẽẽnĩt ꞌcĩ ĩĩn dĩdĩ.