2 Pẽẽtũrũ 1:12 - ꞌBuuk cĩ Thõõth cĩ Nyekuci

¹² Nẽẽthĩ hoti ho, hammuhaakuung hatĩgõõng naa ngagiit thooꞌthiok iccig, tananga agayyu niig ĩhõõggõ ẽlẽk nẽ okomtu thõõthaa ꞌcĩ ĩĩn dĩdĩ, ĩĩ baa allimanoothikuung ngagiita.

2 Pẽẽtũrũ 1:12 ပူးပေါင်းရင်းမြစ်များ

Dtiicanĩ cĩg ꞌThooyyiahu 16:5

Ma ho, iita ittiranit lothippiꞌnya cĩg lemmioohu lemiittaa cĩnĩĩng nẽ ittoorri waathinniook vẽlẽk.

Pilippi 3:1

ꞌGotoonoga hĩ ngoonoga, thõõthaa ꞌcĩ adtuurna vẽlẽk, accamattoothĩk, hĩnĩngĩtĩ iittu niig eet cĩg Makayyiooktak. Hõllõngaa hahari naa ngaatĩ hẽhẽẽdakuung ngagiit thõõth baa ĩĩcĩ oou tarĩ nẽ dĩdĩ, hẽhẽẽdakuung hĩnĩngĩtĩ bũnnai cunuung.

Kolooꞌthe 1:5

hĩnĩngĩtĩ muhẽẽnĩtĩ ꞌcĩ abũnnaa ꞌcĩ aꞌnyaku niiga, itiangthoothikuung ngagiit hẽẽtahujjieen. Baa ithiktu niig muhẽẽnĩt ꞌcĩ abũnnaa ho ĩĩcĩ oou, baa elemmu nyeemuut ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa,

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

1 Timotteeo 4:6

Má allimaneehi nii eet thooꞌthiok iccig, aku hatĩ ĩĩnĩ dticciannioohit ꞌcĩ abũnnaa cĩ Yeesu Krĩstõ, ꞌcĩ alĩꞌtha thooꞌthiohĩĩ ꞌcĩg ĩĩn dĩdĩ hĩ lemiittaa cĩ Nyekuci, hĩ ꞌlimmaana ꞌcĩ abũnnaa ꞌcĩ ẽlẽmmĩ nẽ ũnũĩ ĩnõõnnõ.

2 Timotteeo 1:6

Nẽ thõõthaa cĩ, hanneekii dticcianõõĩ ꞌbaaninit baa aaꞌnyi Nyekuci nganiit kõr baa hataadiki naa nganiit athĩn cĩgannĩg nẽ halaooyyiina.

Ebereei 10:32

Ma hataarroꞌthu waathinniook baag oou, baag athiknu niig thõõth cĩ Yeesu, ummukta tarĩ ꞌgõõl baa elemmu niig thõõth cĩnnĩ, tananga baa hĩĩ maka pĩĩrnanĩtĩ cunuung gẽrrẽẽt.

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.

2 Pẽẽtũrũ 1:13

Nẽ dĩdĩ, hammuhi occa abũnnaa ngaatĩ hammuhaakuung ngagiit thõõth icci, nga harugi naa ho.

2 Pẽẽtũrũ 1:15

Nẽ hattĩmani hatĩ gẽrrẽẽt ngaatĩ haaꞌnyuung ngagiit ummukta thooꞌthiok iccig hõdõõkõthĩ, urutaa ꞌcĩ hũũhĩ naana.

2 Pẽẽtũrũ 3:1

ꞌGotoonoga hĩ ngoonoga, waraga ꞌcĩ hẽhẽẽdakuung naa ngagiit ꞌcĩ ĩĩn ꞌramma cieeni. Hẽhẽẽdakuung, hátĩ hũkũtanuung haaꞌnyuung aꞌnyahit muhẽẽnĩt ꞌcĩ ĩĩn dĩdĩ.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

1 Yõaannẽ 2:21

Nẽẽthĩ hoti ho, hõllõngaa hẽhẽẽdakuung naa ngagiit waraga icci, hĩnĩngĩtĩ hõllõngaa agayyu niig thõõth ꞌcĩ ĩĩn dĩdĩ. Nẽẽthĩ, hẽhẽẽdakuung, hĩnĩngĩtĩ agayyu thõõth ꞌcĩ ĩĩn dĩdĩ hĩcĩ ĩĩn õlõng nẽ tarĩ, agayyu ngaatĩ hõllõngaa akuuni thõõth ꞌcĩ ĩĩn dĩdĩ thõõthaa ꞌcĩ ĩĩn õlõng.

2 Yõaannẽ 1:2

Hammĩnannuung naag ngagiit, hĩnĩngĩtĩ aau thõõth ꞌcĩ ĩĩn dĩdĩ ꞌthinneetinitõõ cĩggaac nẽ aala hatĩ gõõng hĩ ngagĩĩt ooo.

ꞌJuud 1:17

ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.

ꞌJuud 1:5

Ma hataarroꞌthu thõõth cĩ eet baag ẽẽla Makayyioohiti Ijjiba. Baa hõllõngaa ẽlẽmĩ nẽẽg ũgẽẽgĩ Nyekuc, nĩngĩtĩ aruhi nẽẽ ĩhõõggõ baa uruta.